Dɛnnda cɔɔmuanndan 7:9 - BII BILA

⁹ O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Dɛnnda cɔɔmuanndan 7:9 Iomraidhean Croise

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Condii lisai 2:8

Ɲuna ya, mì yɔngu nɔm vanaa-mangalaa-isɔɔa kpede kɛ́ɔ, mì ke nɔm lɛŋnden háá o mɛɛlula ndɔlan, mì le va ɲɛ nɔm pɛ́-pɛ́.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

Condii lisai 76:4

Lon o yimi ɲɛm cɔwvon ni: kɔɔn, kɔ̀ɔ̀la cɔwlan a mɔɔn cɔwvon.

Condii lisai 77:2

«I co koŋullo Hala o lani le ya malaa, i co ndu cɛɛŋɔnndo o lani le ya diomndo tueyɔɔ.

Condii lisai 98:3

O loonun le kaola o kaola yungu Israɛl-lo, mó loonun kɛndɛi ndɔɛi. Vanaa co o lɛŋnden mɛɛlulan di-a ce cinda Hala naa.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Esekiɛl 47:5

Mó tuu vɛlɛ tiŋndo bandei dunndo vàá pilɛ, mí ca maa o ve lɛ pee pɔmbɔ yáà tiwba taŋɔɔ le, kani mɛnndan maa yingila taw, fɔ mì vanáà del nin a saanaa le man taŋɔɔ. O ve lɛ pee pɔmbɔ vanáà nɔla lɛ taŋɔɔ le.

Daniɛl 4:1

«Ya Nebukanɛsar, i vannun icali yili o ya lo cɛinin, i va a kɔlkɛndɔɔ o cɛi ni lemasaa nin.

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.

Tɔŋ lasálàá 23:40

Paale tasele len le tiiya pɛ, la cua komɔɔla kɛndɛ-kɛndɛlan, la kelu siɔ̀ɔ́la vawlan, lɛvun yɔmii bɛndu-bɛnduei a yɔmii pɔmbɔɛi vul mì i tosa bɔɔlan o peelan kɔngɔ-e, la viow kponyoo ya Mɛlɛka o hɔl palɛi ndii ŋɔmmɛw.

Sakari 10:8

I veelunin nda a hùíyé hɔŋndo, mì cuungiaa nda nɛɛ pilɛ. Kani i cii nda baŋa, a vangalanin vɛlɛ ma va sɛ́lɛ́ mɛɛ ndáà va paandu sɛ́lɛ́ yɛ.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Luke 12:1

O telen kon mí vannda taw a cuungian háá ma va nɛwvanndo. Mí Yeesu kandu sɔɛi o kaandeŋaa ndɔa lo, mó dimul nda aa: «La mandan a lɛvɛn Faliisia, sɔɔn muluanndon pɛɛn.

Luke 21:36

La lɔl te, la va piɛilen lɔ́ɔ́-lɔ́ɔ̀. O kon, mì la sɔla yoomuan le dɛnnda hun tosannin-ndan kpow biuvɔnndo, le simndan Po vanacieo o hɔl.»

Nsaŋ 12:13

mí nda kpow a bii siɔ̀ɔ́la vawlan o laba, má kɔa ndu bɔŋaa a yoondiaalan aa: «Biiloo co le Hala! Biiloo co le vana co hunɔɔ o diola Mɛlɛka lan-ndo, masa Israɛlla pɛɛn!»

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Efɛsea 6:13

Lelan, sunsun la cua ɲɛm cɔvun Hala-on kpow. O kon telen paale vɔɔnnden le tiiyanin-ndo, la tiwba yaamɔaa niaa simullo. Nduyɛ, lɔ́ɔ́ niaa cɔlɔbanin háá o mɛɛlulan-ndo, la muungunin mì la sim vɛlɛ yili o fonda niaa.

Hebreea 11:12

Lelan fuɲa-mama pilɔɔ, Abraham ndóò nɔla lɛ hoo hɔ́ɔ́ violɔɔ loo, mó vialu cuawva sɛ́lɛ́ bɛndoo maa loeon o halataala, te kon te maa siòònndon o mɛmma ihɛllan kɔngɔ, vana nɔla nda cɔm te.

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 22:3

Danga ve lɛnin te. Kpɛŋɛ lemasa Hala-o nda Saa téndóó vanin o kobio nin. Vanaa ndɔa baalaa biilunin ndu.

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

Dɛnnda cɔɔmuanndan 4:4

O kpɛŋɛ lemasa kon balɔɔ pindo, kpɛŋɛla lemasala celen la va bidiin a lahiɔɔlu, bɛndua yuuvɛiya va icali lenin a volɔɔla humbulan lekɔɔ, mɔsilta lemasala n'sianilan la va nda o lebol.

Dɛnnda cɔɔmuanndan 5:11

Mí tofa vɛlɛ, mí ca mɛlɛkaa vaalan a vaalan o kpɛŋɛ lemasaa balɔɔ pindo. Ɲaa yoomaa a bɛndua yuuvɛiya bɛɛ va lon.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Dɛnnda cɔɔmuanndan 6:11

Mí doma bɛndu humboo yɔngun vana-vana o nda tɛɛn, o kon má dimul nda maa a cum ɲɛ-pɔmbɔ, háá mi caaŋaa ndaa nda tosa baala pilɔɔ-a a puapilɛa ndaa nda va hunɔɔ diyɔɔ maa nda-a ndáà siow bɔŋa.

Dɛnnda cɔɔmuanndan 7:8

o polale Sabulɔn-nden coo vannda vaalan tɔ́ a latiɔn (12 000), o polale Yosɛf len coo vannda vaalan tɔ́ a latiɔn (12 000), o polale Bɛnyamɛn nden coo vannda vaalan tɔ́ a latiɔn (12 000). Haa nda hol pondalen ni.