Kɔlɔnikɔ Maa-ŋuŋ 14:1 - Yálá laawoo hɛɓɛ (dc)

¹ Hiramə ɓə kɛ a heeɓomun Tirə. Ə wəlɛɛ tɔɔ Davidə pɔ, ə bɛlɛ kpitili wulu ɓa, da pɛlɛ́ tɔɔ nuą, ə mą kɛ, wulu haɠa nuą; əgɛ, di nwɔ tɔɔ pɛlɛ́i tɔɔ.

Yálá laawoo hɛɓɛ

¹ Hiramə ɓə kɛ a heeɓomun Tirə. Ə wəlɛɛ tɔɔ Davidə pɔ, ə bɛlɛ kpitili wulu ɓa, da pɛlɛ́ tɔɔ nuą, ə mą kɛ, wulu haɠa nuą; əgɛ, di nwɔ tɔɔ pɛlɛ́i tɔɔ.

Bible

¹ Taya kaloŋ Iraŋ è kéla-ŋa tɛ̀ɛ dí pá a sîda wuru kpono-ŋa, kɔni pɛrɛ tɔɔ-ƃela da pɛ́rɛ tɔɔ-ƃela a gɛ́ɛ dí Deeƃé ŋɔpɛ́rɛi tɔ́ɔ.

Kɔlɔnikɔ Maa-ŋuŋ 14:1 Iomraidhean Croise

Samia Veerɛi 7:2

Tɔɔmun ə kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yálá nwɔ mįnɛ̨ kəhii ə ɓo kələ mu, mɛ̨i kɛɛ a həɠə.»

Tɔɔɓɛlaa dɔlɔɔ 5:1

Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Tɔɔɓɛlaa dɔlɔɔ 5:15

Tirə tɔɔmun Hiramə ə nwɔ nuą tɔɔ Salomɔn pɔɔli, mąąhɔlɔɓo, aa kɛ mąn diɛ kɛ daa ɉee a nąn Davidə mąąhvalin. Hiramə yaan, ə wɔlɔ kɛ a Davidə mɛlan.

Tɔɔɓɛlaa dɔlɔɔ 5:18

Kɛlaa, yiihui ŋɛ̨i, Yai-Laa aa liilaa tɛɛ bɔ́, kwa gwɛ́lɛ lɔiɠaa kəlee ku lɔwai, yowolaa hvo kɛa ku lɔwai, mɛ̨nį ɲąąnwąnąą takpɛli niihɛlɛn hvo kɛa mą́ą́.

Tɔɔɓɛlaa dɔlɔɔ 5:6

Nwului ŋɛ̨i di kɛi ɉooɠaa yili la di kee ɓa, diɛ nwotolo kpulɔn mą, nwaa pow nąąn mə kɛ Salomɔn yəi, nwɔ hooɠaai mąą mɛ̨nį ɓa, ɛlɛɛ, hoo mɛ̨i nuą, nu waa pow kɔ́w hveelɛ.

Kɔlɔnikɔ Maa-ŋuŋ 14:2

Nąąlɔwai, Davidə ə gɔlɔn yɛ kɛ, Yai-Laa aa nwɔ heeɓo laai hee kpɔ a neelee Israɛlə lonnii mɛ̨i, ɛlɛɛ, mɛ̨lɛ kpɔɔkpɔ ə kɛ mą Israɛlə nu huwu mąą mɛ̨nį ɓa.

Kɔlɔnikɔ Maa-ŋuŋ 17:1

Ɓɛlɔwai Davidə ə kɛ kɛa la ɲəi bɛlɛ́n, ya ɓə a kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yai-Laa nwɔ mįnɛ̨ kəhii ə ɓo kələ mu, mɛ̨i kɛɛ a həɠə. Ə́ wɔɔ kiliŋąhiɛ kaa ləi?»

Kɔlɔnikɔ Maa-ŋuŋ 22:2

Davidə ə mo nwɛ̨ąąi kpɔ kɛ Israɛlə lɔi hu, di gəlee ɲąąkpɔn, ə lɛɛ, ə kwɛni kulɔ nuą kulɔ, diɛ pɛli kwɛni haɠai, əgɛ, di pa Yálá nwɔ pɛlɛ́i tɔɔ la.

Kɔlɔnikɔ Veerɛi 2:2

Salomɔn ə tiɓo kə mun Tirə tɔɔmun Hiramə pɔ, yɛ mą: «Ka ną́n Davidə ka yee ə kɛ gee hu, yɛ́ kpitili wulu tɛɛ mą, yɛ ɲii pɛlɛ́ tɔɔ la;

Kɔlɔnikɔ Veerɛi 2:3

ya ka, gáá bɔ ŋį́ pɛlɛ́ tɔɔ Yai-Laa nwɔ́ Yálái ɓa, ə kɛ a pɛlɛ mąąhəɠɛɛ, diɛ hɛn gunnɛ̨ɛ̨ɠaa kələn ɉii laa nií la, haláá hɛnŋąą di ɓo lɔ laani nií la a yələ kəlee da haláá hɛn da gəlee kələn yələwala da yələwulii, a túwɔ́ yələɠaa, ɲąnįn dɔɔ nįnɛ̨ɠaa da Yai-Laa ku wɔɔ Yálái nwɔ hɛli yələɠaa; yili kaa pai kɛi tii a yələ kəlee mɛ̨nį Israɛlə lɔi hu.

Ɛsdrasə 3:7

Di wali tɛɛ kwɛni haɠa nuą pɔ, da pɛlɛ mɛ̨i kɛ nuą, ɛlɛɛ, kɔ̨nɔ̨n da lɔɔ, ə mą kɛ wulɔ, di tɛɛ Sidɔn da Tirə nuą pɔ, ə gɛ, yiliɠaai di kpitili wulu tee Liban, di tɛɛ la Ɉafa gboloyá ŋą pələ, di paa la. Yɛ pələi Pɛrsə tɔɔmun Sirusə ə mąą laa tɛɛ la di pɔ.