Dɛnnda cɔɔmuanndan 21:4 - BII BILA

⁴ O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Dɛnnda cɔɔmuanndan 21:4 Iomraidhean Croise

Condii lisai 144:4

Vanacieo co macoaa maa ihoei, yoomu ndɔɔ co macoaa maa vundule hiavan.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Esai 30:19

A toɲa, niaa vannda Siɔn, niaa co icali Yerusalɛm-nda, la koŋul-lɛnin te. La yonda pɛ, o tosalnin niaa kɛndɛi, o tueinin niaa diom, o mululnin niaa mulul kɛndɛ.

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

Esai 60:20

Paale nɔmnden le delnin te, paangii nɔmnde bɛɛ ɲumnin te. Kani Mɛlɛka vanin ɲɛ-tengaa nɔmndo le lɔ́ɔ́-lɔ́ɔ̀ ni. Palɛi dɛnɛ palɛi nɔmnde cuunin hiovɔɔ kpede.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Yeremi 31:13

O kon cuaambɔa laandua vanin yolan a ɲaaloo, felengia a bɛndua yuuvɛiya dɔawnunnin ɲaale latulu. I minginin mɔnɛi ndɛi ɲaaloo, mì ɲɔɔlu nda. I yɔngunin nda kɔlɲulu bɛndoo o dɛnɛ paalaa kɔɔli.

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

1Korɛntea 15:26

Yaamɔɔ o tɛɛmbuunin o mɛɛlulan kpɔŋ-ndo co piɔ́mndo ni.

1Korɛntea 7:31

Mì vanaa co makolan solin-ndo a ɲɛm ceendo ho-a siŋnun maa n co nda bɛɛ mako nɛŋul te, kani ceendo ho co hunɔɔ hiovɔɔ.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Hebreea 12:27

Dimi kon lende aa: «vɛlɛ» kon co dimio ni maa ɲɛm cɔwnun-ndon, n nɔla tambeiyon, mun hiawnin. O kon mì ɲɛm nɔla itambu loon mun lo.

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

1Nsaŋ 2:17

Ceendo co hiovɔɔ a yeeman ndɔn, kɛ vana tosa pɛ hɛnan Hala-o, ndu co va yoomu le fɛɛn a fɛɛn.

Dɛnnda cɔɔmuanndan 20:13

Mí mɛmma ihɛllan ma soli vanvílɛ́yaa va lenin-nda, mí piɔ́m a ciee-piɔ́m-ndo soli vanvílɛ́yaa va lon-nda, mí yamɛi ndɛi kiolu mɛɛ dɛnnda ndalan la va yɛ.

Dɛnnda cɔɔmuanndan 20:14

Mí piɔ́m a ciee-piɔ́m sɔla viovɔɔ o dala leyinndo nin. Dala leyin kon co piɔ́m diinndɔɔ ni.

Dɛnnda cɔɔmuanndan 21:1

Mí ca halataala sɛnɛiyo a lɛŋnde sɛnɛilen, kani halataala tasoo a lɛŋnde taselen le ve lɛ le, mɛmma ihɛllan bɛɛ ma ve lɛ le.

Dɛnnda cɔɔmuanndan 22:3

Danga ve lɛnin te. Kpɛŋɛ lemasa Hala-o nda Saa téndóó vanin o kobio nin. Vanaa ndɔa baalaa biilunin ndu.

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»