Dɛnnda cɔɔmuanndan 6:2 - BII BILA

² Mí tofa, mí ca so humboo. Kpaasiaa va vana va lecoo-o o ba, mí mɔsil lemasaa kennun ndu, mó kɔa maa vana tiw ba-o le nɔlaa.

Dɛnnda cɔɔmuanndan 6:2 Iomraidhean Croise

Condii lisai 110:2

Mɛlɛka tondunin masale nɔmnden cɔnɔnndo Siɔn, a tosanin masalen yaamɔaa nɔmaa balu nɔm-nda coo.

Condii lisai 76:7

Mɛɛ nɔm Hala Yakɔb-o deŋul nda, mí vanaa ɲaanun o soa coo-a a soa ndaa kan a deli lɛŋ lɛ́ɛ́siɛn.

Condii lisai 98:1

La solul Mɛlɛka condun sɛnɛiyon, kani o tosá dɛnnda kaamaalan a kpaayaa ndɔɔ a á halayɛi ndɔɛi.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Sakari 1:8

«Cɛi icɔl, mí ca vundulen. Langbanɔɔ pum va icali o so siaŋaa coo, o va o yɔmii pɔmbɔɛi tɛɛn o kpolonndo nin, soa siaŋaa, soa pulpulla a soa humbua va isisi ndu kɔɔli.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

1Korɛntea 15:25

Kani mɛɛ mò tosa masalen háá mò nɛw yaamɔaa ndɔa a n'pelu.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Dɛnnda cɔɔmuanndan 14:14

Yáà tofaa, mí ca yumbuyumbu humboo, vanndo va icali o yumbuyumbu kon coo, velanndo ndu a Po vanacieo. Ndóò nɔ mɔsil lemasaa n'sianio o lebol, vɔlɔtɔ luɛyaa va ndu o ba.

Dɛnnda cɔɔmuanndan 15:2

Mí ca ɲɔɔ maa tofan, o kɔannan kɛ́-kɛ̀ maa mɛmma ihɛl. O va o muulianndo a yinnden. Vanaa nɔla visio, tuula ndɔɔ a nimolo ndɔɔ-a va isisi o tofan kon coo. Bangala Hala ndóò yɔngu nda lan la va nda o laba.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 19:14

Mí kundala vanaa cɔvaa co o halataala-a va ndu kɔlan kɔɔli o soa humbua coo, volɔɔla toosian a kola keese humbu fɛtufɛtu diandaa lan la va nda lekɔɔ.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Dɛnnda cɔɔmuanndan 9:7

Vanaa ce pɛ sóónɔa kalaa aa soa nda dovi le cɔwvo-a ni. Ɲɛlan lapum la va nda o lebol, velanndo a mɔsilta lemasala toosian a sianion-ndan. Hɔlla va nda maa hɔlaa vanaciee.