Kɔlɔnikɔ Maa-ŋuŋ 9:11 - Yálá laawoo hɛɓɛ (dc)

¹¹ Azaria, Hilkiya lon, Mesulamə lon, Sadɔkə lon, Merayotə lon, Ahituvə lon, yai kɛ a Yálá nwɔ pɛlɛ́i mɛ̨i kaa nuą nwun nąmu.

Yálá laawoo hɛɓɛ

¹¹ Azaria, Hilkiya lon, Mesulamə lon, Sadɔkə lon, Merayotə lon, Ahituvə lon, yai kɛ a Yálá nwɔ pɛlɛ́i mɛ̨i kaa nuą nwun nąmu.

Kɔlɔnikɔ Maa-ŋuŋ 9:11 Iomraidhean Croise

Samia Veerɛi 8:17

Ahituvə lon Sadɔkə, da Abiatarə lon Ahimelɛkə ɓə kɛ a ɉaláá laa həli nuą, ɛlɛɛ Seraya yɛ ɓo a ɉɛɓɛ́ kɛmun.

Tɔɔɓɛlaa veelɛ 18:18

Di tɔɔmun mąą kɛɛ mąąni kɛ, Hilkiyahu lon Ɛliakimə, yai kɛi dɔɔ pɛlɛ́ ɲąąwooɓo, da ɉɛɓɛ́ kɛmun Sɛvna, ə lɛɛ, Asafə lon Yoa yai dɔɔ pɛlɛ́ mu mɛ̨nįɠaa kəlee di kɛ ɲee ɲą, gɔ́kulááɠaa tii di pa di tɔɔ di lííla.

Tɔɔɓɛlaa veelɛ 23:4

Tɔɔmun ə mąą laa tɛɛ ɉaláá laa həli mun gɛnɛ̨ Hilkiyahu, da ɲee pɔ nuą ɉaláá kulɔ mɛ̨nį hu, da bɛlɛ́ laaləi mąąkpɛ nuą, yɛ diɛ: ɉɛnŋąą kpɔ di lɔ la Yai-Laa hee pɛlɛ́ mu, yɛ ɓo a Baalə da Asera da yələ kwəi hɛnŋąą di mąąwiɛ hɛnŋąą, di kəlee kulɔ laa, di kulɔ la Ɉerusalɛmə taa pulu pələ, di di kələn Sedrɔn ɓoloon ɉu, di nuwu həɠə di paa la Betɛlə daai.

Tɔɔɓɛlaa veelɛ 25:18

Tɔɔmun mąąkpɛ kɔ́kulááɠaa nwun nąmu ə, Seraya hon, yai kɛ a ɉaláá kulɔ nuą nwun nąmu ə mą kɛ, Sefaniahu, yii lɛɛ bɔɔ ɓa, da bɛlɛ́ laaləi mąą kpɛ nuą haaɓai.

Kɔlɔnikɔ Maa-ŋuŋ 24:5

Nuą tii hee mɛ̨nį, di gbɛɛn bili, əgɛ, di di hee kpəlin na kɛ di kɛ kóloɠaa hu Yálá nwɔ pɛlɛ́i mu. Mąąhɔlɔɓo, bələi lɔ Yálá ŋą nu kpɛa-kpɛaɠaa di kɛ la Eleazarə lonnii lɔwai, bələ lɔ ɓə ə kɛ la Itamarə lonnii lɔwai.

Kɔlɔnikɔ Maa-ŋuŋ 9:12

Adaya Yerohamə lon, Pasehurə lon, Malkiya lon, da Masai Adiɛlə lon, Yahazera lon, Mesulamə lon, Mesilemitə lon, Imɛrə lon.

Kɔlɔnikɔ Veerɛi 31:13

Yehiɛlə, Azaziahu, Nahatə, Asahɛlə, Yerimotə, Yozavadə, Eliɛlə, Yismakiahu, Mahatə da Benayahu, diɛ ɓə kɛi nąą mąąkpɛ, Konaniahu da gaayɔwɔ Simei ɓə di ti la, yɛ bələi tɔɔmun Ezekiasə da ɉaláá laa həli mun gɛnɛ̨ Azariahu yai ɲɛ̨i ə kɛ Yálá nwɔ pɛlɛ́i ɓa, di mo la.

Nehemi 10:2

Nuąi di yeepɔɔ too ɉɛɓɛ́i tii hu, diɛ ka: Nehemi, nɔi ɲąąwooɓomun, Hakalia lon, Sidkiya,

Nehemi 11:11

Hilkiya lon Seraya, yai kɛ a Mesulamə lon, Sadɔkə lon, Merayotə lon, Ahituvə lon, yii kɛ Yálá hee pɛlɛ́ goló ɲąąwooɓomun.

Ɉeremi 20:1

Ɉaláá laa həli mun Pasehurə, yai kɛ a Imɛrə lon, yaai kɛ a Yai-Laa nwɔ pɛlɛ́i ɲąąwooɓomun, ə Ɉeremi woo mɛ̨n, yɛ mɛ̨nįɠaa tii kəlee ɓo.

Lonon mo 4:28

Gɛrsɔn yəi gwəlii nuą kɛ kólóɠaa ka tii, gee kaa kələ mu, di wɔ mąą tíiɠaa ka tii ɉaláá laa həli mun Aarɔn lon Itamarə yee mu.

Lonon mo 4:33

Merari lonnii di wɔ kóló ka tii. Yii mąąnɛ̨ɛ̨ di gɛ gee kaa kələ ɓa, gəlee lɔ ka tii. Ɉaláá laa həli mun Aarɔn lon Itamarə yee mu.»

Lukə 22:4

Ɉudasə ə li ɉala laa həli nuą kpɛa-kpɛa da Yálá hee pɛlɛ́ mɛ̨i kaa nuą pɔ, bələi mąąnɛ̨ɛ̨ ə Jesus too la di yee ŋą, ə bələ lɛ diɛ.

Gɛlaɠaa 5:24

Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?

Gɛlaɠaa 5:26

Nąąlɔwai, Yálá hee pɛlɛ́ ɲąąwooɓomun ə həɠə yɛ li da ɲee pɔ nuą, ə gɛ, di gɛlaɠaa hon di pa a diɛ. Kɛlaa, di ho di yagalanmo. Mąąhɔlɔɓo, di kɛi ɲɔw, ə gɛ, di hvo nəi pa di hɔɔ a kwɛni.