Kɔlɔnikɔ Maa-ŋuŋ 21:3 - Yálá laawoo hɛɓɛ (dc)

³ Ya ɓə Ɉoabə a kɛ mą: «Gɛ́ Yai-Laa ə nwɔ nuą tamą a ɉeei waa tamąą! Di kəlee di hvo mɔ̨ɔ̨ a nwɔ́ mɛ̨nį nąmu tɔɔmun, nwɔ tí nuą? Lə ɓə kɛ yai ə́ kaa nonon mo yili kɛi? Israɛlə kaa pai nɛ̨ŋɛ̨n yili həɠəi lə mɛ̨nį ɓa?»

Yálá laawoo hɛɓɛ

³ Ya ɓə Ɉoabə a kɛ mą: «Gɛ́ Yai-Laa ə nwɔ nuą tamą a ɉeei waa tamąą! Di kəlee di hvo mɔ̨ɔ̨ a nwɔ́ mɛ̨nį nąmu tɔɔmun, nwɔ tí nuą? Lə ɓə kɛ yai ə́ kaa nonon mo yili kɛi? Israɛlə kaa pai nɛ̨ŋɛ̨n yili həɠəi lə mɛ̨nį ɓa?»

Bible

³ Kɛ́lɛ Zoa ǹyɛɛ mài, “Tɔɔ Yâwɛɛ é gɔ-kuluƃa-ŋai táma a ŋ̀uŋ tɔnɔ (100) seêi ŋ̀uŋ tɔnɔ (100) é tɛ́ɛ nyii-ŋai díkaa naai dîa. Ńuu-namui, ǹûai ŋí kélee dífe a íyee mu-ƃela? Lé mɛni ƃé ya nyíŋi kɛ̂i mɛni mai, ńuu-namui? Lé mɛni ƃé ya ŋ̀wɛ̂lii a gɛ́ɛ ǹɔii ŋí é píli la sɔnyɔ̂ŋ sui?”

Kɔlɔnikɔ Maa-ŋuŋ 21:3 Iomraidhean Croise

Zɛnɛse 20:9

Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa veelɛ 12:7

Kɛlaa, Ɉoasə nwɔ tɔɔlaa gwɛlan bow hveelɛ kɔ́w haaɓa lɔwai, ɉaláá laa həli nuą di hvo ni kɛ Yai-Laa nwɔ pɛlɛ́i nąą ta pɛlii.

Kɔlɔnikɔ Maa-ŋuŋ 19:13

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Kɔlɔnikɔ Maa-ŋuŋ 21:4

Kɛlaa tɔɔmun nwoo ə wiɛ Ɉoabə ɓa, ə li ə tɛɛ Israɛlə nąą kəlee, yili pulu ə pənə ə pa Ɉerusalɛmə.

Mąątɛ̨nɛ̨ 115:14

Yai-Laa ə hɛn gəlee ɲąąnɛ̨ɛ̨ ka yəi, kaa mąn, ka lonnii mąn.

Lɛɛ gbɔwɔ ɓa 30:12

«Bɛlɔwai ə́ kaa pai Israɛlə lonnii laa pɛ̨ɛ̨i la a nuą lonon ɲələ, mąąnɛ̨ɛ̨ nu tɛitɛi kəlee ə nwɔ yɛnɛ̨ɛ̨ nwun mąąɓo hɛn dɛɛ Yai-Laa pɔ, ɓɛlɔwai di kaa pai naa pɛ̨ɛ̨i la, ə gɛ, mɛ̨nį nwąnąą hvo pa həli diɛ a nonon ɓo kɛ yələ.

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Hanwon 14:28

Lɔi lonnii kpulu kɛnɛ̨ɛ kaa a tɔɔmun ɲɛ̨i pɔ̨nɔ̨ mɛ̨nį. Kɛlaa, nuą da kpɛɛ nɔi hu, nɔi nąmu toɔ li.

Azaya 26:15

Yai-Laa, Yáá nɔi hu kɛnɛ̨, Yáá nɔi kɛnɛ̨, Yɛ́ Ə́ wɔ mąąwiɛ lɛ la tii, Yáá nɔi ɲɛ̨n gəlee kulɔ bulu.

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Dutɛrɔnome 1:11

Gɛ́ Yai-Laa ka nąnni di wɔ Yálái ə ka tamą nwɔ̨nɔ̨ gee mɛ̨i waa tamąą, ə lúwɔ́ too kaa yɛ bələi ə naakwɛlanmo la.

Zasua 22:15

Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,

Samuɛlə dɔlɔɔ 2:24

Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.