Korɛntə dɔlɔɔ 10:11 - Yálá laawoo hɛɓɛ (dc)

¹¹ Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Yálá laawoo hɛɓɛ

¹¹ Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Bible

¹¹ Ǹyaŋ mɛni-ŋai ŋí dí kɛ̀ a dia a gɛ́ɛ é kɛ́ a mɛni kɔɔŋ-maa. Kɛ́lɛ, dí dípɔ̃yɛ̂ kútare tɔɔ mɛni ma, kúai ŋ̀éniɛi gbɛɛ-ŋai a pâi kúpɔi.

Korɛntə dɔlɔɔ 10:11 Iomraidhean Croise

Zɛnɛse 19:35

Di lɔɔ tɔɔ di nąn na, nɔɔ ə ɉon, mąą yələwulii, da nokolo laamun di laa. Di nąn və gili kɔ́lɔn.

Mąątɛ̨nɛ̨ 102:18

A ɲələi ti gaa pai ɲɛ̨i tinɛn ɉi la nuą daa too, di pɔ pələ, di wɔ hvɛli wooi pɔ pələi, gaa pai ɲee heei di wɔ hvɛli wooi mu, hvo kɛa pai di pilii.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Maafîu 13:39

Ɉulɔnu tii, ɲowo yii kɛi gala kɔ́w ɲɔ̨n bili ɲɛa ya ɓaa a nąnį. Deei lɔwai ɓaa a: Yɛnɛ̨ɛ̨ ɲąąkpɛɛi lɔwai. Dee nuą ɓaa a: Yálá nwɔ malakaɠaa.

Maafîu 13:40

Pələi tii da gala kɔ́w ɲɔ̨n gulɔ la ɉu, bələ ɓə gaa pai kɛi la a yɛnɛ̨ɛ̨ ɉaakpɛɛi lɔwai.

Lomaŋ 13:11

'Ka ka keeni wɛli la kɛ, mąąhɔlɔɓo, nɔwai ŋɛ̨i gu kaa ɉu ka gɔlɔn. Ká ɲįnąąɓoi lɔwai ka. Hvó gaai, nwun mąąɓo mąą aa kpuɔ guɔ yiihu, ə tɛɛ la ɲələi gu laa la Kristə la, ɲələ ɓa.

Lomaŋ 13:12

Kwiihɛ̨ą aa tɛɛ, yələ ɓɔi lɔwai aa lɛɠɛ. 'Ká gu lənə kpinį hu mɛ̨nįɠaa diɛ, ká guɔ kɛɛpono nwɔ kúláá hɛnŋaa kɛ guɔ.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Lomaŋ 4:23

Kɛlaa, yaa tɔ̨nɔ̨ lɔ hvəə ɉɛɓɛ́ ə kɛ mą: Tələnmomun.

Korɛntə dɔlɔɔ 10:6

Mɛ̨nįɠaai tii di kɛ tii, ə gɛ, ə kɛ háákələi gu yəi a mɛ̨nį kɔ́ɔn mąą, ə gɛ, gu ɲɛ̨i hvo pa kulɔ mɛ̨nį ɲɔ̨n bɔ, yɛ bələi di ɲɛ̨i ə kula bɔ.

Korɛntə dɔlɔɔ 7:29

Ną́n nonnii, mɛ̨nį gɛ́ ŋą́ mo kaa ya ɓa: Ɲɛnɛ̨ɛ̨ hu hvo kɛa kwɛa li, gɛ́ nuąi nɛ̨ą kaa diɛ, di di kpɔɔ kaa lɔ yɛ nɛ̨ą a wala kɛ diɛ.

Korɛntə dɔlɔɔ 9:10

Kɛlɛi, guɔ ŋɛ̨i gu mąą mɛ̨nį ɓə ə yili pɛ̨ɛ̨ la. Mąąhɔlɔɓo, hvo kɛli, gɛɛhinmun gilitɔɔi ə kɛ mą, mɔ̨nun danmun gili ə ɓo ɉu, yɛ, yaa kpɛli nwɔɔ kaa ɉu.

Galatə 4:24

Yili kaa a mɛ̨nį mąą hanwon, Nɛ̨ąą hveelɛi tii kaa a mįnɛ̨ hveelɛi, mįnɛ̨ dɔlɔɔ, yai di ɉəɠə Sinai yee ɓa, luwɔ lon mə ə gaa, yili ka tii, a Agarə.

Filipə 4:5

Mąąnɛ̨ɛ̨ nu kəlee di ká wɔ túwɔ́ pələ lɛlɛ kaa, gu Ną́mu pai lɔwai mąą a kpuɔ.

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

Hebreu 10:37

«Mąąhɔlɔɓo, kpɔlɔɔ tíikpə, kpɔlɔɔ a lɔwai hukpua, nui pai, yɛ pa həlii guɔ, hvo pai mąą yíi.

Zɔ̂ŋ Maa-ŋuŋ 2:18

Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.