Kɔlɔnikɔ Maa-ŋuŋ 5:2 - Yálá laawoo hɛɓɛ (dc)

² Kɛlaa yaan, Ɉuda ɓə kɛa kɛ nąn nonnii lɔwai a nu kɛnɛ̨, ɉuwu hu ɓə Heeɓomun gɛnɛ̨ ə kulɔ laa. Kɛlaa, nu pɔlɔ laa nwɛi, ə kɛ Ɉosɛfə ɓa.

Yálá laawoo hɛɓɛ

² Kɛlaa yaan, Ɉuda ɓə kɛa kɛ nąn nonnii lɔwai a nu kɛnɛ̨, ɉuwu hu ɓə Heeɓomun gɛnɛ̨ ə kulɔ laa. Kɛlaa, nu pɔlɔ laa nwɛi, ə kɛ Ɉosɛfə ɓa.

Bible

² Bere máŋ Zuda è kɛ̀ la a ŋ̀wála-wâlaa ǹîa da ǹêɣe-ni sáma kâloŋ-ŋa dí kúla ŋɔsuui sui, fɛ̂ɛ dí Eezuɛ ǹóŋ maa-ŋuŋ-laai kúla ǹyêei dí dɛɛ Zosɛ pɔ́.

Kɔlɔnikɔ Maa-ŋuŋ 5:2 Iomraidhean Croise

Zɛnɛse 25:31

Ɉakɔbə ə nwoo ŋąąpənə, yɛ mą: «Akɛ yili kaa tii, hvo kɛ li ya gbɛa nu pɔlɔ laa tɛɛ bɔ́.»

Zɛnɛse 35:23

Lea nwɔ lonnii laa ka: Rubɛn ɓə kɛ a Ɉakɔbə lonnii dɔlɔɔ, yili pulu Simeɔn, Levi, Ɉuda, Isakarə da Zabulɔn.

Zɛnɛse 48:5

Yiihu kɛa, non veelɛi ŋɛ̨i ə́ ɉɔlɔɓo ɓɛ Eziptə lɔi hu gɛɛ və́ pai, diɛ ɓaa: Ɛfraimə da Manase, gáá di laa tooi nwɔ́ lonnii pɔ, yɛ bələi Rubɛn da Simeɔn di kaa la.

Zɛnɛse 49:26

Núwɔ́i ə́ nąn ə doo yɛ́, nwun naŋįnŋąąi, tɔwɔ-tɔwɔ yeeɠaa di wɔ lúwɔ́ mɛ̨i, gɛnɛ̨i dɛɛ ɲeeɠaai wɔlɔ nwɛli kaa nuą diɛ mą. Ɉosɛfə, ə́ nąn nwɔ lúwɔ́ ə yɛɛ ə́ mɛ̨i, ə ə́ kɛ a laa mąą mun ə́ kaayɔwɔɠaa lɔwai.

Samia Veerɛi 8:15

Davidə ə heeɓolaa kɛ Israɛlə kəlee nwun na. Ə kɛi nwɔ nuąi hutoo a tələnmolaa, da kwəi kwəlɛlaa.

Kɔlɔnikɔ Maa-ŋuŋ 28:4

Yai-Laa Israɛlə nwɔ Yálá ə ɉə́ɠə ɉu, ɲə́i bɛlɛ́n nuą kəlee lɔwai, ə gɛ́ a Israɛlə tɔɔmun, a yələ kəlee mɛ̨nį. Hvó gaai, ə ɉə́ɠə Ɉuda yəi bɛlɛ́n, ɓɛi ną́n ə kulɔ laa, ŋą́ kɛ a Ɉuda tənən dɔɔ mun. Ną́n nonnii lɔwai, ɲą́ą́ ɓə laa a Yálá lii, yɛ gɛ́ a heeɓomun Israɛlə kəlee nwun na.

Mąątɛ̨nɛ̨ 108:8

Yálá woo ə tɔɔ nwɔ pɛlɛ́ mąąhəɠɛɛi mu, yɛ kɛ diɛ: «Ɲą́ą́ ɓə a yee tɛɛmąąlaa! Gáá Sisɛmə taa ɲąąkwɛlɛi ɉu, gɛ́ Sukotə ɓoloon ɉu tee a gbuɔ kpuɔ.

Mąątɛ̨nɛ̨ 60:7

'Hvaa ku woo mu, ə́ wɔ yee wala-walalaa ə ku ɓalo, ə́ wɛlikɛmąą nuą di kulɔ mɛ̨nįi.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Lonon mo 2:3

«Ɉuda lonnii di wɔ kwəlii a lɛɛ voló həɠəi pələ, Ɉuda lonnii tii, di di laa pɛ̨ɛ̨, di nwun nąmu ɓaa a Aminadavə lon Nasɔn.

Lonon mo 7:12

Bələi di paa la a di yɛli voló tɛitɛi yee mu, bələ ka: Voló tɔlɔɔ, Aminadavə lon Nasɔn, yai gaa a Ɉuda nu huwu nwun nąmu ya ɓə pa.

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Dutɛrɔnome 21:17

Nɛ̨ɛ̨nui tii nwɛli hvo mą non mə mąąnɛ̨ɛ̨ ə gɛ a nu pɔlɔ laamun. Ɲəi hɛnŋąą ɲąąkwɛlɛi lɔwai a yili kwɛlin gɛ a gɛnɛ̨mun. Mąąhɔlɔɓo, non tii ɓə a nąn nwɔ hulɔnu laa ɉu lon dɔlɔɔ-tɔlɔɔ, yili ɓa, mąąnɛ̨ɛ̨ di ɉon yɛ nu pɔlɔ.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Hebreu 7:14

Gaa a mɛ̨nįi nu kəlee di gɔlɔn, diɛ, gu Ną́mu ə kulɔ Ɉuda huwu hu, a huwui Moisə hvo mɛ̨nį ta ɓo, naa mɛ̨i, ŋą hɛɓɛ́ɠaai hu yɛ hvilɛn na, ɉaláá laa həli nuą kpɛa-kpɛaa ɓa.

Zasua 14:6

Ɉuda nu huwu di pa di Ɉosue kaa Gilgalə, Yefune lon Kalɛbə, yii kulɔ Kenizi pɛ́lɛ́i mu, yɛ Ɉosue ɓa: «Mɛ̨nįi Yai-Laa ə mo Yálá nwɔ nu Moisə ɓa Kadɛsə-Barnea, yɛ hvilɛn na gwa yɛ́ guɔ, gbaɠala kaa yɛ́.

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»

Nwun mąąɓo 1:2

Yai-Laa yɛ diɛ: «Ɉuda yəi bɛlɛ́n nuą ɓə; ya ɓə ŋą́ą́ Kanaan nuą lɔ ɲee ɲą.»

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 16:10

Ɉɛse ə non ɉinąą mɛ̨ihveelɛi kəlee tɛɛ Samuɛlə lííla, Samuɛlə yɛ Ɉɛse ɓa, Yai-Laa hvo ə́ lonnii ŋɛ̨i dɔ̨nɔ̨ kpɛli həɠə li.

Samuɛlə dɔlɔɔ 16:12

Ɉɛse ə mo, di dəli ə pa. Ɉulɔnon tii nwɔ kɔ́lɔ kwələ mu kpɔluɔ kɛ, ɲɛ̨i laa lɛlɛɛ, mąąhəɠɛɛ. Yai-Laa yɛ Samuɛlə ɓa: «'Ə́ muhəɠə, 'li ə́ nwulɔ lɔ mą, ya ɓə!»