Korɛntə dɔlɔɔ 13:13 - Yálá laawoo hɛɓɛ (dc)

¹³ Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Yálá laawoo hɛɓɛ

¹³ Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Bible

¹³ Mɛni ma, zɛŋ saaƃa ŋí, laa-la, kili-kɛ-zu, da wɛli-kɛ-maa díkaa nɔ́ naa wɔlɔ-wɔlɔ, kɛ́lɛ, zɛŋ saaƃai ŋí nyíi dɛɛ̂i gélee mai, ǹyaa ƃa wɛli-kɛ-maa.

Korɛntə dɔlɔɔ 13:13 Iomraidhean Croise

Mąątɛ̨nɛ̨ 146:5

Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 43:5

Níi wolo, ə́ kaa mąąwɛli hee ɓoi, yɛ́ ə́ wóó laa mɛ̨́i, lə mɛ̨nį ɓa? Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, yai a nwún mąąɓomun, da nwɔ́ Yálá!

Lukə 10:27

Ɉulɔnui tii ə nwoo pulu pənə yɛ mą: «‹Ə́ Ną́mu ə́ wɔ Yálá wɛli la kɛ a ə́ lii kəlee, a ə́ nɔw kəlee, ə́ wɔ huwalawala kəlee, ə́ wɔ kiliŋąhiɛ kəlee.› Ə lɛɛ, ‹Da ə́ ə́ hee yɔwɔ wɛli la kɛ yɛ ə́ kpinįi.›»

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Korɛntə dɔlɔɔ 14:1

'Ká wɛlikɛmąąlaa kwɛli, Kili yəi mɛ̨inɛ̨ɛ̨ɠaa mąą lii ə too ká kwəi; gəlee ə mą kɛ, Yálá kwəi mɛ̨nį hukulaa.

Korɛntə dɔlɔɔ 16:14

Ka mɛ̨nį kəlee kɛ a wɛlikɛmąąlaa.

Korɛntə dɔlɔɔ 3:14

Nui gɛ kolo a lɛɛ, a mąą hvɛla hɔlɔɓo.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Korɛntə veelɛ 5:15

Ɛlɛɛ, ə nu kəlee pulu haa ɓo, ə gɛ, nuąi di hvulú kɔwɔ ɲą, di hvo yɛnɛ̨ɛ̨ kɛ a di kpɔwɔ mąą mɛ̨nį, kɛlaa, di yɛnɛ̨ɛ̨ kɛ nui haa ə nwun, mąą mɛ̨nį ɓa.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Filipə 1:9

Yii ŋą́ vɛli, ká mąą mɛ̨nį ɓa ya ka: Gɛ́ ka wɔ wɛlikɛmąąlaa hu yɛ kɛnɛ̨ lɔ a yələ kəlee, da yɛ pɛlɛ mą mɛ̨nį kɔ́lɔnŋąą hu,

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Kolosə 3:14

Kɛlaa, mɛ̨nį kəlee hu, ka wɛlikɛmąąlaa too ka kwaną, yai a mɛ̨nį kəlee naa kulɔ.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Tɛsalonikə dɔlɔɔ 5:8

kɛlaa, guɔi a yələɓɔɔ lonnii, 'ká gu kɛ gili-gili, 'ká gu gu kəɠə-mɛ̨i-həɠə too, yai a laa na laa, da wɛlikɛmąą laa, ɛlɛɛ, ɓalo mɛ̨nį ŋą kilitɔɔmąą laa ə kɛ a mɔlɔ.

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Hebreu 10:35

Ka hvo lɛ̨ą ka wɔ kilitɔɔmąą laa ɓa, hvɛla kulɔ kɛnɛ̨ɛ̨ kaa ɉu.

Hebreu 10:39

Gu nwɛi, gu hvo yɛ nuąi daa pənə, daa di pulu tɔɔ, di nwun pili mɛ̨nį ɓa, kɛlaa, gu kaa a laa na nuą, gu nįį nwun mąąɓo mɛ̨nį ɓa.

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Hebreu 6:19

Gilitɔɔmąąlaai gu yəi, gaa a gu kpulɔn ɲɛli, a poną, ganąn ŋąą gu kili pɔ a nwala-walaa, ə ɓo a tɛ̨ą, yɛ lɔ ɉəɠə ɓɛla pulu pələ Yálá lííla.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Zɔ̂ŋ Maa-ŋuŋ 2:10

Nui nąn non nwɛli kaa mą, gaa kɛɛ pono hu, ɛlɛɛ, hɔn da hvo mą, yɛ pɛli dooi.

Zɔ̂ŋ Maa-ŋuŋ 2:14

Lɛapɛlɛɛ, ŋą́ ɉɛɓɛ́ ŋɛ̨i tɛɛ káá, ká Nąn Yálá kɔlɔn. Ną́nni ŋą́ ɉɛɓɛ́ ŋɛ̨i tɛɛ káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ka gɔlɔn. Muhəɠə nįnɛ̨ɠaa ŋą́ ɉɛɓɛ́ ŋɛ̨i tɛɛ káá, mąąhɔlɔɓo, káá tɔɔ kpąą, ɛlɛɛ Yálá laa woo aa ɉeei kulɔ ká hu, ɛlɛɛ, ká yee aa tɛɛ mɛ̨nį ɲɔn nwun nąmu ɓa.

Zɔ̂ŋ Maa-ŋuŋ 2:24

Ká wɛi, nwɛlɛɛi ká mɛ̨n a gɔwɔ tɔɔ yələ ə ɉeei kulɔ ká hu. Akɛ, ɉeei kulɔ ká hui, nwɛlɛɛ ŋɛ̨i ká mɛ̨n a gɔwɔ tɔɔ yələ, káá kpɛlimąn, ká káá pai, ká heei hɔlɔɓoi Non da Nąn di hu;

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.

Zɔ̂ŋ Maa-ŋuŋ 3:9

Nui lɔpee Yálá aa gaa a lon, hva nɛ̨ŋɛ̨n ɉəɠə, gbala ə tɔɔ, ŋą híhɛn gɔwi ta kaa ɉu; ɛlɛɛ, hva pɛli kɛa nɛ̨ŋɛ̨n ɉəɠəi, mąąhɔlɔɓo, Yálá aa gaa a lon.