Dɛnnda cɔɔmuanndan 8:3 - BII BILA

³ Mí mɛlɛkanɔ celen hun sim o fonda-loamaa-lasálàá coo, bonyii fuusɛi toosian a sianion-nde va ndu o ba. Má ke ndu ansan taw le ndu lomɔɔ, a piɛile vanaa diandaa kpow o fonda-loamaa-lasálàá n'sianio o kpɛŋɛ lemasaa hɔl-ndɔ.

Dɛnnda cɔɔmuanndan 8:3 Iomraidhean Croise

1Masaa 7:50

Kpángàlan, mɔɔn, bonyun fuusan, taalala kólaalan a kpɛɛnɛn mandaa ladɛngullon kpede, a sianin diandan ndáà toosiaa lan ni. Lende koni ndáà cɔw vɛlɛ ciliŋun ndáà pimbul koŋnda Fonda Diandaa-Diandaa-on a n ndáà pimbul koŋnda ndáà kinda Cɛi lenin-ndo-on ni.

Condii lisai 141:2

Màá piɛile nilen le hel o nɔm ndo sakpo mɛɛ kumii ansan i hel nuaa yɛ, mì bala ya co heeloo lan la siŋnun maa sálà solin a paale delaalen-ndo!

Fulaa 40:26

Mó luei vɛlɛ fonda nda loam cuɛima cun kɛndɛan coo-o o cɛi-kola-toandaa diandaa kon nin, mó kɛsi ndu o kola-landaa hɔl-ndɔ.

Esai 6:6

Kɛ mí mɛlɛkaa Seerafɛŋaa kan o pilɛ hun o ya lo, dɛngulten le va ndu o ba, o fonda-loamaa-lasálàá coo ndóò cua dɛngulte len a kpaɲala pɔmbɔlan ni.

Esekiɛl 41:22

maa fonda-loamaa-lasálà nda toosiaa a yɔmndo-o simndan dunndo leyàá, bandei dunndo lediin. Sɔngila ndɔlan, tum ndɔɔ a cɔcɔn ndɔn va n toosiaa a yɔmndo. O kon, mí langbanɔ kon dimul-la aa: «Bando co o kɛsiaa Mɛlɛka o hɔl-lo co hoo ni.»

Amɔs 9:1

Mí ca Maalii isisi o fonda-loamaa-lasálàá coo. Mó dimi aa: «Lɔɔ sungbuan bolle haliko mi kèédeon hiilun. Yimi man nda kpow o lebol. Vanaa lonin yoomu o nda tɛɛn-nda, i tɛinin nda a mɔɛi cɔwve. Hali vanndo ndu pilɛ, o nɔlanin ɲaanɔnndo le yoomu ndɔɔ baŋaa le, vana-vana nɔlanin hiɔlɔnndo le.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Kundalan 4:11

a pɛngɛla kola nda yin a kaan-ndo o fonda-loamaa-lasálà n'sianio coo, a kuumbuu yáw kàlà-kálàá pum lecoo, a sɔɔ yɔmii co le ndu cuaa-e.

Luke 1:10

Nduyɛ, aa va pɛ ansan lomɔɔ, vannda taw aa piɛi Hala o dio ni.

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

Dɛnnda cɔɔmuanndan 10:1

Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.

Dɛnnda cɔɔmuanndan 14:18

Mí mɛlɛkanɔ celen fula, ndóò nɔ kpaayaa yinnden coo ni. Mó yondal vana ndóò nɔ vɔlɔtɔɔ o ba-o aa: «Baa vɔlɔtɔ luɛyaa nɔmndo mà keenduu kpɔ̀nyɔ̀la n'rɛsɛnnda co o lɛŋnden coo lan, kani rɛsɛŋun ndɔn n diw.»

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Dɛnnda cɔɔmuanndan 6:9

Mɛɛ o kumbi tɔɔmasele ŋuɛɛnundɔɔ, mí ca kɔlta vannda pum o fonda-loamaa-lasálàá bɛngu, vanaa ndáà kili bololan le sɔɛi Hala-e a le seile ndáà timbi len-nda pɛɛn.

Dɛnnda cɔɔmuanndan 7:2

Mí ca vɛlɛ mɛlɛkanɔ celen helɔɔ a ba paalen le can-ndo, pondale Hala nɔ yoomoo o ba len le va ndu o ba. Mó yonda coocoo, mó dimul mɛlɛkaa hiɔɔlua ndáà dimul le lɛŋnden a mɛmma ihɛllan dɛnɛ palaa tuisio coo-a aa:

Dɛnnda cɔɔmuanndan 8:4

Mí kumii lasikɔlɔɛi ken va cɔnɔnndo mɛlɛkanɔɔ o ba, mí i va helɔɔ Hala o hɔl a piɛile vanaa diandaa latulu.

Dɛnnda cɔɔmuanndan 8:5

O kon mí mɛlɛkanɔɔ cua bonyii fuusɛi ken, mó pei ndi a yinnde o cua o fonda-loamaa-lasálàá len, mó viaw lɛŋ. Mí taŋndan ma piɔndi, mí diomndan la soaa. Mí piɔɔ voli, mí lɛŋnden le ɲiiya.

Dɛnnda cɔɔmuanndan 9:13

Mí mɛlɛkanɔ ŋɔmpumndɔɔ hɔn buloo. Mí tuɛi diomndo fulaa o kpɛɔn hiɔɔlun co o fonda-loamaa-lasálà n'siani co Hala laci-on tɛɛn,