Kɔlɔnikɔ Maa-ŋuŋ 4:9 - Yálá laawoo hɛɓɛ (dc)

⁹ Yaebɛsə ɓə ɓɛlɛ ə kɛ mą nąn nonnii lɔwai, ya ɓə gɛ, nee ə naa hee a Yaebɛsə. Nee ə mo yɛ diɛ: «Ŋą́ą́ non ŋɛ̨i hɔlɔɓo mɔ̨nɔ̨ hu.»

Yálá laawoo hɛɓɛ

⁹ Yaebɛsə ɓə ɓɛlɛ ə kɛ mą nąn nonnii lɔwai, ya ɓə gɛ, nee ə naa hee a Yaebɛsə. Nee ə mo yɛ diɛ: «Ŋą́ą́ non ŋɛ̨i hɔlɔɓo mɔ̨nɔ̨ hu.»

Bible

⁹ Nalôŋ tɔnɔ è kɛ̀ naa ǹáa ƃé kɛ̀ a Zabɛsi. Ƃaa-kɛ-maa támaa è kɛ̀ ma ǹêɣe-sinaai da ǹîa-sinaai sáma. Ǹee è ǹáa sèe a Zabɛsi, ǹyɛɛi, ŋá ǹáai ŋí sèe mà, kpɛ́ni fêi ŋá m̀aa sɔlɔ ƃò mɛni kpɔ̂lu su.

Kɔlɔnikɔ Maa-ŋuŋ 4:9 Iomraidhean Croise

Zɛnɛse 3:16

Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»

Zɛnɛse 34:19

Ɉulɔnon tii hvo kpɛli kuu hee gɛ́nɛ̨ kɛ mɛ̨nį ɓa, mąąhɔlɔɓo, Ɉakɔbə lon nwɛli ə kɛ mą kpɔ kɛnɛ̨. Sisɛmə woo mąąwia kɛ nąn ɲəi bɛlɛ́n, nąn nonnii lɔwai.

Zɛnɛse 35:18

Ɓɛlɔwai Rasɛlə ə kɛi pa haai la, ə nokoloi tii laa hee a: Bɛn-Oni, mukulaa ɓaa: «Nwɔ́ mɔ̨nɔ̨ hu lon.» Kɛlaa, nokolo nąn ə naa hee, a: «Bɛnɉamɛn, mukulaa ɓaa: Ɲéé lɛlɛɛ hu lon.»

Kɔlɔnikɔ Maa-ŋuŋ 4:10

Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.

Kɔlɔnikɔ Maa-ŋuŋ 4:8

Kɔsə ə Anuvə da Hasoveva di kaa, da Ahahɛlə pɛlɛ mu nuą, yai kɛ a Harumə lon.

Kɔlɔnikɔ Maa-ŋuŋ 7:23

Ɛfraimə ə bənə ə lon dakpɛli kaa nɛ̨ą ɓa, ə naa hee a: Beria; hvó gaai, nɛ̨ą ə lɛɛ bɔ nwɔ mąąwɛli hvóló hu.

Hanwon 23:25

Gwəinɛ̨ɛ̨ tii ɲɔ̨nwɔ̨mąn dɛɛ ə́ nąn da ə́ lee di pɔ, nɛ̨ɛ̨nui ŋɛ̨i ə́ kaa, ə pili yələi a kwəinɛ̨ɛ̨.

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Samuɛlə dɔlɔɔ 4:21

Ə nokolo laa hee a: Ikavɔdə, mukulaa ɓaa: «Mąąwiɛ aa kulɔ Israɛlə lɔi hu», mąąhɔlɔɓo, ə kɛi yili ɓo, yɛ hvilɛn na Yálá nwɔ kəhii hon mɛ̨nį ɓa, da ɉilɛ ɛlɛɛ ɉilɛ nąn di haa mɛ̨nį ɓa.