Kɔlɔnikɔ Maa-ŋuŋ 5:1 - Yálá laawoo hɛɓɛ (dc)

¹ Israɛlə, yai naa ɓa a Ɉakɔbə, non dɔlɔɔ Rubɛn, lonnii laa ka; Rubɛn tii ɓə kɛ a nąn non ɉulɔnu tɔlɔɔ, kɛlaa, ə nąn naa gbin ɓɛlɛtoo. Yili ɓə gɛ, nu pɔlɔ laa ŋɛ̨i kɛ mąąnɛ̨ɛ̨ ə kɛ ɲəi, ə lɛɛ Israɛlə lon Ɉosɛfə nonnii yəi. Ə kɛ kɛa a nui nu pɔlɔ laa aa kulɔ ɲəi nąn ɲəi bɛlɛ́n.

Yálá laawoo hɛɓɛ

¹ Israɛlə, yai naa ɓa a Ɉakɔbə, non dɔlɔɔ Rubɛn, lonnii laa ka; Rubɛn tii ɓə kɛ a nąn non ɉulɔnu tɔlɔɔ, kɛlaa, ə nąn naa gbin ɓɛlɛtoo. Yili ɓə gɛ, nu pɔlɔ laa ŋɛ̨i kɛ mąąnɛ̨ɛ̨ ə kɛ ɲəi, ə lɛɛ Israɛlə lon Ɉosɛfə nonnii yəi. Ə kɛ kɛa a nui nu pɔlɔ laa aa kulɔ ɲəi nąn ɲəi bɛlɛ́n.

Bible

¹ Lubiŋ ƃé kɛ̀ a Eezuɛ ǹóŋ maa-ŋuŋ. Kɛ́lɛ è ǹyii a ǹâŋ ŋɔnɛnîi. M̀ɛnii ŋí è gɛ̀ dí ŋɔlóŋ maa-ŋuŋ laai kùla ǹyêei dí dɛɛ Zosɛ pɔ́. M̀ɛni ma dífe ǹáa pɔ̃yɛ ní ƃɛ́i maa nɛ̃ɛ̂i kɛ̀ dí bɔ̃yɛ naa díkaa-laai kɔlɔi su.

Kɔlɔnikɔ Maa-ŋuŋ 5:1 Iomraidhean Croise

Zɛnɛse 25:23

Yai-Laa yɛ mą: «Hį́i hveelɛ ka tii ə́ kwəi, nu huwu hveelɛ ka tii gɔi a di kee, ɉuwu hveelɛi tii di kaa pai di ɓɛlaɓoi. Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma. Nu pɔlɔ laamun gaa pai kɛi nokolo laamun ɲee mu.»

Zɛnɛse 25:31

Ɉakɔbə ə nwoo ŋąąpənə, yɛ mą: «Akɛ yili kaa tii, hvo kɛ li ya gbɛa nu pɔlɔ laa tɛɛ bɔ́.»

Zɛnɛse 29:32

Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Zɛnɛse 35:22

Ɓɛlɔwai di kɛ la laa, Rubɛn ə laa a nąn nɛ̨ą Bilha. Israɛlə kili ə pu ɉu. Israɛlə lonnii di kɛ a nu pow kɔ́w hveelɛ.

Zɛnɛse 46:8

Ɉakɔbə yai naa mɛ̨i həɛ a Israɛlə, nonnii lɛɛ bulu da diɛni diɛ li Eziptə di laa ka: Rubɛn, yai a non dɔlɔɔ,

Zɛnɛse 48:5

Yiihu kɛa, non veelɛi ŋɛ̨i ə́ ɉɔlɔɓo ɓɛ Eziptə lɔi hu gɛɛ və́ pai, diɛ ɓaa: Ɛfraimə da Manase, gáá di laa tooi nwɔ́ lonnii pɔ, yɛ bələi Rubɛn da Simeɔn di kaa la.

Kɔlɔnikɔ Maa-ŋuŋ 2:1

Ɉakɔbə, yai naa mɛ̨i hee ɓa kɛ a: Israɛlə, nonnii laa ka: Rubɛn, Simeɔn, Levi da, Ɉuda; Isakarə da Zabulɔn,

Kɔlɔnikɔ Maa-ŋuŋ 26:10

Merari lon Hosa, ə lonŋąą kaa, diɛ ɓo a nu nąąn; Simri ɓə kɛ a di nwun nąmu. Ya hvó kɛ a nu pɔlɔ laamun, kɛlaa, nąn mə gɛ a di nwun nąmu.

Lɛɛ gbɔwɔ ɓa 6:14

Israɛlə lonnii lɔwai bɛlɛ́ nąmįną laa ka: Rubɛn, Israɛlə lon dɔlɔɔ, nonnii laa ka: Hanɔkə da Palu, Hɛsrɔn, da Karmi. Rubɛn nwɔ pɛlɛ́ nąmįnąą laa ka ti.

Levetekɔ 18:8

«Hvó kɛ ə́ kaa laai a ə́ nąn nɛ̨ą ta, yá gɛ tii, yáá ə́ nąn mɛlɛkpɛɛ mą.

Levetekɔ 20:11

«Nui a laa a nąn nɛ̨ą ta, aa nąn gbuwulu kaa, da di nu hveelɛi di paa, di ɲąmą wulu a lɛɛ di nwuɔ̨.

Lonon mo 1:5

Nuą pai kpɔnmąą tɛɛi ka pɔ, di laa ka: Rubɛn yəi bɛlɛ́n, Sedeurə lon Elisurə,

Lonon mo 16:1

Kehatə mąnįn Yiseharə lon Kore, yai a Levi mun, ə pili Datan da Abiramə di wəlii, diɛi a Eliavə lonnii da Pɛlɛtə lon On, diɛi kɛ a Rubɛn huwu hu nuą.

Lonon mo 26:5

Rubɛn lonnii di wɔ pɛlɛ́ɠaai ka, yai kɛ a Israɛlə lon dɔlɔɔ. Diɛ ɓa a: Hanɔkə lonnii di wɔ pɛ́lɛ́i; Palu lonnii di wɔ pɛ́lɛ́i.

Korɛntə dɔlɔɔ 5:1

Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Dutɛrɔnome 21:17

Nɛ̨ɛ̨nui tii nwɛli hvo mą non mə mąąnɛ̨ɛ̨ ə gɛ a nu pɔlɔ laamun. Ɲəi hɛnŋąą ɲąąkwɛlɛi lɔwai a yili kwɛlin gɛ a gɛnɛ̨mun. Mąąhɔlɔɓo, non tii ɓə a nąn nwɔ hulɔnu laa ɉu lon dɔlɔɔ-tɔlɔɔ, yili ɓa, mąąnɛ̨ɛ̨ di ɉon yɛ nu pɔlɔ.

Dutɛrɔnome 27:20

«‹Nui a laa a nąn nɛ̨ą ta, yɛ nąn vulu pələ kɛ tii, Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Kolosə 1:15

Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Zasua 14:6

Ɉuda nu huwu di pa di Ɉosue kaa Gilgalə, Yefune lon Kalɛbə, yii kulɔ Kenizi pɛ́lɛ́i mu, yɛ Ɉosue ɓa: «Mɛ̨nįi Yai-Laa ə mo Yálá nwɔ nu Moisə ɓa Kadɛsə-Barnea, yɛ hvilɛn na gwa yɛ́ guɔ, gbaɠala kaa yɛ́.