Dɛnnda cɔɔmuanndan 8:5 - BII BILA

⁵ O kon mí mɛlɛkanɔɔ cua bonyii fuusɛi ken, mó pei ndi a yinnde o cua o fonda-loamaa-lasálàá len, mó viaw lɛŋ. Mí taŋndan ma piɔndi, mí diomndan la soaa. Mí piɔɔ voli, mí lɛŋnden le ɲiiya.

Dɛnnda cɔɔmuanndan 8:5 Iomraidhean Croise

1Masaa 19:11

O kon mí Mɛlɛka dimul ndu aa: «Fula ma kɔ sim ya o hɔl o pembei coo.» Nduyɛ Mɛlɛka va hiovɔɔ. Fɔ́ɔ́fɔ̀, mí hoeyii fùkù-fùkùei can hɔŋndo, mí pembon a powta kpovalan la va piɔsio Mɛlɛka laci. Kɛ Mɛlɛka ve o hoeyii ken nin te. O kon kɔɔli, mí lɛŋnden le ɲiiya, kɛ Mɛlɛka ve o lɛŋnde ɲiiyaale len nin te.

Condii lisai 18:13

Ɲɛ-tengaa bɛndoo va ndu laci, o ɲɛ-tengaa kon yumbuyumboo, loeon delian a dɛngultan la va fulaa ni.

Fulaa 19:16

Mɛɛ paale yàándɔle len le tiiya, idiiyo púŋ, mí taŋndan ma kandu deŋio, mí piɔɔ kandu volio iŋuanndi-ŋuanndiei, mí kumii tiŋii bɛndu-bɛnduei kumbu pembii ken mɔku-mɔku. Mí diom bulu bɛndoo soaa, mí siòònde bii vanaa va o dɔ́ɔ́ngɔ́ɔ̀ nin-nda kpow, háá má ɲiiya.

Esai 29:6

Mɛlɛka-Nɔ-Kpaayaa-Kpow-vo toalnin niaa tɛɛn a diom mataŋndo, a lɛŋnde ɲiiyaalen, a vóólun-vóólunn bɛndoo, a felenfelen bɛndoo, a hoeyii fùkù-fùkùei a á yinnde yelenyelennde bɛndulen.

Esai 30:30

O kon, Mɛlɛka solinin diom ndɔ lemasaa mò deŋi o kɔl ndɔ tuw bɛndoo nin, o cɔmnin ba ndɔ co o bɛɛndianndo le lɔɔ-o, o yelenyelen yinnde bɛndoo nin, o piɔɔ pɔ̀lɔ̀-pɔ̀lɔ̀ɔ́ bɛngu, o hoeyii fùkù-fùkùei nin, o loeon delian kpungban nin.

Esai 66:6

Diom bɛndu-bɛndoo co fulaa o kobio nin, diomndo co fulaa o Cɛi-Hala-o nin. Diom Mɛlɛka-o co sɔɛi ken ni, o co yaamɔaa ndɔa salaa le dɛnnda ndalan-ndo.»

Yeremi 51:11

Mɛlɛka tuu le Babilɔn tɛɛmbuuo. O co masaa Medii yoomuan lueiyo le tuu ndɔ kon peeloo. Maa ndɔɔ o co mingi ni, maa Cɛi-Hala co le ndu-o o co mingi kon lende ni. La cɛɛŋa bálta niaalan, mì la pei lan bɔlɔlan cá-cá.

Tɔŋ lasálàá 16:12

o cua bonyii fuusɛi co ipiaa a dɛngultan-nde, lá nda cua o yin o fonda-loamaa-lasálàá coo Mɛlɛka o hɔl-tan, o ɲɔla ansan funguɲaa bala tiɔn sakpo, o kɔɛ a ɲɛm mun o Fonda Diandaa-Diandaa nin, o kola-landaa co o Cɛi-Diandaa nin-ndo kɔɔli.

Sakari 14:5

La keinin o ból vanin kon o pembun mun tɛɛn-ndo nin mì la ɲaanun, kani ból kon tiiyanin háá Asal. La ɲaanunnin ɲinkon mɛɛ niaa ɲaanun sindɛ lɛŋnde ɲiiyaalen o paale Osias, va masaa Yuda-o len yɛ. O kon kɔɔli, Mɛlɛka Hala nuu hunnin a mɛlɛkaa ndɔa diandaa kpow.

Matie 24:7

Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Yima fofolan ma luɛinin o fondalan lapum, mì lɛŋnden le ɲiiya o fondalan lapum.

Luke 12:49

Mí Yeesu hiaw laci a sɔɛi, mó dimi aa: «Yinnden ya cuu o ceendo coo ni, yáà yeema taw mì léè va nin biyɔɔ!

Dɛnnda kiilaa 16:26

Fɔ́ɔ́fɔ̀, mí lɛŋnden le ɲiiya taw, mí cɛi kaaso kon hiilun háá nɛɛ nda kandu ndu cɔvɔɔ lɛŋ-nda. Mí diolan kpow la kumbin o lepilɔɔ, mí yɔlɔn ndáà yiw vanaa kaasoa-on kpow n tiimbun.

Dɛnnda kiilaa 4:31

Mɛɛ nda cii Hala piɛi, mí fonda ndáà cuungian coo-o ɲiiya. Mí Hala Kɔl-Diandaa pia nda nin kpow, má kandu Sɔɛi Hala-e dimio a kɔlkɛsiaa.

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Dɛnnda cɔɔmuanndan 11:19

Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.

Dɛnnda cɔɔmuanndan 4:5

Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 6:12

Telen o kumbi tɔɔmasele ŋɔmpumndɔɔ-o, mí lɛŋnden le ɲiiya taw, mí paalen le muungu le tiŋi maa volɔɔla biisi, mí paangei kpow i muungu maa makòó,

Dɛnnda cɔɔmuanndan 8:3

Mí mɛlɛkanɔ celen hun sim o fonda-loamaa-lasálàá coo, bonyii fuusɛi toosian a sianion-nde va ndu o ba. Má ke ndu ansan taw le ndu lomɔɔ, a piɛile vanaa diandaa kpow o fonda-loamaa-lasálàá n'sianio o kpɛŋɛ lemasaa hɔl-ndɔ.