Dɛnnda cɔɔmuanndan 7:10 - BII BILA

¹⁰ A va yondaa coocoo kpélén aa: «Le Hala naa co icali o kpɛŋɛ lemasaa nin-ndo a le Saa téndóó cindaa co ni.»

Dɛnnda cɔɔmuanndan 7:10 Iomraidhean Croise

Condii lisai 115:1

Éé Mɛlɛka! O co naa le, o co naa le biiloo bɛnda le, kɛ nɔm pilɛ kpé, le kaola nɔmndo a le kɛndɛi nɔmnde.

Condii lisai 3:8

Cɔn Mɛlɛka! Ciindiaa ya, Hala nuu! Kani nɔm lɔaa yaamɔaa nia kpaŋndon ni, nɔm yimì vanaa kɔlvesɛiya ciŋndon ni.

Condii lisai 37:39

Mɛlɛka o ba cinda vanaa sandaa fula ni. Ndu co fonda mayoomu ndaa o telen dɛnɛ palaa nin ni.

Esai 43:11

Ya ni, ya co Mɛlɛka ni, o ya kɔɔli, vana ciindiaa celen co le.

Esai 45:15

Éé Hala, lekɛ́ndɛi Hala vianunnun-ndo n co ni. Hala Israɛlla a vana ciindiaa n co ni!

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Yeremi 3:23

A toɲa, fondo fúú koni naa n del sooluula fondolan kɔɔli o pembon coo ni. Kɛ Mɛlɛka Hala naa o ba cinda Israɛlla co ni.

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Yonas 2:9

Vanaa co piɔmaa fondoa sooloo-a, a nɔ dí le cindaa sɔla le.

Sakari 4:7

‹Nɔm pembii bɛnduei he, yɛɛ nɛ n co yɛ Sorobabɛl o hɔl? O co nɔm pesi mà siŋnun dɛngbɔɔ. O handunin pow lebollo o vɔkɔ-vɔkɔ biilaa nin, mì vannda va dimio aa: Biiloo co le powvo ho! Biiloo co le ndu!›

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Luke 3:6

O kon, vannda kpow a canin cinda Hala-o.›»

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Nsaŋ 1:36

mó ca Yeesu hiovɔɔ, mó dimi aa: «Má cè Saa téndé Hala-o!»

Nsaŋ 4:22

Ɲɛ niaa sina loo niaa co biiloo ni, naa naa yɛ, ɲɛ naa n sina-o naa n co biiloo ni. Kani Hala Yuifia o ba cindaa fula ni.

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

Dɛnnda cɔɔmuanndan 22:3

Danga ve lɛnin te. Kpɛŋɛ lemasa Hala-o nda Saa téndóó vanin o kobio nin. Vanaa ndɔa baalaa biilunin ndu.

Dɛnnda cɔɔmuanndan 4:6

Ɲɔɔ va o kpɛŋɛ lemasa kalaa laci o kɔannan tɛngɛ̀-tɛngɛ̀ maa mɛmma bɛndu, o va ŋɛlɛngi-ŋɛlɛngi maa kristal. Ɲaa yoomaa va o kpɛŋɛ lemasa kalaa tɛɛn a o balɔɔ nda hiɔɔlu, ndáà nɔ hɔltan taw-taw nda laci a o mundu.

Dɛnnda cɔɔmuanndan 5:7

Mí Saa téndé kon sɔɔnguu, mó bii vana va icali o kpɛŋɛ lemasaa nin-ndo sɛbɛ kon o ba kɛndɔɔ.