Korɛntə dɔlɔɔ 11:2 - Yálá laawoo hɛɓɛ (dc)

² Ŋą́ ká mąątɛ̨nɛ̨i, gɛ mɛ̨nį ną́ą́kili a too ká ɲą mɛ̨nį kəlee hu, ɛlɛɛ, ká yee kanąn mɛ̨nį gu yíi pələ ɓa, yɛ bələi ŋį́ nɛ la káá.

Yálá laawoo hɛɓɛ

² Ŋą́ ká mąątɛ̨nɛ̨i, gɛ mɛ̨nį ną́ą́kili a too ká ɲą mɛ̨nį kəlee hu, ɛlɛɛ, ká yee kanąn mɛ̨nį gu yíi pələ ɓa, yɛ bələi ŋį́ nɛ la káá.

Bible

² Ŋa kálaa maa tɛ̂i, kpɛ́ni fêi, ŋ́gili káa káŋa mɛni kélee su kakɛ dûa-pere-ŋai mɛi kaa, yɛ̂ɛ berei ŋa dítɛ̀ɛ la kápɔi.

Korɛntə dɔlɔɔ 11:2 Iomraidhean Croise

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Korɛntə dɔlɔɔ 11:17

Yiiɠaa ti kɛ, gwaa yili kaa, və́ ká mąątɛ̨nɛ̨i; ká wɔ ɲąąkpɔnŋaai di hva ka tɛ tɔwɔ, yaamun, a ká kala.

Korɛntə dɔlɔɔ 11:22

Pɛ́lɛ́ hvo mɔ̨ɔ̨ ká yəi káá kɔ̨nɔ̨n mįi mu, káá ká kpələ laa? Ɓaa, gbɔn ɓə mɔ̨ɔ̨ ka káá mɛlɛ tooi? Ɛlɛɛ nuąi hɛn və di yəi kaa di nwumɛ̨ la tii? Lə kpɔ ɓə ŋą́ pɛli moi káá, ka túwɔ́ pələ a kɛ tii, mąąnɛ̨ɛ̨ ŋą́ ka mąątɛ̨nɛ̨? Vá kpɔ tai gɛ! Vá ka mąątɛ̨nɛ̨ yili hu.

Korɛntə dɔlɔɔ 15:2

ɛlɛɛ, yai ɉaalai ɓə ka káá pai ɓaloi la, akɛ ka ká yee kanąn mą, yɛ bələi ŋį́ naa həli la kaa; ka wala yili kɛ tii, ká wɔɔ laa na laa a lɛɛ a kpɛli.

Korɛntə dɔlɔɔ 4:17

Yili ɓə kpɔ gɛ, ŋą́ nwɛ́likɛmąą lon Timote tɔɔ, yai vąŋąlɔɔ gu Nąmu mąą mɛ̨nį hu. Bələi ŋą́ nwɔ́ yɛnɛ̨ɛ̨ kɛ la Kristə yee kɔnma, gaa pai nąą kili tooi ká ɲą, a bələi ti ŋą́ hiɛ la, gbɔn gəlee ɲɛ̨i ɓa.

Korɛntə dɔlɔɔ 7:17

Nu kəlee ə túwɔ́ yɛ bələi gu Nąmu ə dí la, yɛ bələi lɔ ə kɛ la Yálá yɛ dəli. Niɛwooi tii ɓə gáá gɛi gbɔn kəlee ɓa.

Tɛsalonikə dɔlɔɔ 1:6

Ɛlɛɛ, káán, ká ku pɔɔ kɔɔn, kuɔ kwa gu Nąmu ni; káá ká yee hee Yálá laa woo mu, mɔ̨nɔ̨ tamąą hu, a kwəinɛ̨ɛ̨i a həɠə Kili-Mąąhəɠɛɛ yəi.

Tɛsalonikə dɔlɔɔ 3:6

Yiihu kɛa, Timote aa həɠə ká pɔɔli aa pa, ɛlɛɛ, aa ká wɔ laa na laa da ká wɔɔ wɛlikɛmąą laa mąą mɛ̨nį hukulɔ kuɔ, yɛ kuɔ, ku nąą kili lɛlɛɛ kaa ká ɲą, ɛlɛɛ, ku kaa wɛli kaa ká hon ɉii, yɛ bələi lɔ kuɔ kpɛli ká kaa wɛli kaa ku ho ɉii la.

Tɛsalonikə veelɛ 2:15

Yili ɓa, ną́n nonnii, ɲíiɓo pələi tii ku ká mąąkwɛli mą, a ku woo da yii ku bɛ̨ɛ̨, 'ká ká yee kanąn mą kpąą.

Tɛsalonikə veelɛ 3:6

Ną́n nonnii, ku kaa ká tíi gu Nąmu Jesus Kristə laa hu, kuɔ, kristalɛai di hvo di wɔɔ yɛnɛ̨ɛ̨ laa honmoi, di túwɔ́ pələ hvo yɛ bələi ku ká liɛwoo kɛ la, 'ká ká mąąkwɛa diɛ.