Korɛntə dɔlɔɔ 16:10 - Yálá laawoo hɛɓɛ (dc)

¹⁰ Timote a pa laa, ka ká yee hee mu a nɛlɛɛ, mąąhɔlɔɓo, kwa yaa ɓə ku kaa Ną́mu nwɔ kólói ɓa kuɔ gɛ.

Yálá laawoo hɛɓɛ

¹⁰ Timote a pa laa, ka ká yee hee mu a nɛlɛɛ, mąąhɔlɔɓo, kwa yaa ɓə ku kaa Ną́mu nwɔ kólói ɓa kuɔ gɛ.

Bible

¹⁰ Temete à pà, ka gáa a gɛ́ɛ ve yao, é kɛ́ kásama, kpɛ́ni fêi, gáa Kúnuu-namui ŋɔtíi kɛ̂i yɛ̂ɛ ńyãa.

Korɛntə dɔlɔɔ 16:10 Iomraidhean Croise

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Gɛlaɠaa 19:22

Polə ə mąą kpɔnmąą ɓo nuą hveelɛ tɛɛ: Timote da Erastə, diɛ li Masedoanə lɔi hu. Kɛlaa, nwɛi, ə lɛɛ Asi lɔi hu ə yíi kuu ta wolo kɛ laa.

Lomaŋ 16:21

Timote yai kwa yaa ku kaa kólo kɛi gee ɓa, yɛ ka tuwɔ ɓo, ə mą kɛ Lusiusə, Ɉasɔn, da Sosipatrɔsə diɛi di kaa a ŋą́ nuą, diɛ kpɛli diɛ ka túwɔ́ɓo.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə dɔlɔɔ 16:11

Nui lɔpee ta hvo mɛlɛkpɛɛ ma, yaamun, ka kpɔnmąą tɛɛ bɔ, ə gɛ, ə nwɔ hiɛ kulɔ liilaa hu, ə gɛ, ə pənə ə pa, ə həli mą́ą́. Mąąhɔlɔɓo, kwa gu nąn nonnii ku kaa mąąkpɔn ɉii.

Korɛntə dɔlɔɔ 4:17

Yili ɓə kpɔ gɛ, ŋą́ nwɛ́likɛmąą lon Timote tɔɔ, yai vąŋąlɔɔ gu Nąmu mąą mɛ̨nį hu. Bələi ŋą́ nwɔ́ yɛnɛ̨ɛ̨ kɛ la Kristə yee kɔnma, gaa pai nąą kili tooi ká ɲą, a bələi ti ŋą́ hiɛ la, gbɔn gəlee ɲɛ̨i ɓa.

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə dɔlɔɔ 4:12

əgɛ, ká túwɔ́ pələ mąą ə wiɛ yɛnɛ̨ɛ̨ nuą ɲɛ̨i ɓa, ɛlɛɛ, ká hvo pa nəi hɛlɛn nu ta ɓa.