Yonas 1:2 - BII BILA

² «Cɔn ma kɔɛ o kobi bɛndoo Ninive nin, mà kɔ tɛɛngul vanaa co lon-nda sɔɔn mun, kani tɔ́ɔ́ kɔlvesɛi ndaa tiiya o ya lo dí.»

Yonas 1:2 Iomraidhean Croise

O Kandɔɔ 10:11

Mí Nimrɔd faŋan o lɛŋnde len nin, mó kɔ cal Asiri. Mó tangul Ninive, Rehobɔt-Ir a Kala,

2Masaa 19:36

O kon, mí Sennakerib, masaa Asiri puusiaa dɔ́ɔ́ngɔ́ɔ̀, mó muungun Ninive, mó kɔ cal lon.

2Dɛnnda lemasalan 28:9

Vana-tɛɛngaa-diom Hala-o pum va lon diolan Obɛd. Mó fula, mó kɔa vanaa cɔvaa va muungoo Samari-a bɔŋaa, mó dimul nda aa: «Le tùú Mɛlɛka Hala fuɲaa niaa mamaa ndóò tambu kɔllo a Yudaa-o o mal nda niaa o ba nuaa ni. Kɛ nduyɛ, mí la diw nda a hiilɛi mí tɔ́ɔ́ kon tiiya háá o halataala.

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

Esai 37:37

O kon, mí Sennakerib masaa Asiri puusiaa dɔ́ɔ́ngɔ́ ndɔ kon, mó muungu o ndu lo, mó kɔ lo icali o ndu lo Ninive.

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Esekiɛl 2:7

Mɛɛ ma dimul nda sɔɔn nun, a yaŋ lani, a yaŋ lani le, kani vanaa nila kalua nda co ni.

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Yonas 3:2

«Cɔm mà kɔɛ o kobi bɛndoo Ninive nin, mà kɔ tɛɛngul nda yoongu ya sɔɔ nɔm o sondo-o.»

Yonas 3:3

O laan nin, mí Yonas can, mó kɔa Ninive mɛɛ Mɛlɛka dimul ndu yɛ. Nduyɛ, kobi bɛndoo pila Ninive va ni, fɔ mì vanáà cii palɛi ndii yáá le ndu ciiyo balɔɔ.

Yonas 4:11

Nɔm yɛ, a yeema mì ya i tuinun Ninive kobi bɛndoo ho iɲíí le. Kobi bɛndu vannda hiow hoo le vaalan kɛmɛ a bidiin nin-ndo, vanaa sina bɛɛ haa pɛɛngulan dɛnɛ kɛndɔɔ a dɛnɛ vɔɔndo tɛɛn te-a. Cɔlua co vɛlɛ o kobio ho nin sɛ́lɔ́ɔ́ taw-taw.»

Misee 3:8

Kɛ ya ya, i co o piaa cá a yoomuan, yoomuma fula Kɔl Hala-o o ba-an. I nɔ dío a yoomuan le cuavaa Yakɔb dɛnɛ vɔɔn ndaa cɔmndo, a le Israɛlla haki ndaa cɔɔmullo.»

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Nahum 3:19

Kpundɛ nɔ maɲulu loo del nɔm coo dɛ! Yɔŋulɔnnda nɔmndan yɔŋulɔnnda piɔ́mndan la co ni. Vana-vana tuei pɛ dɛnɛ nɔmndo tɔ́ɔ́, o tɛm balan a dɛnɛ kon. Kani nɛ̀ɛ́-nɛ̀ co yɛ, o n tuisi dɛnɛ palaa coo loo?»

Matie 10:18

A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl a vanaa-mangalaa-isɔɔa o hɔl.

Matie 12:41

Paale kialaa iyamalen, Ninivea cannin mà yaala vanndacieea paalen nden hau. Kani caaŋaa kan, telen Yonas dimul nda sɔɛi Hala-e-o, má mal yɔŋ vɔɔn ndaa, má mangalan. Nduyɛ, vana hiow Yonas-o co nanu.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Dɛnnda cɔɔmuanndan 18:5

Kani hakila ndɔlan la dengelan háá o halataala, mì Hala yiyan a dɛnɛ sandaa ndɔ lepɛŋndo.