Yeremi 47:2 - BII BILA

² Diom Mɛlɛka dimi-o co hoo ni aa: «Mɛnndan ma co hunɔɔ fulaa a ba luaŋ-ndo, ma co siŋnɔnndo mɛmma letindima ɲindu taw-van. Ma co lɛŋnden a ɲɛm co lecoo-on kumbɔɔ, kobilan a vanndacieea. Vannda co caŋndo le malaa sɔlaa, vanaa co o lɛŋnden nin-nda kpow a co koŋullo.

Yeremi 47:2 Iomraidhean Croise

Yeremi 46:20

Esipte va maa naw téndé kɛndɛ-kɛndɛ, kɛ mí sunbungaa hun toal ndu coo.

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Yeremi 1:14

O kon mí Mɛlɛka dimul-la aa: «A ba luaŋ-ndo dɛnɛ palaa co fula ni mò tol vanaa co o lɛŋnden-nden nin-nda kpow coo.

Dɛnnda cɔɔmuanndan 17:15

Mó dimul-la aa: «Mɛmma n ce man mí cua suundɛiyo ho va icali lecoo-an, man ma co vannda, sɛ́lɔ́ɔ́, vanaa-mangalaa-isɔɔa a vanaa soaa sɔɔn yɛ́-yɛ́ɔn-nda ni.

Dɛnnda cɔɔmuanndan 17:1

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwlan nda hun, mó soaa o ya lo, mó dimul-la aa: «Hun mì cɔm nɔm yamɛi co cua suundɛi bɛndu co icali o mɛmma bɛnduan kɔngɔ-o cumndo-e.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

1Korɛntea 10:28

Kɛ te vanndo dimul niaa pɛ maa ɲɛm sálàn co mun ni, la dia lɛ ɲɛm mun te, le vana dimul niaa kon-ndo, yɔŋii kon pala vɛlɛ kɔlta niaalan.

1Korɛntea 10:26

kani lɛŋnden a ɲɛm co lenin-ndon kpede, Hala nɔ ni.

Nahum 1:8

tuma kpundɔɔ hun maa mɛmma hunaa-o. Kɛ o toaw yaamɔaa ndɔa o ɲumma piɔ́mndan nin, mò tɛɛmbuu nda kpede.»

Daniɛl 11:22

Kunda vanaa cɔw súú-súù nɔlanin ndu le. O fukpanin vanaa cɔwva háá mò yimiyimi nda, mò dii vana co bolle kpemaa-o.

Yeremi 48:39

La soli condii biisiei mì la dimi aa: «Mbɔ̀ Moab del fɔ́! Siɛmbulan pila o co le Moabua yaamɔaa ndaa ɲaanɔnndo ni.» Siòònde bii vanaa balu nda-a, mà va nda mamɔɔ.

Yeremi 46:13

Mí Mɛlɛka soaa o Yeremi vana-tɛɛngaa-diom Hala-o lo, telen Nebukanɛsar masaa Babilɔn hin le lɛŋnde Esipte len delɔɔ coo a cɔwvo-o, mó dimul ndu aa:

Esai 59:19

O kon, a kenin diola Mɛlɛka lan a biilu ndɔɔ bɛɛlen, kandɔɔ nɛɛ paalen le del-la háá nɛɛ le can-nda. Hali yaamɔɔ hun bɛɛ súlùlù maa mɛmma pee bɛndu, kɔl Mɛlɛka-o toawnin ndu mò ɲaanun.

Esai 28:17

I siinguunin sakpoyɛi yoole tuvaalen, mì siinguu dɛnɛ sandaa pɛngɛi nda tuu sandii ɲɔɔn-nde. Kɛ loeon delian kɔandunin vanafondoyɛi niaa venun nin-nde, mì mɛnndan ma tiw o yasabaa lacòòvaa niaa cal nin-ndo nin.

Esai 22:1

Sɔɛi dimin o ból vana ca siɔdii lacio nin-ndo coo-e co hee ni: «Yɛɛ nɛ yɔŋnun yɛ nɔm mi vanaa nɔmnda kpow va helɔɔ o yindɔla cɛilan coo?

Esai 15:8

Kani koŋullo a caŋndan la tiw o lɛŋnde Moab len nin kpow. Cɛɛŋɔnnda ndalan la co kɔlan tiiyaa háá Ɛklaim, somisomin ndaa co tueinɔnndo háá Beɛr-Elim dí.

Esai 14:31

Lelan, niaa vanaa co o diola luɛyaalan-nda, la somisomin! Niaa co o kobilan nin-nda, la cɛɛŋun mì la ŋɔɔcian! Niaa co o lɛŋnde Filistia nin-nda, la ɲiiya! Kani kumnde co cɔnnɔnndo a ba luaŋ-ndo, vanaa cɔwva co a sɔsɔŋaa o polama yaamɔaa niaa nin.

Condii lisai 98:7

Màá mɛmma ihɛllan, ɲɛm co lenin-ndon a vanaa co o lɛŋnden coo-a kpow a deŋi a ɲaaloo!

Condii lisai 96:11

Màá halataalaa dɔwnun ɲaale mì lɛŋnden le naŋ kɔl! Màá mɛmma ihɛllan a ɲɛm co lenin-ndon kpede n soli diomndan!

Condii lisai 50:12

Te yiaan máà va ya pɛ nɛiyo, i ve niaa bɛɛ ɲɛ-ɲɛ dimul te, kani ceendo a ɲɛm co lenin-ndon kpow, ya nɔ ni.

Condii lisai 24:1

Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

Yeremi 6:22

O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.

Yeremi 46:12

Vanaa-mangalaa-isɔɔa tuei siɛmbula tol nɔm-ndan. Kani koŋul nɔmndo tiw nɛɛ-nɛɛka o lɛŋnden coo. Kuubanɔ cɔwvo kundunin kuubanɔ cɔw celen, mà deli latulu nda ŋiɔn kpow.»

Yeremi 46:24

Siɛmbulan la bii Esipte fɔ: o del masale fula a ba luaŋ-ndo len o ba.»