Kɔlɔnikɔ Maa-ŋuŋ 17:16 - Yálá laawoo hɛɓɛ (dc)

¹⁶ Tɔɔmun Davidə ə pa, ə hee Yai-Laa lííla, yɛ mą: «Lə kɛ hɛn mąą a ɲą́ą́ Yai-Laa Mɛ̨nį kəlee ŋą Hééɓomun Yálá! Lə kpɔɔ ɓaa nwɔ́ pɛlɛ́i, yaai, Ə́ li kpɔ giliŋąhiɛ ŋɛ̨i kɛi yɛ́ vilɛn mą?

Yálá laawoo hɛɓɛ

¹⁶ Tɔɔmun Davidə ə pa, ə hee Yai-Laa lííla, yɛ mą: «Lə kɛ hɛn mąą a ɲą́ą́ Yai-Laa Mɛ̨nį kəlee ŋą Hééɓomun Yálá! Lə kpɔɔ ɓaa nwɔ́ pɛlɛ́i, yaai, Ə́ li kpɔ giliŋąhiɛ ŋɛ̨i kɛi yɛ́ vilɛn mą?

Bible

¹⁶ Nya ƃe Gâloŋ Deeƃé è lì Yâwɛɛ ŋɔsua-kɔlɔ seɣe-pɛrɛi mu é sée Yâwɛɛ ŋɛ́i gɛ́ Ɣâla fɛ̀li. È mò ǹyɛɛi, “Ŋáɣâlai Yâwɛɛ, ḿaa fé ǹɛɛ ní m̀ɛnii ya wɔ́lɔ gɛ̂ mîi maa mɛni ma, kpaa máŋ ŋ́gaayɔɔ-ŋai.

Kɔlɔnikɔ Maa-ŋuŋ 17:16 Iomraidhean Croise

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Samia Veerɛi 7:18

Tɔɔmun Davidə ə pa, ə hee Yai-Laa lííla, yɛ mą: «Lə kɛ hɛn mąą a ɲą́ą́ Yai-Laa Mɛ̨nį kəlee ŋą Hééɓomun Yálá! Lə kpɔɔ ɓaa nwɔ́ pɛlɛ́i, yaai, Ə́ li kpɔ giliŋąhiɛ ŋɛ̨i kɛi yɛ́ vilɛn mą?

Tɔɔɓɛlaa veelɛ 19:14

Nuą ŋɛ̨i pa ɉɛɓɛ́, Ezekiasə ə ɉon di yəi, ə mo, ə lɛɛ, ə li la Yai-Laa yəi bɛlɛ́n. Ezekiasə ə ɉɛɓɛ́ hu hvólóon Yai-Laa lííla.

Kɔlɔnikɔ Maa-ŋuŋ 17:15

Mɛ̨nįi di mo Natan ɓa, hįi pələ, ə pa, ə gəlee hukulɔ Davidə ɓa.

Kɔlɔnikɔ Maa-ŋuŋ 17:17

Kɛlaa, nwɔ́ Yálá, yili tikpəi Ə́ ɲɛ̨i mu. Hvó gaai, yáá wɔlɔ Ə́ woo kwɛlɛ, Ə́ wɔ tímun wɔ pɛlɛ́i ɓa a ɉukwɛa. Yai-Laa nwɔ́ Yálá! Yáá ɉón bələ kɛ yɛ ŋą́ kɛ a nui mąą mɛ̨nį nwąnąą nu kəlee ɓa.

Kɔlɔnikɔ Maa-ŋuŋ 29:14

Gbala ə tɔɔ, gbɛɛ ɓaa a ɲą́ą́, gbɛɛ ɓaa a nwɔ́ nu kanŋaai, yai kwa pɛli mąąlaa hɔlɔɓoi kuɔ ku liiɓa mɛ̨inɛ̨ɛ̨ kɛ, yɛ́ yiiɠaai ŋɛ̨i hvo gaai, hɛn gəlee a həɠə Ə́ pɔ, ɛlɛɛ ɉɛn ku gwɛlɛi, Ə́ yee ɲą lɔ ɓə ə həɠə laa.

Kɔlɔnikɔ Veerɛi 1:8

Salomɔn yɛ Yálá ɓa: «Ną́mu! Ə́ kulɔ ə́ woo ɓa, ə́ ną́n Davidə hon a wɛlikɛmąąlaa kɛnɛ̨ɛ̨, Yɛ́ lɔ ɓə nwɔ̨nɔ̨ ɉéé a tɔɔmun a ną́n mąąhvalin;

Mąątɛ̨nɛ̨ 144:3

Yai-Laa! Lə kɛ hɛn gbɔ ɓaa a nu, yai yá mąą liihɛlɛn ɉee-o? Lə kpɔ ɓaa a ɉaa kɔ̨nɔ̨n tii, yai yá mąą kiliŋąhiɛ kɛ-o?

Gɛlaɠaa 26:22

Kɛlaa, Yálá tɔɔi mɔ̨ɔ̨ búlú a nwalawalaa, ə mą kɛ, háákələi hvólói yee mu, yili ɓə gɛi, ɲéé kaa lɔ ni gɛla hvaa ti ɓoɔ ɓa, lɛapɛlɛɛ, da nu kpɛa-kpɛaa ɲɛ̨i ɓa. Mɛ̨nįɠaai kɛ mąąnɛ̨ɛ̨ di kɛ, Yálá kwəi mɛ̨nį hukulɔ nuą, da Moisə, di di lɛɛ tɔwɔ di di ɓo; ɛlɛɛ, və́ mɛ̨nį ta ɓoi yɛ laŋįn di woo mɛ̨i.

Korɛntə veelɛ 1:10

Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Nwun mąąɓo 6:15

Zedeɔn yɛ Yai-Laa ɓa: «Ee Nwɔ́ mɛ̨nį Nąmu! Ŋą́ pɛli Israɛlə nwun mąąɓoi ləi? Manase nu huwu lɔwai, ku wɔ pɛ́lɛ́i ɓə mąąwɛliɛ, ɛlɛɛ, ɲą́ą́ ɓə ku yəi bɛlɛ́n a nokolo.»

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»

Samuɛlə dɔlɔɔ 9:21

Saulə yɛ mą: «Gbului golɔɔ Israɛlə nuą lɔwai, yaai ɓaa Bɛnɉamɛn yəi bɛlɛn, nąą mun ɓaa a ɲą́ą́. Ku huwu kaa Bɛnɉamɛn nu huwu lɔwai a pɛlɛ́ logolo; yá pɛli mɛ̨nį taaləi ŋɛ̨i ɓo pələ kɛi ləi náá mɛ̨i?»