Dɛnnda cɔɔmuanndan 4:9 - BII BILA

⁹ Telen oo telen ɲaa yoomaa kan va pɛ vana co icali o kpɛŋɛ lemasaa coo-o, o co kon yoomu le fɛɛn a fɛɛn-ndo biiloo, ma va ndu bɛɛlen keo a ndu balikaa mello,

Dɛnnda cɔɔmuanndan 4:9 Iomraidhean Croise

Condii lisai 47:8

Kani Hala co masaa o lɛŋnden kpow coo ni. La solul ndu condon, la condu!

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

Fulaa 15:18

Mɛlɛka co masaa le fɛɛn a fɛɛn ni.»

Esai 6:1

Vɔsi masaa Osias vi-o, mí ca Maalii icali o kpɛŋɛ lemasa vilɛi-vilɛiyo coo. Mí bɔɔla doma ndɔ bɛndoo la pia o Cɛi-Hala-o nin ca.

Daniɛl 12:7

Mí langbanɔ va kon a kola keesoo lekɔɔ-o heelu balan coo, mó mɛnan o diola Vana co yoomu le fɛɛn a fɛɛn-ndo lan, mó dimi aa: ‹Dɛnndan-ndan la viawnin háá le vɔsilan tan yáá a tálá. Lɔ́ɔ́ kpaaya vanaa diandaa cuunin itambu-o, la cuunin ni.›

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Tɔŋ miingua 32:40

Kani i heelu baa coo mí mɛnan, mí dimi aa i co yoomu le fɛɛn a fɛɛn.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Hebreea 7:8

Vanaa-solia-lasálàá vannda ke kan o-tɔ́ndɔɔ-a, vanndacieea daama nda co ni, paale vanin mà vi. Mɛlkisedɛk bɛɛ sɔla o-tɔ́ndɔɔ o ɲɛm kɛndɔn nin, kɛ ndu, o co yoomu le fɛɛn a fɛɛn, maa mɛɛ o co o sɛvaa yɛ.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Dɛnnda cɔɔmuanndan 10:6

mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,

Dɛnnda cɔɔmuanndan 15:7

Mí o pilɛ o ɲaa yoomaa hiɔɔlua tɛɛn yɔngu mɛlɛkaa ŋɔmmɛvaa kan taalala kólaala n'sianilan laŋɔmmɛw, la va lapiaalan cá-cá a kɔltuw Hala co yoomu le fɛɛn a fɛɛn-ndo.

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

Dɛnnda cɔɔmuanndan 4:2

Fɔ́ɔ́fɔ̀, mí Kɔl-Diandaa cua ya. Kpɛŋɛ lemasaa va o halataala, vanndo va icali o kpɛŋɛ kalaa nin.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

Dɛnnda cɔɔmuanndan 5:1

O kon kɔɔli, mí ca vana va icali o kpɛŋɛ lemasaa coo-o sɛbɔɔ pum o ba kɛndɔɔ, sɛbɛ kalaa va o sɛvaa lenin a o kɔɔ, o va o kindaa a tɔɔmaselelan tan ŋɔmmɛw.

Dɛnnda cɔɔmuanndan 6:16

Ma va pembon a powta kpovalan dimullo aa: «La del naa coo mì la ven naa, haliko vana co icali o kpɛŋɛ lemasaa nin-ndo ca naa le, kɔltuw Saa téndóó komal naa le.

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.