Dɛnnda cɔɔmuanndan 4:6 - BII BILA

⁶ Ɲɔɔ va o kpɛŋɛ lemasa kalaa laci o kɔannan tɛngɛ̀-tɛngɛ̀ maa mɛmma bɛndu, o va ŋɛlɛngi-ŋɛlɛngi maa kristal. Ɲaa yoomaa va o kpɛŋɛ lemasa kalaa tɛɛn a o balɔɔ nda hiɔɔlu, ndáà nɔ hɔltan taw-taw nda laci a o mundu.

Dɛnnda cɔɔmuanndan 4:6 Iomraidhean Croise

1Masaa 7:23

Mí Hiram teengiaa daɲan, mó cɔaw fɛngɛ bɛndu tiilanndo. Fɛngɛ kon va tongei dunndo tɔ́, helɔɔ dunndo leŋuɛɛnu, yoole pindo-pindo ndɔɔ le va dunndo beleyaa.

SƐBƐ YƆB-O 28:17

Vana tuu kɔlkaloo a sianion, te kon te a tofanndo le, vana singa ndu hali a sianin sɔvɛ-sɔvɛɔn te, n va bɛɛ kpángàá ca.

Fulaa 38:8

Mó toosiaa fɛngɛ bɛndu n'daɲaa a ɲɛ fɛngɛ kon kɛsi tumndo nin-ndo. A tofannda vanlaandua vá baala ndaa tosaa o cɛi-kola-toandaa-labɔɔŋianndo sondoo-a o toosiaa ndu ni.

Esekiɛl 10:12

Kɔɔle mɛlɛkaa kan kpow le va lepiaalen a hɔltan ba-ba fee, kandɔɔ a kɔɔla ndalan, bala ndalan a kumbannda ndalan kpede. Hali o bɛngula tiilannda ndalan. Bɛngula tiilannda ndalan tan hiɔɔlu kpede hɔltan la va lon.

Esekiɛl 10:14

Ɲaa yoomaa hiɔɔlua kan o kɛ́-kɛ̀ ndóò nɔ hɔlla a hiɔɔlu, hɔlaa tasea va maa hɔlaa mɛlɛkanɔ kanda ɲɛm Hala-on-ndo, hɔlaa diinndɔa maa hɔlaa vanaciee, hɔlaa yàándɔa va maa hɔlaa yàlà, hɔlaa hiɔlundɔa maa hɔlaa kovɛ.

Dɛnnda cɔɔmuanndan 14:3

A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.

Dɛnnda cɔɔmuanndan 15:2

Mí ca ɲɔɔ maa tofan, o kɔannan kɛ́-kɛ̀ maa mɛmma ihɛl. O va o muulianndo a yinnden. Vanaa nɔla visio, tuula ndɔɔ a nimolo ndɔɔ-a va isisi o tofan kon coo. Bangala Hala ndóò yɔngu nda lan la va nda o laba.

Dɛnnda cɔɔmuanndan 15:7

Mí o pilɛ o ɲaa yoomaa hiɔɔlua tɛɛn yɔngu mɛlɛkaa ŋɔmmɛvaa kan taalala kólaala n'sianilan laŋɔmmɛw, la va lapiaalan cá-cá a kɔltuw Hala co yoomu le fɛɛn a fɛɛn-ndo.

Dɛnnda cɔɔmuanndan 19:4

Mí bɛndua yuuvɛiyaa bidiin a à hiɔɔlua a ɲaa yoomaa hiɔɔlua baŋ vulan, má biilu Hala, o co icali o kpɛŋɛ lemasaa ndɔɔ nin-ndo, má dimi aa: «Amiina! Halelu-ya!»

Dɛnnda cɔɔmuanndan 21:11

O va volio a biilu Hala-o, o va volio vanáà ca ko aa pow báà kala bɛndoo ni, yaspe, o co maa tofan-ndo.

Dɛnnda cɔɔmuanndan 21:18

A pow yaspe ndáà cɔw kpaki kalaa ni, kobio ndu, a sianin diandan, vanaa ce ndu pɛ aa siani diandaa ni.

Dɛnnda cɔɔmuanndan 21:21

Diola luɛyaala tɔ́ a latiɔnndan la va yɔɔvala baala kalala tɔ́ a latiɔnndan ni. Falii kobi kalaa ndi, a sianin diandan i va ni, maa tofan vana tofa ma ce lekɔɔli-o.

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Dɛnnda cɔɔmuanndan 4:4

O kpɛŋɛ lemasa kon balɔɔ pindo, kpɛŋɛla lemasala celen la va bidiin a lahiɔɔlu, bɛndua yuuvɛiya va icali lenin a volɔɔla humbulan lekɔɔ, mɔsilta lemasala n'sianilan la va nda o lebol.

Dɛnnda cɔɔmuanndan 5:11

Mí tofa vɛlɛ, mí ca mɛlɛkaa vaalan a vaalan o kpɛŋɛ lemasaa balɔɔ pindo. Ɲaa yoomaa a bɛndua yuuvɛiya bɛɛ va lon.

Dɛnnda cɔɔmuanndan 5:14

Mí ɲaa yooma hiɔɔlua va cɛlɔɔ aa: «Amiina!» Mí bɛndua yuuvɛiya va vulan baŋɔɔ, má va ndu biiloo.

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Dɛnnda cɔɔmuanndan 6:1

Mí mɛɛndan, telen Saa téndóó va tɔɔmasele tasoo kumbio-o, mí tuɛi ɲaa yoomaa kan o pilɛ deŋio a diomndo maa diom letaŋ aa: «Hun!»

Dɛnnda cɔɔmuanndan 6:6

Mí tuɛi diomndo pum ɲaa yoomaa hiɔɔlua tɛɛn, mó dimi aa: «Maalon panio ca le sala vali paale pilɔɔ, ɔrse panio leyàá le sala vali paale pilɔɔ, cuɛiyan a mɔiyan man, pilan man te.»

Dɛnnda cɔɔmuanndan 7:11

Mí mɛlɛkaa kpow a sim o kpɛŋɛ lemasaa balɔɔ pindo, mí bɛndua yuuvɛiya a ɲaa yoomaa hiɔɔlua del a hɔlla a kuumbua lɛŋ o kpɛŋɛ lemasaa hɔl-ndɔ, ma va Hala biiloo,

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»