Dɛnnda cɔɔmuanndan 5:12 - BII BILA

¹² A va dimio coocoo aa: «Saa téndé nda kelu bololan-ndo bɛnda mò sɔla kpaayaa, bolofaa, kɔlkaloo, yoomuan, bɛɛlen, biiloo a sangalaa.»

Dɛnnda cɔɔmuanndan 5:12 Iomraidhean Croise

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Dɛnnda cɔɔmuanndan 5:13

Mí tuɛi ɲɛm cɔwnun-ndon diomndan solio, mun o halataala, mun o lɛŋnden coo, mun o lɛŋnden bɛngu, mun o mɛmma ihɛllan nin a ɲɛ-ɲɛ co o fondala lan, mí n va dimio aa: «Le vana co icali o kpɛŋɛ lemasaa nin-ndo a le Saa téndóó, sangalaa, bɛɛlen, biiloo a masalen le co le fɛɛn a fɛɛn ni.»

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Dɛnnda cɔɔmuanndan 6:1

Mí mɛɛndan, telen Saa téndóó va tɔɔmasele tasoo kumbio-o, mí tuɛi ɲaa yoomaa kan o pilɛ deŋio a diomndo maa diom letaŋ aa: «Hun!»

Dɛnnda cɔɔmuanndan 7:12

má va dimio aa: «Amiina! Sangalaa, biiloo, kɔlkaloo, balikaa, bɛɛlen, kpaayaa a yoomuan ma co le Hala naa le fɛɛn a le fɛɛn! Amiina.»