Kɔlɔnikɔ Maa-ŋuŋ 22:5 - Yálá laawoo hɛɓɛ (dc)

⁵ Davidə ə kɛi giliŋąhiɛ, yɛ kɛ: «Nón Salomɔn kaa nii a hulɔnon, ə lɛɛ, kɔ́lɔ hvo mą; yaan, bɛlɛ́i mąąnɛ̨ɛ̨ ə tɔɔ Yai-Laa ɓa, mąąnɛ̨ɛ̨ ə kɛ a gɛnɛ̨ɛ̨, mąąwia, lɔi kəlee ɲɛ̨i ɓa. Gáá mɛ̨nįɠaa kəlee pɛlii ɲəi.» Bələ ɓə Davidə ə gɛ la, ə mɛ̨nį tamąą pɛli gɛɛ hvo kɛ pai haai.

Yálá laawoo hɛɓɛ

⁵ Davidə ə kɛi giliŋąhiɛ, yɛ kɛ: «Nón Salomɔn kaa nii a hulɔnon, ə lɛɛ, kɔ́lɔ hvo mą; yaan, bɛlɛ́i mąąnɛ̨ɛ̨ ə tɔɔ Yai-Laa ɓa, mąąnɛ̨ɛ̨ ə kɛ a gɛnɛ̨ɛ̨, mąąwia, lɔi kəlee ɲɛ̨i ɓa. Gáá mɛ̨nįɠaa kəlee pɛlii ɲəi.» Bələ ɓə Davidə ə gɛ la, ə mɛ̨nį tamąą pɛli gɛɛ hvo kɛ pai haai.

Bible

⁵ Deeƃé è mò ǹyɛɛi, “Ŋ̀âla-pɛrɛi nyíi ǹóŋ Saloma a pâi dɔɔ̂i fɛ̂ɛ é kɛ́ a ǹɛ́lɛɛ kpɔ́ a ŋ̀ánaa nyíi ǹɔii-ŋûŋ-ŋai kélee da pâi maa tûŋ ƃôi dínûai kélee dîa. Gáa niî a nyákpa. Vé táre ní m̀ɛnii kélee su. Ŋa pâi zãai kélee ŋá tɛ̂i ma bɛ́rɛi tɔɔ mɛni ma.” M̀ɛni ma Deeƃé è bɛ́rɛi tɔɔ sãa támaa ŋá tɛ gîe ma é lɛ́ɛ pâi saâi.

Kɔlɔnikɔ Maa-ŋuŋ 22:5 Iomraidhean Croise

Tɔɔɓɛlaa dɔlɔɔ 3:7

Yai-Laa nwɔ́ Yálá, yiihui ŋɛ̨i, yɛ́ ɓə hvaa mą, ɲą́ą́ ŋɛ̨i a ə́ wɔ luwɔ, ə́ ɉéé a ną́n Davidə mąąhvalin, gáá a hulɔnon, və́ ni wala ɲąąwooɓo kɛ.

Tɔɔɓɛlaa dɔlɔɔ 9:8

Bɛlɛ́ laaləi kpon ŋɛ̨i, nui lɔpee pai tɛɛi gwɛlɛ, gwəi a pili mą, ə kwəlee hvɛɛ, yɛ kɛ mą: ‹Lə ɓə kɛ yai, Yai-Laa ə dúwɔ́ taaləi ŋɛ̨i ɓo a nɔi ŋɛ̨i da bɛlɛ́i ŋɛ̨i?›

Kɔlɔnikɔ Maa-ŋuŋ 29:1

Tɔɔmun Davidə ə mo nu kpɔn gəlee ɓa, yɛ diɛ: «Nu tɔ̨nɔ̨i lɔ Yálá ə ɉəɠə ɉu, yaa lɔ ɓaa a nón Salomɔn, gaa nii a hulɔnon, ɉu hvo walawala li, goló yaan gɛnɛ̨, ɛlɛɛ, golói ŋɛ̨i hvo a nu kan nwɔɔ, kɛlaa, gaa a Yai-Laa nwɔɔ.

Kɔlɔnikɔ Veerɛi 13:7

Ya ɓə, toonwunma nuą da nu kpoloonŋąą, di di ɲąąkpɔn gwɛlɛ, di tɔɔ Salomɔn lon Roboamə la. Roboamə ə kɛ a hulɔnon, nii hvo kɛ kpələ li, hvo pɛli tɔɔi di tɔwɔ.

