Dɛnnda cɔɔmuanndan 4:5 - BII BILA

⁵ Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 4:5 Iomraidhean Croise

O Kandɔɔ 15:7

Mó dimul ndu aa: «Ya co Mɛlɛka ni, ya faŋa nɔm o cieo Ur nin o lɛŋnde Kaldee len nin le nɔm lɛŋnden nden yɔngoo ɲɛ nɔm ni.»

2Dɛnnda lemasalan 4:20

ɲɛla-kɛsiaa-lafitinalan a fitinala ndɔla cɔwnun a sianin diandan-ndan, lan ndáà mɛndul o Fonda Diandaa-Diandaa hɔl-ndɔ mɛɛ o va o sɛvan yɛ ni,

Condii lisai 68:35

La sina kpaaya Hala-o, ndu nɔ masalen Israɛlla coo ni. Kpaaya ndɔɔ hiow halataalaa helɔɔ.

Fulaa 19:16

Mɛɛ paale yàándɔle len le tiiya, idiiyo púŋ, mí taŋndan ma kandu deŋio, mí piɔɔ kandu volio iŋuanndi-ŋuanndiei, mí kumii tiŋii bɛndu-bɛnduei kumbu pembii ken mɔku-mɔku. Mí diom bulu bɛndoo soaa, mí siòònde bii vanaa va o dɔ́ɔ́ngɔ́ɔ̀ nin-nda kpow, háá má ɲiiya.

Fulaa 20:18

Vannda kpow a va diom mataŋndo a diom bulu bɛndoo tueyɔɔ, a va piɔɔ cɔu volio iŋuanndi-ŋuanndiei a kumii bɛndu-bɛndui kumbu pembii ken mɔku-mɔku-e. Mɛɛ nda ce lende, má ɲiiya a siòònde, má sim kɔɔli-kɔɔli.

Fulaa 25:37

Ma cɔw vɛlɛ fitinalan tan ŋɔmmɛw, ma kɛsi lan o hɛngɛila tɛsɛkɛɛla toosian le fitinalan kɛsio lecoo lan coo, haliko mi ɲɔɔ va o tengaa laci.

Fulaa 37:23

Mó cua sianin diandan, mó cɔaw vɛlɛ fitinalan laŋɔmmɛw, a kpaɲala ndɔlan a bombola kɔandaa lapulta ndɔlan a mun.

Esekiɛl 1:13

Vanáà ca ko ɲaa yoomaa kan aa dɛngulta biyaala sɔngɔɲɔnndan ni, vanáà ca nda ko aa tɛngɛla leyinndan ni. Yinnde len le va hiŋnɔnndo nda tɛɛn, le va pangeloo tiwvo kpede, le va volio ŋuanndi-ŋuanndi.

Sakari 4:2

Mó ɲuna ya aa: ‹Yɛɛ nɛ n co yɛ cɔu?› Mí muli aa: ‹Ɲɛ kɛsiaa lafitina cɔwnun kpow a sianion-ndo ya co cɔu ni. Kpufɔɔ co o bolle ndɔlen coo déŋ. Fitinalan la co lecoo tan ŋɔmmɛw a kolikolima cuɛiyan ma kei nin-ndan man ŋɔmmɛw, le fitinala co lan lecoo lan.

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Dɛnnda kiilaa 2:3

O kon má ca ɲɔɔ pum maa diɛɛmui leyin. Mí diɛɛmui ken i piɔvan, mí i cal vana-vana coo.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Dɛnnda cɔɔmuanndan 10:3

Mó va yondaa coocoo kpélén maa mɛɛ yàlà va kuuliaa. Ndóò yondaa, mí taŋndan ma deŋi man ŋɔmmɛw.

Dɛnnda cɔɔmuanndan 11:19

Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Dɛnnda cɔɔmuanndan 8:5

O kon mí mɛlɛkanɔɔ cua bonyii fuusɛi ken, mó pei ndi a yinnde o cua o fonda-loamaa-lasálàá len, mó viaw lɛŋ. Mí taŋndan ma piɔndi, mí diomndan la soaa. Mí piɔɔ voli, mí lɛŋnden le ɲiiya.