Dɛnnda cɔɔmuanndan 8:10 - BII BILA

¹⁰ Mí mɛlɛkanɔ yàándɔɔ hɔŋ buloo. Mí loei bɛnduei pum fula coocoo, mí i del, mí i va sandei maa tɛngɛ. Peelan piɔwvo kundalan tan yáá, mí loei ken del kundaa pilɛ coo a o soonnda mamɛnndan coo.

Dɛnnda cɔɔmuanndan 8:10 Iomraidhean Croise

2Dɛnnda lemasalan 32:3

mó kennan kɔlkalulan nda simlacia va ndu o ba bɛngu-a a kuubaa ndɔa cɔwva le soonnda mamɛnnda va o kobio kɔɔli lan baŋullo. Mí kan cɛl ndu diom.

Esai 12:3

La kɔandunin mɛnndan a kɔlkɛndɔɔ o soonnda cindaalan nin.

Esai 14:12

Nɔm ɲɛ diandaa bɛndoo, nɔm ɲɛ-tengaa idiiyo, vɛɛ nɛ n looku yɛ fula o halataala ma del? Nɔm va vanaa-mangalaa-isɔɔa nɔlaa-o, a del má toal lɛŋ dí!

Sakari 13:8

Mɛlɛka dimi aa: «O lɛŋnden nden kpow nin, o vanndacieea kundalan tan yáá coo, kundalan tan tiɔn la vunin, mì o pilɛ lo yoomu.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Luke 10:18

Mí Yeesu dimul nda aa: «I ce Setana delɔɔ fulaa o halataala maa piɔɔ-volia.

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Dɛnnda cɔɔmuanndan 12:4

Loeon co o halataala-on kpede piɔwvo kundalan tan yáá, mó va kundaa pilɔɔ koondiaa a puile ndɔlen. Mó ɲindu mun o lɛŋnden coo. Mí tambálaká kon kɔ sim vanalanɔ va kon le violɔɔ-o o hɔl, haliko te ndóò velu dɔ́ɔ́ pɛ, ndóò mel cɛlɛkpɛ kon.

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Dɛnnda cɔɔmuanndan 16:4

Mí o yàándɔɔ cuiŋi ɲɛ va o taala kólaa ndɔɔ nin-ndo o peela bɛndulan a o peela leboltan, mí la siŋnun koovan.

Dɛnnda cɔɔmuanndan 6:13

mí loeon o halataala n deli o lɛŋnden coo maa mɛɛ hoeyii bɛnduei hiiluu voosu tumndo nuaa mì vooson cɛɛlun yɛ.

Dɛnnda cɔɔmuanndan 8:7

Mí mɛlɛkanɔ tasoo hɔŋ buloo. Mí loeon delian a yinnden le bingulan a koovan, mí ɲɛla lan la toal o lɛŋnden coo. Mí lɛŋnden piɔwvo kundalan tan yáá, o pilɛ ŋɔa, mí yɔmnde piɔwvo kundalan tan yáá, o pilɛ ŋɔa, mí bil oo bil ŋɔa.

Dɛnnda cɔɔmuanndan 9:1

Mí mɛlɛkanɔ ŋuɛɛnundɔɔ hɔŋ buloo, mí ca loei fulaa coocoo, mí i del o lɛŋnden coo. Mí kii soon yingilaa nɔ lamɛɛlu le-i yɔngun ndi.

Dɛnnda cɔɔmuanndan 9:15

Má timbi mɛlɛkaa hiɔɔlua kan. Le telen kon, paale len, paangii ken a le vɔsi kon nda va a bɛɛndiannda ni, haliko, vanndacieea piɔwvo kundalan tan yáá, a diw kundaa pilɔɔ.

Dɛnnda cɔɔmuanndan 9:18

A dɛnnda palaala yàála lan: yinnden, kumnde a fungu va fulaa soa kan o sondo-o, mí vanndacieea piɔwvo kundalan tan yáá, kundaa pilɛ cuu vu.

Masaa kialaa n'yamaa 15:11

O kon mí n'van vàála yaa o vanpiaandua Yuda tɛɛn a kɔa nɛɛ Samsɔn va o buululan nin o pow kpovaa Etam-nda. Má dimul ndu aa: «A sina lekɛ́ndɛi maa Filistia o ba bɛngu naa n co ni. Vɛ̀ɛ̀ o co dɛnɔɔ le n kɔ kondul naa nuaa le?» Mó mulul nda aa: «Ɲɛ nda Filistia tosal-la-o ya mingi ni.»