Dɛnnda cɔɔmuanndan 4:11 - BII BILA

¹¹ «Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Dɛnnda cɔɔmuanndan 4:11 Iomraidhean Croise

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

2Samiɛl 22:4

Biiloo co le Mɛlɛka! I ɲuna pɛ dɔ́ɔ́ ndu le ya malaa, o baŋa ya yaamɔaa nia o ba.

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

SƐBƐ YƆB-O 36:3

I hin a sinapɛngu nuu le vanaa co o lɛŋii leville nin-nda, i ke Hala, vana toosiaa ya-o dí.

Condii lisai 18:3

Mɛlɛka co pow kpova nuu ni, kpaki nuu a vana baŋaa nuu. Hala co pow kpova nuu ni, nɛɛ ya viannun-nda! Ndu co kɔ̀ɔ̀ cɔw nuu a kpaaya co ya ciindiaa-o ni, ndu co fonda mayoomu ya viannun nin-ndo ni.

Condii lisai 68:34

La solul Ó co kelaa lɔ́ɔ́-lɔ́ɔ̀ o halataala kabi masindɛ-o condon. Tofa vɔ, o co diomnde solio, o co deŋio coocoo kpélén a diom ndɔ kpaayaa.

Fulaa 20:11

Kani o palɛi ndii ŋɔmpum bɛngu, mí Mɛlɛka cɔaw halataalaa, lɛŋnden, mɛmma ihɛllan a ɲɛm co lenin-ndon kpow, kɛ o paale ŋɔmmɛwndɔlen coo, mó pɛngi. Lelan ndu Mɛlɛka dɔw paale pɛngiaale len duaa ni mó dindi len.

Talelan 16:4

Mɛlɛka toosiaa ɲɛ-ɲɛ fee a kɔlɔ. Hali vanaa kɔlvesɛiya, o toosiaa nda le paale dɛnɛ palaalen.

Esai 40:26

La heelu vɔ hɔlla mì la tofa coocoo! Nɛ̀ɛ́-nɛ̀ cɔw yɛ ɲɛm mun? Ndu co tosaa ni mì n va kɔlan o polalen, o co mun veeloo, ɲɛ kɛ́-kɛ̀ a diola ndɔlan. Le kpaaya ndɔ bɛndoo a le yoomuma ndɔan, ɲɛ-ɲɛ co lo kɔɔli le.

Esai 40:28

La sina vɔ a ndi o kɔɔ le? La tui-yɔ a ndi o kɔɔ le? Mɛlɛka, Hala fɛɛn a fɛɛn-ndo cɔw mɛɛlula lelɛŋndan ni, o sanga le, o bumbulan te, vana-vana nɔla dɛnɛ ndɔ sinaa yaasiaa le.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Dɛnnda kiilaa 17:24

Hala cɔw lɛŋnden a ɲɛm co lenin-ndon kpow-vo, ndu co Vana bɛndoo o halataalaa a o lɛŋnden coo ni, o cel o cɛila-halala vanndacieea cɔw lan nin te.

Rɔmnda 11:36

Kani ndu o ba ɲɛ-ɲɛ fula ni, ndu toosiaa ɲɛ-ɲɛ ni, le ndu ɲɛ-ɲɛ co ni. Biiloo co le ndu le fɛɛn a fɛɛn! Amiina.

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Hebreea 1:10

Mó dimi vɛlɛ aa: «Mɛlɛka, nɔm cɔw sindɛ lɛŋnden ni, nɔm koni toosiaa halataalaa a bala nɔmndan ni.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Dɛnnda cɔɔmuanndan 10:6

mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

Dɛnnda cɔɔmuanndan 5:12

A va dimio coocoo aa: «Saa téndé nda kelu bololan-ndo bɛnda mò sɔla kpaayaa, bolofaa, kɔlkaloo, yoomuan, bɛɛlen, biiloo a sangalaa.»

Dɛnnda cɔɔmuanndan 5:2

O kon mí ca mɛlɛkanɔ kpaayaa pum yondaa coocoo kpélén aa: «Nɛ̀ɛ́ co yɛ vana kon, o bɛnda mò tɛɛmbuu tɔɔmaselelan ndan, mò kumbi sɛbɔɔ ho-o?»

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,