Biblia Todo Logo
Bìoball air-loidhne

- Sanasan -




Yonas 1:3 - BII BILA

3 Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.

Faic an caibideil Dèan lethbhreac




Yonas 1:3
35 Iomraidhean Croise  

Mɛɛ nda tuei diom Mɛlɛka Hala-o balɔɔ o nakɔɔ nin o hoeyii fɛ́-fɛ́i paale delɛi nin, má kɔ vionnun ndu o yɔmnde nin.


O kon, mí Kain faŋan Mɛlɛka o hɔl, mó kɔ calnun o lɛŋnde Nɔd len nin, lɛŋnde len le va lɛŋnde Edɛn-nden a ba paalen le can-ndo.


Elii cɔu lende, mó can, mó kɔannun le yoomu ndɔɔ ciindiaa. Mó kɔa Bɛɛr-Seba, o tàndá Yuda-o nin, mó kɔ mɛi buɛi ndɔɔ lon,


Elii ndóò tiiyaa Horɛb lon, mó luɛi o buululan nin, mó lɔl lon. Icɔl kon, mí Mɛlɛka soaa o ndu lo, mó ɲuna ndu aa: «Elii! Yɛɛ nɛ n hin yɛ tosa nanu?»


O kon, mì naa naa n kelu yɔmnde Liban mɛɛ n yeema yɛ, mì n yoo nɔm ndi kpɔŋndan keiyo o mɛmma ihɛllan coo háá Yopé. Yɔmii ken tiiya pɛ lon, nɔm vili ndi niko Yerusalɛm.»


Mí Salomɔn cɔm mialaa va o lɛŋnde Israɛl-ten nin-nda kpow, a David fuɲa ndɔ ndóò sɛva diolan-nda pɛɛn. Má bɛnda faw vannda vaalan kɛmɛ beleŋuɛɛnu a layàá a n'van kɛmɛ leŋɔmpum (153 600).


Masaa ndóò nɔ dɛ̀ndɛ̀la mamɛnndan, la ndóò viam Tarsis dí le kɔlan a vanaa ɲaanun dɛ̀ndɛ̀la mamɛnnda masaa Hiram-ndan-nda. Vɔsilan la hiow pɛ layàá, la hin lapiaa ca a sianion, a volion, a ciŋun kamaa, a tɔmnda a á yovaa kɛndɛ-kɛndɛa pum.


Má ke vanaa sialaa lapowva a vanaa cuaa layindɔa volion, má yɔngu vɛlɛ Sidɔnnda a vannda Tir ɲɛm dian, má yɔngu nda ɲɛ-ɲɛ vana kol, má yɔngu nda cuɛiyan, haliko mi ndáà cua yɔmii sɛɛdrei Liban, mì ndáà hin a ndi o mɛmma ihɛllan coo háá Yopé. Siris masa Pɛrsea vem nda kon kpede tosaa ni.


Mí Mɛlɛka dimul Setana aa: «Ava, mɛɛ ɲɛm ndɔn kpow n co o kpaaya nɔmndo bɛngu. Kɛ hol ndu pila baa le dɛ!» O kon, mí Setana faŋan Mɛlɛka o hɔl.


Mí Setana faŋan Mɛlɛka o hɔl. Mó kɔ cuiŋi Yɔb nàà vɔɔndo pum coo, mí kɔɔlen le luaaluaa ndu kpede, kandɔɔ o bɛngula kɔltan kɔlan biyɔɔ háá ndu o lebol.


Vanaa pum va kelaa o mɛmma ihɛllan coo, a va yulalen a makola celen tosaa o mɛmma bɛndu-bɛnduan coo.


le dɛ̀ndɛ̀la mamɛnndan Tarsis kpow a le ɲɛ-ɲɛ naŋ o tofaa a lehɔl cɔlɔbaa!


Sɔɛi dimin o kobio Tir coo-e co hee ni aa: «Niaa vanaa co kelaa yulalen o mɛnndan coo Tarsis-a, la somisomin! Kani fonda niáá tiindan-ndo piɔl vɔ́-vɔ́! Hali cɛiyo ndu pilɛ, o lo lɛ lon te! Tuma nda va cɔnɔnndo o lɛŋnde Kitim-nden nin le muungoo-o nda saalun fonda niaa kon ni.


