Kɔlɔnikɔ Maa-ŋuŋ 28:5 - Yálá laawoo hɛɓɛ (dc)

⁵ Yai-Laa ə gɔ́ a lon gbulu tamąą, nónnii lɔwai, nón Salomɔn ɓə ə ɉəɠə ɉu, ə ɉee Yai-Laa nwɔ tɔɔkpəlin mɛ̨i, Israɛlə nwun na.

Yálá laawoo hɛɓɛ

⁵ Yai-Laa ə gɔ́ a lon gbulu tamąą, nónnii lɔwai, nón Salomɔn ɓə ə ɉəɠə ɉu, ə ɉee Yai-Laa nwɔ tɔɔkpəlin mɛ̨i, Israɛlə nwun na.

Bible

⁵ È lônii-sinaa támaa tɛ̀ɛ ḿbɔ. Kɛ́lɛ è ńoŋ Saloma siɣe dísama a gɛ́ɛ é kɛ́ a kâloŋ Yâwɛɛ ŋɔkâloŋ-laai su.

Kɔlɔnikɔ Maa-ŋuŋ 28:5 Iomraidhean Croise

Tɔɔɓɛlaa dɔlɔɔ 1:13

'Li! Ə́ həli tɔɔmun ma, yɛ́ mą: ‹Kɛlɛi yɛ́ ɓə a nwɔ́ mɛ̨nį nąmu-ee! Kɛlɛi yə́ ɓə ə́ kwɛla ə́ wɔɔ luwu nɛ̨ą ɓa, yɛ kɛ mą: «Ə́ lon Salomɔn ɓə pai heei dɔɔkpəlin ɉu a mą́ą́hvalən», ə tɛɛ kani ləi yai Adoniasə kaa kɛa a tɔɔmun?›

Tɔɔɓɛlaa dɔlɔɔ 1:20

Yɛ́i ŋɛ̨i a nwɔ́ mɛ̨nį nąmu tɔɔmun, yɛ́ ɓə Israɛlə nuą kəlee wəli tɔɔi ə́ woo ɓa, ə gɛ, nui pai heei a nwɔ́ mɛ̨nį nąmu tɔɔmun mąąhvalin, ə́ naa ɓo.

Tɔɔɓɛlaa dɔlɔɔ 1:30

gáá gwɛlai yɛ́ a naa, yai gaa a Israɛlə nwɔ Yálá, gɛ́ yɛ́; ə́ lon Salomɔn ɓə pai kɛi a mą́ą́hvalin, ŋą́ həɠə dɔɔkpəlin ɉu, ya ɓə a hee laa. Háákələi hvólói ŋɛ̨i hu, gáá gɛi ti.»

Tɔɔɓɛlaa dɔlɔɔ 1:35

Ka hvilɛ bulu, ka diɛni ka pa, ka ɉee nwɔ́ tɔɔkpɛlin ɉu, ə kɛ kɛa a dɔɔmun, a mą́ą́hvalin. Yaa tii ɓə ŋą́ą́ gɛ a tɔɔmun Israɛlə lɔi da Ɉuda lɔi di nwun na.»

Tɔɔɓɛlaa dɔlɔɔ 2:15

Adoniasə yɛ mą: «Yɛ́ kpinįi ə́ kili kaa ɉu, ɲą́ą́ ɓə kɛ mąą nɛ̨ɛ̨ ŋą́ kɛ a dɔɔmun, Israɛlə nuą kəlee ɲɛ̨i hiɛ kɛ mą́ą́, ə gɛ, ŋą́ kɛ a dɔɔmun. Kɛlaa, dɔɔlaa aa mą́ą́laa, aa li nə́ɠə Salomɔn pɔ, yili ɓə kɛ a Yai-Laa liiɓa, ə dɛɛ yaa tii bɔ.

Tɔɔɓɛlaa dɔlɔɔ 8:20

Mɛ̨nįi Yai-Laa ə mo ną́n ma, ya ka tii ə naa hon. Ŋą́ą́ lɛɛ ną́n bɔɔ ŋą, ŋą́ą́ hee Israɛlə dɔɔkpəlin mɛ̨i, yɛ bələi Yai-Laa ə mo la. Ŋą́ą́ bɛlɛ́i ŋɛ̨i tɔɔ Israɛlə nwɔ Yálá, Yai-Laa laa ɓa.

Kɔlɔnikɔ Maa-ŋuŋ 17:14

Yaa ɓə pai lɛɛi a heeɓo, ɲə́i bɛlɛ́n, ə mą kɛ, ŋį́ tɔɔkpəlin hu, a yələ kəlee kpɛla bələi hvó mą.»

Kɔlɔnikɔ Maa-ŋuŋ 23:1

Davidə pɔlɔɔ kɛa kɛ, gaa kwɛlan gɛnɛ̨, ɓɛlɔwai ə non Salomɔn hee la a heeɓomun Israɛlə nwun na.

Kɔlɔnikɔ Maa-ŋuŋ 29:1

Tɔɔmun Davidə ə mo nu kpɔn gəlee ɓa, yɛ diɛ: «Nu tɔ̨nɔ̨i lɔ Yálá ə ɉəɠə ɉu, yaa lɔ ɓaa a nón Salomɔn, gaa nii a hulɔnon, ɉu hvo walawala li, goló yaan gɛnɛ̨, ɛlɛɛ, golói ŋɛ̨i hvo a nu kan nwɔɔ, kɛlaa, gaa a Yai-Laa nwɔɔ.

Kɔlɔnikɔ Maa-ŋuŋ 29:23

Salomɔn ə hee Yai-Laa nwɔ tɔɔkpəlin hu a nąn Davidə mąąhvalin, ɛlɛɛ hɛn gəlee ə lɛlɛ mą; Israɛlə nuą kəlee di kɛ nwoo ɲą.

Kɔlɔnikɔ Maa-ŋuŋ 29:28

Ə nwɔ yɛnɛ̨ɛ̨ kɛ liilaa hu, mąąwiɛ laa hu da hɛn nąmu laa, ə pɔlɔ kpɔ a lɛlɛɛ, ə laa nąnni kwɛlɛ. Ɛlɛɛ non Salomɔn ə kɛ a tɔɔmun, a mąąhvalin.

Kɔlɔnikɔ Veerɛi 9:8

Lúwɔ́ ə kɛ Yai-Laa ɓa yɛ́ Yálái, yai hvaa mą, yɛ ə́ hee nwɔ tɔɔkpəlin mɛ̨i a tɔɔmun, yɛ́ tí Yai-Laa yɛ́ Yálái ɓa! Israɛlə wɛli kaa yɛ́ Yálái ɓa, ya ɓə gɛ, yɛ́ ə́ hee nwun na a tɔɔmun a yələ kəlee mɛ̨nį, yɛ́ tələnmolaa da tɛ̨ą kɛ»

Dutɛrɔnome 17:15

Nui ka káá pai ɉeei ka nwun na, mąąnɛ̨ɛ̨ ə kɛ a nui Yai-Laa ka wɔ Yálá a ɲeekpiɛ lɛ mą. Ka nąn nonnii lɔwai ɓə ka káá pai dɔɔmun ɉəɠəi laa. Mąą laa hvo pai kɛi ka yəi, kaa nwɛ̨ą hee ka nwun na, a nui hvo a ka nąn non.