Dɛnnda cɔɔmuanndan 3:2 - BII BILA

² Mɛɛndian, luei ɲɛ tɔ̀ lo nɔm o ba-o yoomuan, yɔŋii kon bɛɛ siow vu. Kani i ci dɛnnda nɔmndan la peelan Hala nuu o hɔl te.

Dɛnnda cɔɔmuanndan 3:2 Iomraidhean Croise

1Masaa 11:4

Tuma o yuuva-o, mí laandaa ndɔa kan mingi ndu kɔllo o halaa celennda sooloo. Lelan, o tiw lɛ ba le Mɛlɛka Hala ndɔɔ kaolaa a kɔl ndɔɔ kpow mɛɛ David fuɲa ndɔ ndóò tosa yɛ le.

1Masaa 15:3

Mí ndu bɛɛ tuula fuɲa ndɔ, mó tosa hakila fuɲa ndɔ tosa lɔ́ɔ́ kon-ndan. Kɔl ndɔɔ ve Mɛlɛka Hala ndɔɔ coo kpow mɛɛ David fuɲa ndɔ mamaa ndóò yɔngu Mɛlɛka kɔl ndɔɔ kpow yɛ le.

2Dɛnnda lemasalan 25:2

Mó tosa ɲɛ bɛnda Mɛlɛka o hɔl-lo, kɛ o ve a kɔl ndɔɔ kpow le.

SƐBƐ YƆB-O 16:5

I va niaa yoomuan luei a sɔɔn va fula ya o sondo-on, Ɲɛ va fula ya o n'cɔcɔ-o va sanga niaa dɔɔniàà.

Esai 35:3

Lelan, la luei bala sanga lan yoomuan, la mala vula co ɲiiyaa lan mì la simul.

Esai 56:10

Kpalilaa cumulaa Israɛl, vanaa sumɛiya nda kpow co ni, a bii ɲɛ-ɲɛ bila le. Tunaa boboa kposon nda kpede co ni, a nɔla busɔɔ le, yiyannda lasiɛilan tuŋ la co nda o lakɔl ni, ihini tuŋ nda connun ni, a kaola bɔɔ lɔan dɔɔfɔlɔɔ.

Esai 57:12

Mɛɛ ya, i co ɲɛ co «dɛnɛ sandaa» niaa-o cɔɔmuu, a dɛnnda niaala solinin niaa kpeku oo kpeku le lan.

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.

Daniɛl 5:27

Tekɛl! Kon co dimio ni aa: ‹Tuuvo (landɔɔ) o kiloo›. A tuunun o kiloo coo, kɛ a lusul lende le.

Sakari 11:16

Kani tofa vɔ, ya Mɛlɛka, i yɔngunin niaa vana manda n'cɔloo o lɛŋnden nden nin, o nɔnin lehɔl saa vanin yɛɛvɔɔ dɔwnɔnndo-a coo le few. Hali saa pilɛ luusian bɛɛ, o nuwviaanin ndu le, o pilɛ yɔŋulun bɛɛ, o cɛwnin ndu le, o downin a vanin kɛndia-a balo le. Kɛ o sɔamnin visin saa celulaa mò yimi a tɔ̀a buukulan.›

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Matie 25:13

Lelan, la va o lapɔɛyɔn nin te, kani la sina paale len te, la sina telen kon te.»

Matie 25:7

O kon mí felengia laandua kan kpow a can, má toosiaa fitinala ndalan.

Dɛnnda kiilaa 18:23

Mó lo lon le telen pum. O kon kɔɔli, mó muungu, mó kei o fondala yɛ́-yɛ́la va Kalasii a Frisii lan, mó luei kaandennda kpow yoomuan.

Tɔŋ miingua 3:28

Yɔngu Yosue silalan, luei ndu yoomuan ma simi ndu yili. Kani ndu kɔanin a vannda ha mò yɔngu nda lɛŋnde n co len cɔu len kɛ́ɔ ni.›

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

Dɛnnda cɔɔmuanndan 2:4

Kɛ i hini kɔl a nɔm te, a mal kaola tase nɔm óò nɔ-o.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Dɛnnda cɔɔmuanndan 3:3

Lelan loonun a pɛɛkula n sɔla lan a mɛɛ n tuei lan yɛ, bii lan mà mangalan. Taa mɛɛndian yɛ le, i hinulnin nɔm maa vui, mì voolu nɔm a telen n venin kɔl too.