Kɔlɔnikɔ Maa-ŋuŋ 12:8 - Yálá laawoo hɛɓɛ (dc)

⁸ Yoela da Ɉevadia, Gedɔrə mun Yerohamə lonnii.

Yálá laawoo hɛɓɛ

⁸ Yoela da Ɉevadia, Gedɔrə mun Yerohamə lonnii.

Bible

⁸ Ǹûai ŋí ƃé kùla Gâa ŋɔsuui su dí lɛ́ɛ Deeƃé pôlu gɛ́ɛ kɛ̀ loo perei vɛ̃ɛ-kpâlaŋ sui. Dí kɛ̀ a kɔ-kuluƃa kili-kuláa-ŋa. Da kâa kɔ̀ a kpála ŋá ɣále kɔli-kalaŋ a ǹɛ́lɛɛ. Díŋɛi è kɛ̀ a m̀ili-miliɛɛ yɛ̂ɛ yala-sulu, díkɔɔ maa félaa yɛ̂ɛ yée su pilaŋ sua.

Kɔlɔnikɔ Maa-ŋuŋ 12:8 Iomraidhean Croise

Samia Veerɛi 1:23

Saulə da Ɉonatan di wɛli ə kɛ di kee ɓa, di hvo di ɓɛlaɓo li di wɔ yɛnɛ̨ɛ̨ hu, ə mą kɛ haa hu. Di kɛi gilɛ həɠə di yee tɛɛ Kuwɔ ɓa, di huwalawala yee tɛɛ yala ɓa.

Samia Veerɛi 17:10

Nąąlɔwai, ə mą kɛ nui nii kpəlɛɛ yɛ yala hilɛ, ɲɔw a too ɉu, mąąhɔlɔɓo, Israɛlə nuą kəlee di gɔlɔn diɛ ə́ nąn gaa a kulaa, bɔ nuą kəlee huwalawalaa.

Samia Veerɛi 2:18

Seruya lonnii haaɓa di kɛ laa: Ɉoabə, Avisai, da Asahɛlə. Asahɛlə ə kɛi gilɛ həɠə looɛi yɛ lómą.

Samia Veerɛi 23:20

Kulaa ta ə kɛ laa, diɛ kɛ non naa ɓa a: Yehoyada, yili nwɔ lon ma kɛ a Benayahu. Gɛ mɛ̨nį tamąąi kɛ, ə kɛ a Kavseɛlə mun. Yaa tii ɓə Moabə nuą hveelɛ paa, diɛ di laa ɓa a Ariɛlə. Yaa tii ɓə nwɔ̨nɔ̨, yələ ta, a kwɛlɛ pai lɔwai, ə yɛɛ lɔwa ta hu ə yala paa laa.

Kɔlɔnikɔ Maa-ŋuŋ 11:16

Davidə ə kɛ mąąkilɛ pələi, Filisti nuą di wɔ kɔ́ ɓuwui ta ə kɛ Bɛtleɛmə daai.

Kɔlɔnikɔ Maa-ŋuŋ 11:22

Kulaa ta ə kɛ laa, diɛ kɛ non naa ɓa a: Yehoyada, yili nwɔ lon ma kɛ a Benaya. Gɛ mɛ̨nį tamąąi kɛ, ə kɛ a Kavseɛlə mun. Yaa tii ɓə Moabə hulɔnu Ariɛlə lon ɉinąą hveelɛ paa. Yaa tii ɓə nwɔ̨nɔ̨, yələ ta, a kwɛlɛ pai lɔwai, ə yɛɛ lɔwa ta hu ə yala paa laa.

Kɔlɔnikɔ Maa-ŋuŋ 12:16

Diɛi tii ɓə Ɉurdɛn yá teen a ɲąnįn dɔlɔɔ, ɓɛlɔwai ɲa hvɛɛi kɛ la, diɛ lɔ ɓə nwɔnɔ̨ too ɲa-ɓoloon bɔ nuą hu, di di kpɛ, voló həɠəi pələ da dooi pələ.

Kɔlɔnikɔ Maa-ŋuŋ 12:7

Ɛlkana, Yisiyahu, Azarɛlə, Yoezɛrə, Yasoveamə, diɛi kɛ a Kora nuą;

Kɔlɔnikɔ Maa-ŋuŋ 12:9

Nuą taɠaa di kulɔ Gadə lonnii lɔwai, di pa Davidə pɔ mąąkilɛ pələi nɔi pun ɉu. Nuą tii di kɛ kpɔ a kpakoloɠaa, a kɔ́kuláaɠaa, di hąą yiliɛ kɔ́ kɔ́ mɛ̨nį ɓa; di liikpəlɛɛ yɛ yala hilɛ, di mąąhulaa yɛ hvɛlɛɛn a kɛ yee ɓa.

Kɔlɔnikɔ Veerɛi 25:5

Amasiasə ə Ɉuda nuą ɲąąkpɔn, ə ɲąąwooɓo kɛ nuą hee yɛ bələi gwəliɠaa kaa la, da bɛlɛ́ɠaa, Ɉuda lɔi hu, da Bɛnɉamɛn lɔi hu. Ə daɠaa hee nu waa nwundɔ̨nɔ̨ nwun na, daɠaa nu nwun damąą nwun na. Nuąi di kaa kwɛlan ə kɛ pow hveelɛ da bulu, ə di lonon. Di kɛ a kɔ́ mɛ̨i kpakoloɠaa nu waa nwun ɉaaɓa, diɛ pɛli kpalá pilii, di yɛlɛɛ hə́mə́ kɔ́nwɔ̨i.

Hanwon 28:1

Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Hanwon 6:5

Kulɔ ɉɛlɛn ɲəi yɛ Ɓɛ́ɛ́la, yɛ nwɛ̨nį lon a ɓɔ diŋɛ̨n nwolo ɓa.

Wɛli 8:14

'Li kilɛ! Nwɛ́likɛmąąmun, laŋin gbɔ yɛ lomą, ə́ gilɛ həɠə yɛ tówá. Li ɲee mąą kun nɛ̨ɛ̨ɠaa nwuɔ̨.

Ɉeremi 46:9

Hooɠaa! 'Ká li kɔ́ mɛ̨i, kɔ́ kɔ́ wotoloɠaa! 'Ká li gɔ́ ɓa. Kɔkulaaɠaa! 'Ká tɛɛ tɔwɔ Nubi da Putə nuą; kaai ka wɛlɛɛ hə́mə pənə, 'ká hə́mə həɠə. Ludə nuą; kaai wɛlɛɛ kilɛn bili, 'ká həɠə.»

Samuɛlə dɔlɔɔ 23:14

Davidə ə li ə hee nɔi pun ɉu yɛ noo; ə ɉeei kulɔ ɲee hɛŋɛlɛn ma Zifə nɔi pun ɉu. Volói tii kəlee yee mu, Saulə ə kɛi gwɛli. Kɛlaa, Yai-Laa hvo hvaa mą Saulə yee hvo pɛli Davidə ɓa.

Samuɛlə dɔlɔɔ 24:22

Yii hu kɛa, ə́ kwɛla mą́ą́ a Yai-Laa laa, yɛ́ kɛ hvo pai ɉúwu pui, ɉáá pulu, yɛ́ kɛ hvo pai náá kpɛɛi ną́n ɲəi bɛlɛ́n nuą lɔwai.»