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Kɔlɔnikɔ Veerɛi 2:5

Gbɛɛ kpɔ ɓə hvąŋą a pɛli kɛi ɲəi, yɛ pɛli Pɛlɛ́ tɔɔi mą, a yai tii yələ kɔ́lɔn da yələ kɔ́lɔn mɛ̨i pələ di hva pɛli mui? Ɛlɛɛ, lə kpɔ ɓə níí kpələ gɛ́ pɛli Pɛlɛ́ tɔɔi mą, a wala kɛ kɛ́ diɛ pɛli halááɠaa kələn ɉi Nííla?

Kɔlɔnikɔ Veerɛi 2:8

Di kaa pai wúlú pɔn ɉi mą́ą́ kpɔ kɛnɛ̨, mąąhɔlɔɓo bɛlɛi gɛ́ ŋį́ dɔɔ gaa pai kɛi kpɔ a pɛlɛ kɛnɛ̨, nɛlɛɛ nuą ɲɛ̨i mu.

Kɔlɔnikɔ Veerɛi 7:21

Bɛlɛ mąąwia kɛnɛ̨i ŋɛ̨i, nui lɔpee pai kɛi tɛɛi gwɛlɛ, gwəi a pili mą, yɛ kɛ diɛ: ‹Lə ɓə kɛ yai, Yai-Laa ə mɛ̨nįi ŋɛ̨i laa nɔi ŋɛ̨i ɓa da bɛlɛ́i ŋɛ̨i?›

Ɛsdrasə 3:12

Nu pɔlɔɠaai kɛ ɉaláá laa həli nuą lɔwai, Levi huwuhu nuą lɔwai, bɛlɛ nąmįną lɔwai, diɛi kɛ Yai-Laa hee pɛlɛ́ bɔlɔ-pɔlɔ kɔ́lɔn, ɓɛlɔwai di nįnɛ̨i tii goloon gaa la, di kəlee di bu mą a wɔlɔ. Kɛlaa, nuąi di hvo kɛ bɛlɛi tii bɔlɔ-pɔlɔ kɔ́lɔn, di wɛi, di kɛi tomą a kwəinɛ̨ɛ̨.

Hanwon 4:3

Ɲą́ą́ gbɛli mąn bələ lɔ ɓə ŋį́ kɛ la a woo mɛ̨n non ną́n ma, ɛlɛɛ, nwɛ́li yɛ ɓo néé ɓa yə́ lon gɔw tanɔ̨n.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Izikiɛ 7:20

Di kɛi di nwun dɛ di mąą yili hɛnŋaa hu, ya ɓə di di wɔ hɛn mąąnįnįn ɲɔ̨nwɔ̨ɔ̨ɠaai pɛli la, a gili kpɛɛ ɲəi hɛŋaai tii. Yili mąą mɛ̨nį ɓa, gáá pai di kɛi a di mąąluwu hɛn.

Egaa 2:3

«Akɛtii, nu ta kaa ka lɔwai, yii wɔlɔ Yálá hee pɛlɛ́ tɔlɔ tii nwɔ mąąwiɛ kaa? Akɛtii, ka káá gaai ləi háákələi? Ka hvo mɔ̨ɔ̨ gaai kaa kɛ diɛ: bɛlɛ́ tɔlɔɔ tii nwɔ mąąwiɛ aa lɛɛ a kpɛli-kpɛli?

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Lukə 21:5

Nu taɠaa di kɛi Yálá hee pɛlɛ́ lɛlɛ mɛ̨nį ɓo, pələi gwɛniɠaa mąą haaɠaa la a nɛlɛɛ da hɛn yiiɠaai kɛ a Yálá nwɔɔ. Nąąlɔwai Jesus ə mo diɛ yɛ diɛ:

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 3:30

Hvo kɛli Jesus tii laa ə tɛ, nwɛ́i mą́ą́ ə yɛɛ.»

Ɉaan 9:4

Yii kɛɛ ponoɔ̨ ni, nui ŋɛ̨i dɔ́ɔ́, hvo kɛli gu yee ə kɛ nwɔ kolóɠaai diɛ. Kpini kaa pai pɛlɛi, nu ta hva pɛli kólo kɛi.