Dɛnnda cɔɔmuanndan 4:10 - BII BILA

¹⁰ bɛndua yuuvɛiyaa bidiin a à hiɔɔlua baŋ vulan vana co icali o kpɛŋɛ lemasaa nin-ndo o labɛngunin, a biilu vana co yoomu le fɛɛn a fɛɛn-ndo, o kon a vuu mɔsilta ndala lemasalan o kpɛŋɛ lemasaa hɔl-ndɔ a dimio aa:

Dɛnnda cɔɔmuanndan 4:10 Iomraidhean Croise

1Dɛnnda lemasalan 29:20

O kon mí David dimul vannda kpow aa: «La mel Mɛlɛka, Hala niaa balika.» Mí nda kpow mel Mɛlɛka, Hala fuɲaa ndaa mamaa balika. Má tundun háá lɛŋ, Mɛlɛka a masaa o hɔl.

2Dɛnnda lemasalan 7:3

Mí Israɛlaa va lon-nda kpow a ca yinnden a biilu Mɛlɛka-o tolɔɔ o Cɛi-Hala-o coo, má baŋ vulan lɛŋ o fonda nda yikpa a lasoo-o coo, má tundun lɛŋ, má biilu Mɛlɛka, má dimi aa: «Éé Mɛlɛka naŋ! Kani kɛndɛi ndɔɛi cuu le lɔ́ɔ́-lɔ́ɔ̀ le.»

SƐBƐ YƆB-O 1:20

Yɔb ciiyo sɔɔn mun tueyɔɔ kpede, mó can tangban, mó sɛɛsiaa doma ndɔ bɛndoo ndu lekɔɔ, mó sendi tembello. O kon kɔɔli, mó del lɛŋ, mó baŋ vulan,

Condii lisai 115:1

Éé Mɛlɛka! O co naa le, o co naa le biiloo bɛnda le, kɛ nɔm pilɛ kpé, le kaola nɔmndo a le kɛndɛi nɔmnde.

Condii lisai 47:8

Kani Hala co masaa o lɛŋnden kpow coo ni. La solul ndu condon, la condu!

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

Condii lisai 95:6

La luɛi mì n tundun, mì n piɛinun, mì n baŋnun vulan Mɛlɛka cɔw naa-o o labɛngunin.

Esai 6:1

Vɔsi masaa Osias vi-o, mí ca Maalii icali o kpɛŋɛ lemasa vilɛi-vilɛiyo coo. Mí bɔɔla doma ndɔ bɛndoo la pia o Cɛi-Hala-o nin ca.

Daniɛl 12:7

Mí langbanɔ va kon a kola keesoo lekɔɔ-o heelu balan coo, mó mɛnan o diola Vana co yoomu le fɛɛn a fɛɛn-ndo lan, mó dimi aa: ‹Dɛnndan-ndan la viawnin háá le vɔsilan tan yáá a tálá. Lɔ́ɔ́ kpaaya vanaa diandaa cuunin itambu-o, la cuunin ni.›

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Matie 2:11

Má luɛi cɛinin, má ca cɛlɛkpɔɔ nda Mari kala ndɔ, má baŋ vulan, má biilu ndu. O kon kɔɔli, má kumbi volɔɔla ndalan, má ke ndu ɲɛm ndáà yoo ndu-on: sianion, ansan a mir.

Luke 24:52

Telen nda cii Yeesu biilu-o, má muungu Yerusalɛm a ɲaale bɛndoo.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Tɔŋ miingua 32:40

Kani i heelu baa coo mí mɛnan, mí dimi aa i co yoomu le fɛɛn a fɛɛn.

Dɛnnda cɔɔmuanndan 10:6

mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,

Dɛnnda cɔɔmuanndan 11:16

Mí bɛndua yuuvɛiyaa bidiin a à hiɔɔlua va icali Hala o hɔl o kpɛŋɛla ndala lemalan coo-a del a kuumbuan, má va Hala biiloo.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Dɛnnda cɔɔmuanndan 15:7

Mí o pilɛ o ɲaa yoomaa hiɔɔlua tɛɛn yɔngu mɛlɛkaa ŋɔmmɛvaa kan taalala kólaala n'sianilan laŋɔmmɛw, la va lapiaalan cá-cá a kɔltuw Hala co yoomu le fɛɛn a fɛɛn-ndo.

Dɛnnda cɔɔmuanndan 19:4

Mí bɛndua yuuvɛiyaa bidiin a à hiɔɔlua a ɲaa yoomaa hiɔɔlua baŋ vulan, má biilu Hala, o co icali o kpɛŋɛ lemasaa ndɔɔ nin-ndo, má dimi aa: «Amiina! Halelu-ya!»

Dɛnnda cɔɔmuanndan 4:2

Fɔ́ɔ́fɔ̀, mí Kɔl-Diandaa cua ya. Kpɛŋɛ lemasaa va o halataala, vanndo va icali o kpɛŋɛ kalaa nin.

Dɛnnda cɔɔmuanndan 4:4

O kpɛŋɛ lemasa kon balɔɔ pindo, kpɛŋɛla lemasala celen la va bidiin a lahiɔɔlu, bɛndua yuuvɛiya va icali lenin a volɔɔla humbulan lekɔɔ, mɔsilta lemasala n'sianilan la va nda o lebol.

Dɛnnda cɔɔmuanndan 4:9

Telen oo telen ɲaa yoomaa kan va pɛ vana co icali o kpɛŋɛ lemasaa coo-o, o co kon yoomu le fɛɛn a fɛɛn-ndo biiloo, ma va ndu bɛɛlen keo a ndu balikaa mello,

Dɛnnda cɔɔmuanndan 5:14

Mí ɲaa yooma hiɔɔlua va cɛlɔɔ aa: «Amiina!» Mí bɛndua yuuvɛiya va vulan baŋɔɔ, má va ndu biiloo.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Dɛnnda cɔɔmuanndan 7:11

Mí mɛlɛkaa kpow a sim o kpɛŋɛ lemasaa balɔɔ pindo, mí bɛndua yuuvɛiya a ɲaa yoomaa hiɔɔlua del a hɔlla a kuumbua lɛŋ o kpɛŋɛ lemasaa hɔl-ndɔ, ma va Hala biiloo,