Lelan, niaa vannda Tarsis, la kɔ mi la vàá yondola niaalan mɛɛ Esiptea co la ndalan vàá o dɛɛlala holnun peo Nil tan nin yɛ, kani nɛɛ simia dɛ̀ndɛ̀la mamɛn co lɛ le!


Niaa co icali o mɛmma ihɛllan kɔngɔ-a, la taŋ-ndɔ mì la kɔɛ háá Tarsis. La kɔ mì la kɔ hiila hiko-hiko a caŋndo.


Kani lɛŋii co o mɛnndan kɔngɔ-e i tiindan ya. Dɛ̀ndɛ̀la mamɛnndan Tarsis la sim laci le hunɔɔ a poaa nɔmnda cɔnɔnndo nɛɛ levil a volin a á sianin ndan. Kon kpow le diola Mɛlɛka Hala nɔmndo lan, O-Diandaa Israɛlla pɛɛn, o co nɔm salamayɛi yɔngoo-o.


Vana caa baala labaa-o sɛl pɛ, vana teengiaa cilinndon-ndo yikpa nda a pɛngɛn volin humbun nda fula Tarsis-on, te kon te a sianin nda fula Ufas-on. O kon kɔɔli, a vow nda kolala keesela siaŋala sɔɔtɔtɔlan a la yim-yimndan. Mɛɛ nda co kpow, vanaa caa baala labaa-a toosiaa nda ni.


Nɔm Po vanacieo yɛ, yaŋ nilan o diom ya co nɔm dimul-lo! Nɔm siŋnun vana nila kaloo maa yungu lanila kalu kon te! Lelan, kumbi sondoo mà de ɲɛ ya kenin nɔm-ndo!»


Vannda Tarsis va yulalen tosaa a nɔm, le ɲɛm kɛndɛn va nɔm o ba taw-von. A va hunɔɔ a volin latámán, cilinndon, ciliŋun humbon a liion o nɔm ndo le vɔngulan tosaa niaa ndaa.


Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.


Mó cɔm nda maa ɲaanɔnndo o co le Mɛlɛka vionnɔnndo ni. Mí siòònde cɔɔlu vɛlɛ vanaa kan biyɔɔ taw, má ɲuna ndu aa: «Le yɛɛ nɛ n tosa yɛ dɛnɛ vaa nuaa?»


mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.


Mí Yeesu mulul ndu aa: «Vana-vana kandu pɛ váà, mò tofan kɔɔli, ndu niŋ o Masale Hala len nin te.»


kɛ mí Pol ca maa o ve yiyan kɛndɛ le, kani a va vɔ Pamfilii, mó faŋan nda kɔɔli, o liila lɛ nda o baala ndaa nin te.


O kon mí Pol hiaw laci a sɔɛi, mó dimi aa: «Nuaa ni masaa Akripa, i kɛɛ vundule komal-la fulaa o halataala len diom tueyɔɔ le.


Kaandennɔ laandu pilɛ va Yopé diolan Tabita, o krɛkiei nin aa «Dɔrkas». O va vannda dɛnɛ kɛndɔɔ tosallo lɔ́ɔ́-lɔ́ɔ̀, mó va vɛlɛ vanaa bala fondoa malaa.


Nduyɛ, Lida ve Yopé levil te. Kaandennda Yopé tueyɔɔ Piɛr tɔ́ɔ́ Lida, má vim ndu kiilaa nda ŋiɔn, má kɔ dimul ndu aa: «A yandi, yangaa le, hun cɔ́-cɔ́.»


Mí dɛnɛ kon tiw Yopé sɔ́, mí vanaa bɔɔ-bɔɔ laalan Mɛlɛka.


Mí Piɛr viaw Yopé ciee, o Simɔn tosa baala layáwvo-o lo.


Nduyɛ, vannda Yoongu Kɛndɔɔ tiiyallo, kon co dɛnɛ kuundian le ya le, kani lelan ya sɔla veeloo ni. Dɛnɛ palaa co le ya, te i tiiyal vannda Yoongu kɛndɔɔ le.


A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil


mɛnndan Yarkɔn, Rakɔn a tàndá co Yopé ikɛi-yo.


Lean sinn:

Sanasan


Sanasan