Kɔlɔnikɔ Maa-ŋuŋ 13:8 - Yálá laawoo hɛɓɛ (dc)

⁸ Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Yálá laawoo hɛɓɛ

⁸ Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Bible

⁸ Deeƃé da ǹûai kélee díkɛ̀ lii-nɛ̃ɛ kulâi kpɔ́ a zu kɛ́tɛ díkɛ laa-maa tɛ̂ tɛ̀ɛ Ɣâla pɔ́. Dí kɛ̀ pêle kɛ̂i díkɛ mãla díkɛ ɣale-sãa kɛ́ɛ yɛ̂ɛ kɔnîŋ, gbuŋ-gbuŋ, nyɛ̃ɛ-yɛ́ŋ ɣàle díkɛ túru fɛɛ.

Kɔlɔnikɔ Maa-ŋuŋ 13:8 Iomraidhean Croise

Tɔɔɓɛlaa veelɛ 3:15

Yɛ diɛ, 'ka hvɛli kɛmun dɔ̨nɔ̨ təli ə pa.» Yii kɛa vɛli kɛmun ə kɛi vɛli kɛ, Yai-Laa yee ə yɛɛ Elise mɛ̨i;

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 16:5

Di nwun nąmu Asafə da ɉee gwɛlɛmun Ɉekaria, yili pulu, Aziɛlə, Semiramotə, Yeriɛlə, Matitia, Eliavə, Benayahu da Ovɛdə-Edomə; Yériɛlə ɓə gwɛnįnŋąą da bɛlɛgwəi gwɛnįnŋąą ə kɛ ɲəi, Asafə ɓə kɛi náloɠaa yɔw.

Kɔlɔnikɔ Maa-ŋuŋ 23:5

Di nu waa nąąn ɉəɠə, di di kɛ a bɛlɛ́ laaləi mɛ̨ikaa nuą, di nu waa nąąn ɉəɠə ɉu, diɛ Yai-Laa mąątɛ̨nɛ̨ a hvɛli kɛ hɛnŋąą, diɛi ɲą́ą́ Davidə, ŋį́ pɛli a mąątɛ̨nɛ̨ kɛ hɛn.

Kɔlɔnikɔ Veerɛi 20:28

Di lɔ Ɉerusalɛmə a hvɛli woo: diɛ gwɛnįn ɲɔw, diɛ bɛlɛgwəi yɔw, diɛ tulu hvɛɛ. Di lɛɛ kpɔ a hvɛli kɛi, di həli la Yai-Laa yəi bɛlɛ́ laaləi.

Kɔlɔnikɔ Veerɛi 5:12

Levi huwu hu nuąi kɛ a nwələ too nuą, diɛ ɓo Asafə, Heman da Yedutun da di kaayɔwɔɠaa di yee mu, həɠə kwɛlɛɛ yɛ ɓo di kwaną, kpɛŋɛ̨nɛ̨n-gwɛli yɛ ɓo di yəi, da gololon-gwɛnįn, ɛlɛɛ, bɛlɛgwəi gwɛnįn; di tɔɔ Yálá kɔ́i mamįiyee hu. Di kwɛlɛ, haláá laa həli nuą nu nwundɔ̨nɔ̨ ɲee hveelɛ ə ɓo laa, diɛ túlú hvɛɛ.

Mąątɛ̨nɛ̨ 47:5

Ə ku kwɛlin nɔi kulɔ ɉu a dee, niiɓamun Ɉakɔbə ɲɛ̨i pɔ̨nɔ̨ mɛ̨nį li.

Mąątɛ̨nɛ̨ 92:3

Ɛlɛɛ, nu yɛ humo, yɛ ə́ wɔ wɛlikɛmąąlaa loloɓo, yɛ yíi ə́ wɔ tɛ̨ą mɛ̨nį hukulɔi,

Amɔsə 5:23

Ka ka wɔ wələ wooɠaai mąą kwɛa mą́ą́. Və́ bɔ, və́ ka wɔ gwɛnįnŋąąi woo mɛ̨n.

Amɔsə 6:5

Kaa gwɛnįn nwələ too yɛ wəli wolo nuą. Yɛ pələi Davidə ə gɛ la, kaa kpɛli, kaa hvɛli kɛ hɛn nįnɛ̨ɠaa pɛli a ka wɔɔ.

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.