Dɛnnda cɔɔmuanndan 3:1 - BII BILA

¹ Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Dɛnnda cɔɔmuanndan 3:1 Iomraidhean Croise

Luke 15:24

kani po nuu ndóò vi, kɛ o muungu yoomu, ndóò lo, kɛ o cennun.› O kon, má kandu bɛɛ ɲaaloo fɔ́ɔ́fɔ̀,

Luke 15:32

Kɛ mɛɛ mì n tosa kafoo, mì n dɔwnun ɲaale, kani pɔmbɔ nɔm hoo ndóò vi, kɛ o muungu yoomu. Ndóò lo, kɛ o cennun.›»

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

Nsaŋ 1:33

Yáà sina ndu le, kɛ vana vem ya yinɔɔ o mɛnndan nin-ndo dimul-la ni aa: ‹Vana n canin Kɔl Hala-o tolɔɔ coo mò cal-lo, ndu yinnin a Kɔl-Diandaa ni.›

Nsaŋ 20:22

Mɛɛ o cii sɔɔn mun dimi, mó hul nda, mó dimi aa: «La sɔla Hala Kɔl-Diandaa.

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Efɛsea 2:1

La va paandu a vílɛ́iya o kɔllo nin le tɛɛmbuula niaalan a le hakila niaalan.

Efɛsea 2:5

mó mingi naa yoomu naa Krista-a, naa n va nin a vílɛ́iya le tɛɛmbuula naalan-nda. Le kɛndɛi Hala-e niaa sɔla cindaa ni.

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

1Timote 5:6

Kɛ vanalanɔ pɔnɔ ndɔ vi mò va yeemɛi ndɔɛi ndu pila-e tosaa-o, maa vana vílɛ́i koni ndu co nin ni, hali o va bɛɛ yoomu.

Nsaki 2:26

Mɛɛ dialun yoomu co nin toon co n'vílɛ́iyon yɛ, lende koni laalan dɛnndan la co nin too co o vílɛ́iyo ni.

1Piɛr 1:11

A va kindinndo le telen dɛnnda lan la tosan-ndo a ɲɛ yɔngu dɛnnda lan tosanndo-o sinaa, la Hala Kɔl-Diandaa Krista-o yɔngu lan pɛɛn. O dɛnnda lan nin nda va pɔɔ sangala Krista ndóò sɔlanin-ndan a biilu ndóò sɔlanin o kon kɔɔlio dimio ni.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Dɛnnda cɔɔmuanndan 1:16

Loeon va ndu o ba kɛndɔɔ mún ŋɔmmɛw, mɔɛi sondola tiɔɔŋii cɛɛŋɛi va ndu fulaa o sondo, hɔlaa ndɔa va volio maa paale kala ŋama-ŋama.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Dɛnnda cɔɔmuanndan 2:19

I sínà dɛnnda nɔmndan, kaola nɔmndo, laalan nɔmndo, kpekula n soli vana lan, biuvɔn nɔmndo a dɛnnda nɔmnda mɛɛlaala hiow vaa sɛ́lɛ́ a lataselan-ndan.

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

Dɛnnda cɔɔmuanndan 3:15

I sínà dɛnnda nɔmndan, a ɲulul te, a tuulu kpɛikpɛi le. Te nɔm óò ɲulul pɛ te kon te mì nɔm óò tuulu kpɛikpɛi, kon ndóò va fisa.

Dɛnnda cɔɔmuanndan 3:2

Mɛɛndian, luei ɲɛ tɔ̀ lo nɔm o ba-o yoomuan, yɔŋii kon bɛɛ siow vu. Kani i ci dɛnnda nɔmndan la peelan Hala nuu o hɔl te.

Dɛnnda cɔɔmuanndan 3:8

I sínà dɛnnda nɔmndan. Tofa vɔ, i kumbi vakpa nɔm laci, ó vana-vana nɔla kinda loo, kani a nɔ kpaaya bɔɔ le, kɛ a kon kpow, má manda sɔɛi nii, a kɛɛ diola nilan te.

Dɛnnda cɔɔmuanndan 4:5

Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.