Korɛntə dɔlɔɔ 13:3 - Yálá laawoo hɛɓɛ (dc)

³ Ə mą kɛ ŋą́ą́ ɲəi hɛnŋąa kəlee ɲąąkwɛlɛ nuą pulu kaa diɛ, di pɔ, ə mą kɛ, ŋą́ą́ gbɔ́wɔ́ tɛɛ, diɛ gə́lən, akɛ wɛlikɛmąąlaa hvo ɲə́i, vá hɛn da hɔlɔɓo ɉu.

Yálá laawoo hɛɓɛ

³ Ə mą kɛ ŋą́ą́ ɲəi hɛnŋąa kəlee ɲąąkwɛlɛ nuą pulu kaa diɛ, di pɔ, ə mą kɛ, ŋą́ą́ gbɔ́wɔ́ tɛɛ, diɛ gə́lən, akɛ wɛlikɛmąąlaa hvo ɲə́i, vá hɛn da hɔlɔɓo ɉu.

Bible

³ A kɛ̀ máŋ ŋà ŋ́gɔ̃liŋ kélee kɔ̀lɛ gôlo-ƃelai dîa, ŋa ŋ́gbono tɛ́ɛ a gɛ́ɛ dí géreŋ, kɛ́lɛ, wɛli-kɛ-maa fe ńyêei, fa sɛŋ sɔlɔ ƃô zu.

Korɛntə dɔlɔɔ 13:3 Iomraidhean Croise

Azaya 57:12

Kɛlaa nwɛi, gáá pai ə́ «təlimo mɛ̨nį hukulɔi», ɛlɛɛ, ə́ kɛ kóló ta tɔlɔ hvo pai həlii yɛ́.

Ɉeremi 7:8

Kɛlaa, akɛ kaa kɛi ka kpɔɔ ɓowo a lɛɛ wooɠaa, yii nwun və mą,

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Lukə 18:28

Piɛrə yɛ mą: «Akɛti, kuɔi ŋɛ̨i kwaa ku yəi hɛnŋąą kəlee lɛɛ laa, kwaa hvilɛn ə́ pulu.»

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Ɉaan 12:43

Nuą tii di wɛi, mąąwiɛlaai a həɠə nuą pɔ, ya ɓə di kɛi gwɛli, ə tɛɛ yii a həɠə Yálá yəi mą.

Ɉaan 13:37

Piɛrə yɛ Jesus ɓa: «Ną́mu, lə mɛ̨nį ɓa va pɛli hvilɛn ɉi ə́ pulu yiihu? Ŋą́ pɛli kpɔ ŋą́ haa ə́ mąą mɛ̨nį ɓa.»

Ɉaan 15:13

Wɛli kɛ mąą laa ta hva tɛɛ yii nu a haa la mɛlaa mąą mɛ̨nį ɓa mą.

Ɉaan 6:63

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Galatə 5:26

Mąą hvo nɛ̨ɛ̨li 'gu hvo gu kpɔwɔ ɲąąkɛnɛ̨, gu hvo gu liiŋąnwąną gu kee pɔ, gu hvo gu keeni ɲɛ̨ikɔw kpɔlu.

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.