Dɛnnda cɔɔmuanndan 7:4 - BII BILA

⁴ Má dimul-la mɛɛ vanaa nda pila pondale len-nda va sɛ́lɛ́ yɛ, vaalan kɛmɛ belehiɔɔlu a lahiɔɔlu (144 000) fulaa o polama cuawva Israɛl coo kpow.

Dɛnnda cɔɔmuanndan 7:4 Iomraidhean Croise

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

Fulaa 28:21

Mì diola poaa tɔ́ a à ŋiɔŋaa Israɛl-la la va lasialaa lecoo mɛɛ nda sial sɛvaa o powvo le ndu siinguuo tampɔnndo nuaa yɛ. Mì pow oo pow nɔ diola vana pilɛ o poaa tɔ́ a à ŋiɔŋaa Israɛl-laa kan tɛɛn.

Esekiɛl 47:13

Nuaa Maalii Hala dimi ni aa: «La tofa vɔ pɛɛngula lɛŋnden nden, le niaa piɔw nin polama tɔ́ a mamiɔmma Israɛlla tɛɛn-nden pɛɛn. Polale Yosɛf len le bɛnda mì le sɔla lɛŋnden bɛmbɛ lediin.

Esekiɛl 48:19

Vanaa vanin baalaa tosaa le kobio-a kpow fulanin o polama cuavaa Israɛlla nin, nda vanin ciɛɔn vàá a fonda kon ni.

Esekiɛl 48:31

Diola luɛyaala ndɔlan o kɛ́-kɛ̀ nɔnin diola polalen lepilɛ lasɛvaa lecoo. Diola luɛyaalan la vanin layàá, dioo pilɛ le polale Levii len.

Sakari 9:1

«Yoongu Mɛlɛka-o. Sɔɛi Mɛlɛka-e tiiya o lɛŋnde Hadrak len nin, i sim o kobio Damas coo. O co ko polama Israɛlla coo le Mɛlɛka nɔ hɔlten te, o nɔ vɛlɛ hɔlten vanndacieea kpow coo.

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Luke 14:22

Telen pum hiovɔɔ, mí buɛiyo hun dimul ndu aa: ‹Vana bɛndoo, sɔɔn cuu toosiaa mɛɛ n dimi yɛ, kɛ fondaa lo vɔ vɛlɛ.›

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Dɛnnda kiilaa 26:7

Vanaa fula o polama tɔ́ a mamiɔmma yungu naa nin-nda bɛɛ a nɔ tiindanndo maa Hala nda co kon biiloo idii a icɔl-lo co sɔɔn mun peelu. Ɛ̀ɛ̀ nduyɛ, masaa Akripa, le tiindan ya nɔ kon-ndo Yuifia co ya sɔɔn mun hɛɛnduuo coo nuaa ni.

Rɔmnda 9:27

Mí Esai bɛɛ yonda a Israɛl o kɔɔ aa: «Hali Israɛlla ndáà va bɛɛ sɛ́lɛ́ maa sióónde o mɛmma ihɛllan kɔngɔ nuaa, vanaa pilɛn-pilɛŋaa lonin-nda kínɛí sɔlanin cindaa ni.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Dɛnnda cɔɔmuanndan 14:1

Yáà tofaa, mí ca saa téndóó isisi o pembei Siɔn coo, vanaa ndáà nɔ diola saa téndóó a diola Fuɲa ndɔlan o n'tendu-a va ndu isisi ikɛi, a va vannda vaalan kɛmɛ belehiɔɔlu a lahiɔɔlu (144 000).

Dɛnnda cɔɔmuanndan 14:3

A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.

Dɛnnda cɔɔmuanndan 7:5

Vanaa nda hol pondalen-nda yɔŋnun haa ni: o polale Yuda len coo vannda vaalan tɔ́ a latiɔn (12 000), o polale Rubɛn nden coo vannda vaalan tɔ́ a latiɔn (12 000), o polale Kad len coo vannda vaalan tɔ́ a latiɔn (12 000),

Dɛnnda cɔɔmuanndan 9:16

Má cɔm ya mɛɛ vanaa cɔvaa va o soa coo-a va sɛ́lɛ́ yɛ, a va milionndan kɛmɛ lediin. Lende ya tuei mɛɛ nda va sɛ́lɛ́ yɛ ni.