Kɔlɔnikɔ Maa-ŋuŋ 16:3 - Yálá laawoo hɛɓɛ (dc)

³ Yili pulu, ə lɛɠɛ kpįnįn dɛitɛi, datə nwɔ̨míi tɛitɛi, da viɲə nwɔ̨míi tɛitɛi tɛɛ Israɛlə lonnii kəlee pɔ, nɛ̨ąą mąn, ɉinąą mąn.

Yálá laawoo hɛɓɛ

³ Yili pulu, ə lɛɠɛ kpįnįn dɛitɛi, datə nwɔ̨míi tɛitɛi, da viɲə nwɔ̨míi tɛitɛi tɛɛ Israɛlə lonnii kəlee pɔ, nɛ̨ąą mąn, ɉinąą mąn.

Bible

³ Ǹaa pôlu ma, Deeƃé è mii-sɛŋ tɛ̀ɛ ǹûai kélee pɔ́. È kpólo kane tɛi-tɛi tɛ̀ɛ zinâai da nɛyâai pɔ́ da sua kpua-kpua tɛi-tɛi da lesiŋ kane tɛi-tɛi a tɛɛ-ŋa.

Kɔlɔnikɔ Maa-ŋuŋ 16:3 Iomraidhean Croise

Tɔɔɓɛlaa dɔlɔɔ 3:15

Salomɔn ə ɲɛ̨nąą ɓo, ə gaa yɛ Yai-Laa ka tii mɛ̨nį ɓo mą hįi pələ. Ə li Ɉerusalɛmə, ə gbɔwɔ lɛ Yai-Laa ɓa nwɔ mįnɛ̨ kəhii lííla, haláái da gəlee kələn, da pɔnaa kulɔ haláá, ə yiliɠaa kulɔ Yai-Laa ɓa, yili pulu, ə nwɔ ɲɛ̨itɔwɔ nuą ɓɛlɛ hee.

Kɔlɔnikɔ Maa-ŋuŋ 16:2

Ɓɛlɔwai Davidə ə kpɛɛ laa ɉaláá hɛn da gəlee kələn da nɛ̨ɛ̨yɔwɔ laa halááɠaa tii kəlee kulaa, ə lúwɔ́ too nuą diɛ Yai-Laa laa hu.

Kɔlɔnikɔ Maa-ŋuŋ 16:4

Davidə ə Levi lonnii taɠaa hee Yai-Laa nwɔ mįnɛ̨ kəhi nwɔ tíɓo ɓa, əgɛ, diɛ Yai-Laa Israɛlə nwɔ Yálái mąą hɛli pu, diɛ mąątɛ̨nɛ̨.

Kɔlɔnikɔ Veerɛi 30:24

Hvó gaai, tɔɔmun Ezekiasə ə nįnɛ̨ hilɛ waa tɔ̨nɔ̨ da taatɛlɛɛ pɛlɛɛɠaa waa mɛ̨ihveelɛ həɠə ɉu a nu kpulu nwɔɔ; ɛlɛɛ, galanɉonŋąą di nįnɛ̨ hilɛ waa tɔ̨nɔ̨ da taatɛlɛɛ pɛlɛɛ waa pow həɠə ɉu a nu kpulu nwɔɔ. Ɉaláá laa həli nuą di di mąąhəɠə kpɔ a di kpulu kɛnɛ̨.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Wɛli 2:5

'Váŋą lɔ kilɛ a viɲə nwɔ̨mįi pənə ə́ nį́ilɔ kilɛ a ɓɔlaa ɓa. Mąąhɔlɔɓo, yɛ wɛlikɛmąąlaa kaa mą́ą́ a ɲɔ̨n.

Azaya 16:7

Ya ka kɛa Moabə kaa wɔlɔi Moabə mɛ̨i, diɛ di kee hon a wɔlɔ, di liikələn ŋąą di kwəi, diɛ ɲiŋɛ̨ a kwəi pili mąą, Kirə-Harɛsɛtə taa kpoloon mɛ̨i.

Izikiɛ 45:17

«Dɔɔmun nwųɔ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Piɛrə dɔlɔɔ 4:9

'Ká ká yee hee nu kəlee mu a kwəi kwɛlɛ laa, 'ká hvo ɉaa.