Kɔlɔnikɔ Maa-ŋuŋ 5:22 - Yálá laawoo hɛɓɛ (dc)

²² Di di yowoɠaa tamąą paa, mąąhɔlɔɓo, gɔi tii, ə həɠə Yálá pɔ. Di nɛ̨ɛ̨mą di hee di heei.

Yálá laawoo hɛɓɛ

²² Di di yowoɠaa tamąą paa, mąąhɔlɔɓo, gɔi tii, ə həɠə Yálá pɔ. Di nɛ̨ɛ̨mą di hee di heei.

Bible

²² Dí núu támaa pàa gɔ́i ŋí su, kpɛ́ni fêi, Ɣâla ƃé kɛ̀ kɔ̂i dímɛni ma. Gɛ́ɛ tí, dí sèe ǹɔii su é lɛ́ɛ la zu dí lí a dia gɔ́ perei su.

Kɔlɔnikɔ Maa-ŋuŋ 5:22 Iomraidhean Croise

Zɛnɛse 49:19

Gadə nwɛi, too mɛ̨i kɛ nuą da wolo mą, ə tinɛ̨n ə wolo diɛ, ə hvilɛn di pulu yɛ di kpɛ.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Kɔlɔnikɔ Maa-ŋuŋ 4:41

Nuą ŋɛ̨i di kaa di kiliin ɉii, Ezekiasə kɛɛ a heeɓo Ɉuda lɔi mɛ̨i, ŋą tɔɔlaa yələi ɓə di paa la. Pai di mo, di Kamə kwəi lonnii tii huwu pu, di di mąąkilɛiɠaa kəlee taɠa kpɔ tɛ̨ɛ̨tɛ̨ɛ̨, di hee di heei, haa ɓa haa. Mąąhɔlɔɓo, nąą ə kɛ a taatɛlɛɛ tɔɔi lɛlɛɛ di mąą mɛ̨nį ɓa.

Kɔlɔnikɔ Maa-ŋuŋ 5:21

Di nɛ̨ɛ̨mą, di di wɔɔ taatɛlɛɛɠaa kəlee hon, yii nonon ŋąą ə kɛ a: Ɲɔ̨nwɔ̨mɛ̨ɛ̨ waa nwun nɔɔli, ɓɛlaa pɛlɛɛ ɓooli ɓa yɛ ɓo a waa nwun veelɛ ɲee lɔɔli, Hoohvaalən nwaa hveelɛ; nu kan ə ɓo a nu waa nwun nɔɔli.

Kɔlɔnikɔ Maa-ŋuŋ 5:26

Yili ɓə gɛ, Yálá ə Asiri tɔɔɓɛlaai nuąi kɛ a Pulə da Tilgatə-Pilnesɛrə lii muhəɠə Rubɛn huwu, Gadə huwu da Manase huwu bələ tɔ̨nɔ̨ diɛ, di di hon a luwɔɠaa, di li a diɛ, Hala, Habɔrə, Hara da ɲalee ŋɛ̨i kɛ Gozan gwɛlɛ; háá ɓa háá di kaa laa.

Kɔlɔnikɔ Maa-ŋuŋ 6:26

Ɛtni, Zera, Adaya,

Kɔlɔnikɔ Veerɛi 26:7

Yálá ə tɔɔ bulu ɓɛlɔwai da Filisti nuą, Arabə nuą kɛ Gurə-Baalə da Meun nuą di kɛ la kɔ́ ŋą.

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Zasua 23:10

Ka tɔ̨nɔ̨ ə kɛi nu waa tɔ̨nɔ̨ kpɛ, mąąhɔlɔɓo, Yai-Laa ka wɔ Yálá ɓə gɔ́ kɔ́ ka yəi, yɛ bələi ə mo la kaa.