Dɛnnda cɔɔmuanndan 7:3 - BII BILA

³ «La hol lɛŋnden baa le, la pilan mɛmma ihɛllan te, la yáà baa o yɔmnde le, háá mi n cii vanaa baalaa Hala naa pondalen sui o n'tendu.»

Dɛnnda cɔɔmuanndan 7:3 Iomraidhean Croise

Fulaa 12:13

Le niaa Israɛlla yɛ, kooma cɔlua niaa suunin o cɛilan-ndan ma vanin tɔɔmaseloo ni maa la co o cɛila lan nin. I ce pɛ kooma man, i hiow niaa coo. O kon, kpundɛ tɛɛmbua n'cuaw ya co kon tuisi Esiptea coo-o pilannin niaa le.

Fulaa 12:23

Mɛlɛka co hunɔɔ Esiptea yɛɛvɛ dɔvɔɔ, kɛ te o va pɛ hiovɔɔ mò ce koovan o koŋndo a o kèédei coo, o hiownun. O kon, kpundɛ kon tulnin niaa coo o cɛila niaalan nin te.

Esai 27:8

Ɛ-ɛ, o yɔŋnun lende le, kɛ tùúlen n bandìla nda ni, má toaw nda ma fula o lɛŋnde ndalen nin, má kɔandu nda o hoeyii fùkù-fùkùi fula a ba paalen le can-ndo-e nin.

Esai 54:17

Lelan, ɲɛ cɔw oo ɲɛ cɔw cɔwnun pɛ le nɔm delɔɔ coo, le nɔm dɛnɛ vɔɔndo tosallo, ɲɛ cɔw kon nɔnin mayoomu le kpeku oo kpeku soli le, vana-vana kɔɔsa pɛ a nɔm o fonda kialaa n'yamaa, a mulinin ndu kɔllo mò sina maa vana kɔlvesɛiyo o co ni. Lende kɛ́ vanaa baalaa Mɛlɛka-a co ni, lende dɛnɛ sandaa fula ya o ba le nda-o co ni, Mɛlɛka soo lende ni.»

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Esai 65:8

Nuaa Mɛlɛka dimi ni aa: «Te vana komal pɛ kpɔ̀nyɔ̀ n'rɛsɛn nɔ mɛnndan lenin taw-vo, mò dimi aa la tɛɛmbuu ndu le, kani tɔnɔɔ co lenin, lende koni ya bɛɛ tosanin le vanaa baalaa niaa ni, yɔŋii nda tɛɛmbuu nda kpede.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Daniɛl 3:26

Mí Nebukanɛsar sɔɔnguu o tóndó bɛndu leyinndo sondoo, mó veelu coocoo aa: «Sadrak! Mesak! Abɛd-Neko! Vanaa baalaa Hala-Hiow-Ɲɔɔn-kpow-vo-a, la fula mì la hin nanu!» O kon, mí Sadrak, Mesak a Abɛd-Neko a fula o yinnden nin.

Daniɛl 6:16

Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»

Sofoni 2:3

Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Matie 24:22

Te palɛi ken ndíì dɔɔnian te, vana-vana óò cindanin te. Kɛ le vanaa sɔla hɛlio-a, mí palɛi ken i dɔɔnian.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Nsaŋ 3:33

Vana-vana cɛl pɛ seile ndɔlen, ndu cɔm maa toɲaa Hala co ni,

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Dɛnnda cɔɔmuanndan 13:16

Mí visi tɔɔma kon baŋ vanndacieea kpow le sɛvaa pum nda handɔɔ o ba kɛndɔɔ te kon te o itendu: cuaambɔa a kaasonnda, vanaa bolofaa a vanaa bala fondoa, vanaa co o ba ndaa coo-a a cɛa,

Dɛnnda cɔɔmuanndan 13:17

o kon vana-vana pindu ɲɛ le, vana-vana pisi ɲɛ le, te o co mò nɔ tɔɔmasele kon te, diola visi kon, te kon te sɛva velan a diola ndɔlan-ndo le.

Dɛnnda cɔɔmuanndan 14:1

Yáà tofaa, mí ca saa téndóó isisi o pembei Siɔn coo, vanaa ndáà nɔ diola saa téndóó a diola Fuɲa ndɔlan o n'tendu-a va ndu isisi ikɛi, a va vannda vaalan kɛmɛ belehiɔɔlu a lahiɔɔlu (144 000).

Dɛnnda cɔɔmuanndan 14:9

Mí mɛlɛkanɔ celen, o yàándɔ hin o kan kɔɔli-o hiaw laci a dimio coocoo aa: «Vana-vana baŋ pɛ vulan visio ho a tuula ndɔɔ o labɛngunin, mò sɔla pondale ndɔlen o itendu te kon te o ba,

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 22:4

A canin ndu hɔlla, diola ndɔlan la vanin la lasɛvaa nda o n'tendu.

Dɛnnda cɔɔmuanndan 6:6

Mí tuɛi diomndo pum ɲaa yoomaa hiɔɔlua tɛɛn, mó dimi aa: «Maalon panio ca le sala vali paale pilɔɔ, ɔrse panio leyàá le sala vali paale pilɔɔ, cuɛiyan a mɔiyan man, pilan man te.»

Dɛnnda cɔɔmuanndan 7:1

O ken kɔɔli, mí ca mɛlɛkaa nda hiɔɔlu isisi o kpengun hiɔɔlun ceendo. Hoyun hiɔɔlun ceendo va n biyaa nda o ba, haliko hoeyii ndíì hɔŋ o lɛŋnden coo, o mɛmma ihɛllan coo a o yɔm oo yɔm coo le.

Dɛnnda cɔɔmuanndan 7:2

Mí ca vɛlɛ mɛlɛkanɔ celen helɔɔ a ba paalen le can-ndo, pondale Hala nɔ yoomoo o ba len le va ndu o ba. Mó yonda coocoo, mó dimul mɛlɛkaa hiɔɔlua ndáà dimul le lɛŋnden a mɛmma ihɛllan dɛnɛ palaa tuisio coo-a aa:

Dɛnnda cɔɔmuanndan 9:4

Mí i dimulun sóónɔa kan maa a pilan bil oo bil co o lɛŋnden coo le, a pilan yondo puiyaa le, a pilan yɔm oo yɔm co o lɛŋnden coo le, kɛ vanndacieea nɔ pondale Hala len o itendu le-a kínɛí nda del coo ni.