Dɛnnda cɔɔmuanndan 3:12 - BII BILA

¹² Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Dɛnnda cɔɔmuanndan 3:12 Iomraidhean Croise

1Masaa 7:21

Mó simi sungbuan man miɔn o Cɛi-Hala-o ikɛi, mó ke sungbule taselen o ba kɛndɔɔ coo diolan aa Yakin (kon co dimio ni aa: «Hala luei yoomuan ni»), mó ke lediinndɔlen o ba mɛllo coo diolan aa Boas (kon co dimio ni aa: «O Hala nin kpaayaa co ni.»)

Condii lisai 46:4

mì mɛnndan ma va iyongban-yongbannde, mì hiiyo va fulaa, mì ma hel háá mì pembon ɲiiya, siòòŋii bíì naa le.

Condii lisai 48:8

Má tambu mɛɛ hoeyii fula a ba paalen le can-ndo-e i tɛɛmbuu dɛ̀ndɛ̀la mamɛnndan Tarsis nuaa yɛ.

Condii lisai 87:3

Nɔm kobi Hala-o ho sei! Vannda co sɔɔn kɛndɔn dimio a nɔm o kɔɔ aa:

Esai 62:2

O kon, vanaa-mangalaa-isɔɔa a canin dɛnɛ nɔm sandaa, masaa kpow a canin biilu nɔmndo. A veelunin nɔm a diola sɛnɛila Mɛlɛka solinnin o sondo mò yɔngu nɔmndan.

Esai 65:15

Diola niaalan la lonin vanaa niaa ya hɛli-a o lasondo o mɛɛniaalan nin, mà va dimio aa: «Màá Maalii, o co Mɛlɛka-o cua nɔm mà sɔla piɔ́mndo lende fɔ́!» Kɛ o kenin vanaa ndɔa baalaa diola celen.

Yeremi 1:18

I kɛsi nɔm hau lɛŋnden nden kpow coo maa kobi kpaaya bɛndu, maa sungbule icilin, maa kpaki n'daɲa masaa Yuda kpow coo, simlacia ndɔa kpow, vanaa-solia-lasálàà ndɔa a vanaa co o lɛŋnden nin-nda coo.

Esekiɛl 40:49

Tongo-luɛyaa tase kon va bandei dunndo bidiin, buo dunndo tɔ́ a lepilɛ, helɔɔlan vanáà nɛi coo le tiiyaa lon ni. Sungbuma bɛndu-bɛnduan ma va o sungbuma pɔmbɔan ikɛi, lepilɛ le va baa pilɔɔ, lepilɛlen le va vɛlɛ baa pilɔɔ.

Esekiɛl 48:35

Balɔɔ pindo ɲɔɔ vanin dunndo vaalan tɔ́ a laŋɔmaa (18 000), kandɔɔ ɲinkon, kobio nɔnin diolan aa: «Mɛlɛka co nanu.»

Marke 12:16

Má cuu ndu ipilɛ, mó ɲuna nda aa: «Hɔlaa nɛ̀ɛ́ a diola nɛ̀ɛ́ la co yɛ lan lecoo?» Má mulul ndu aa: «Sesar ni.»

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

Efɛsea 3:15

o yungulan o halataala, a laan o ceendo coo kpow sɔlà diolan o ba-o.

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Hebreea 13:14

Kani n nɔ calta fɛɛn-fɛɛn o ceendo coo nanu le, ciee bɛndu co naa laci-o naa n co nuwviaa ni.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

Dɛnnda cɔɔmuanndan 14:1

Yáà tofaa, mí ca saa téndóó isisi o pembei Siɔn coo, vanaa ndáà nɔ diola saa téndóó a diola Fuɲa ndɔlan o n'tendu-a va ndu isisi ikɛi, a va vannda vaalan kɛmɛ belehiɔɔlu a lahiɔɔlu (144 000).

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Dɛnnda cɔɔmuanndan 22:4

A canin ndu hɔlla, diola ndɔlan la vanin la lasɛvaa nda o n'tendu.

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.