Dɛnnda cɔɔmuanndan 20:2 - BII BILA

² Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.

Dɛnnda cɔɔmuanndan 20:2 Iomraidhean Croise

O Kandɔɔ 3:1

Kɛwvo ndóò hiow visia yondoa Mɛlɛka Hala cɔw-va kpow kɔlkalu vɔɔndo ni. Mó ɲuna vanalanɔɔ aa: «Bàà nuaa Hala dimul niaa ni aa niaa dia kɔmnde yɔmii co o nakɔɔ ho nin-nde le?»

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

SƐBƐ YƆB-O 1:7

Mí Mɛlɛka ɲuna Setana aa: «Kuɛɛ nɛ n co yɛ fulaa ho?» Mí Setana mulul Mɛlɛka aa: «Lɛŋnden ya va balɔɔ a kelaa lenin ni.»

Esai 24:22

A biinin nda kpow, mà cuungiaa nda, mà mal nda o soondo nin. A kindanin nda o cɛila kaasolan nin ndon, a viow pɛ lon taw-taw, a saangiaa nda.

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Esekiɛl 47:5

Mó tuu vɛlɛ tiŋndo bandei dunndo vàá pilɛ, mí ca maa o ve lɛ pee pɔmbɔ yáà tiwba taŋɔɔ le, kani mɛnndan maa yingila taw, fɔ mì vanáà del nin a saanaa le man taŋɔɔ. O ve lɛ pee pɔmbɔ vanáà nɔla lɛ taŋɔɔ le.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

Marke 4:15

Kulun deli o nɛiyo demullo-on, mun co vanaa tuɛi sɔɛi Hala-e, mì Setana hun soli nda sɔɛi nda saŋ nda ken o kɔl-le ni.

Marke 5:7

mó deŋi kpélén aa: «Le yɛɛ n co yɛ ya kɔɔli, nɔm Yeesu po Hala-Hiow-Ɲɔɔn-Kpow-vo? I co nɔm ɲɔɔlu, tosa le Hala, luei ya imɔnɔ le.»

Nsaŋ 12:31

Sunsun, yamɛi ceendo hin kiolɔn, mà soli vana co masalen tosaa o ceendo ho coo-o o bɛ́ɛ̀.

Nsaŋ 16:11

A co o pɔwlan nin a yamɛi o kɔɔ, kani yamɛi vana co masalen tosaa o ceendo ho coo-o cuu kiolɔɔ.

Rɔmnda 16:20

O lo cobe mì Hala ke vana kɔlɲuloo-o pusu Setana niaa o labɛngunin. Màá kɛndɛi Maalii naa Yeesu-e va niaa coo.

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Dɛnnda cɔɔmuanndan 12:13

Tambálaká kon cɔu maa a viow ndu o lɛŋnden coo, mó can vanalanɔ velu kon hɔ́ɔ́ piaandoo-o kiltan kɔɔli.

Dɛnnda cɔɔmuanndan 12:15

O kon mí tambálakáà susul mɛnndan vanalanɔɔ kɔɔli maa pee bɛndu, haliko mi mɛmma man maa hiow a cua kalaa.

Dɛnnda cɔɔmuanndan 12:17

Mí tambálaká kon tuulu kɔl a vanalanɔɔ, mó mululun cuavaa ndɔa imamaa tɔ̀a a cɔwvo, a co tɔŋnda Hala lan biyɔɔ, mà va kelaa o seile Yeesu len coo-a pɛɛn.

Dɛnnda cɔɔmuanndan 12:3

O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.

Dɛnnda cɔɔmuanndan 12:4

Loeon co o halataala-on kpede piɔwvo kundalan tan yáá, mó va kundaa pilɔɔ koondiaa a puile ndɔlen. Mó ɲindu mun o lɛŋnden coo. Mí tambálaká kon kɔ sim vanalanɔ va kon le violɔɔ-o o hɔl, haliko te ndóò velu dɔ́ɔ́ pɛ, ndóò mel cɛlɛkpɛ kon.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Dɛnnda cɔɔmuanndan 13:2

Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.

Dɛnnda cɔɔmuanndan 13:4

Má baŋ vulan tambálakáà o labɛngunin le tùú ndóò ke visi tɔɔma kon kpaayaa-o, má baŋ vulan visi kon o labɛngunin, má va dimio aa: «Nɛ̀ɛ́ co yɛ maa visi tɔɔma ho, nɛ̀ɛ́ nɔla yɛ ndu cɔlɔba?»

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Dɛnnda cɔɔmuanndan 20:7

Telen vɔsila vaa pilɛlan la sulnin-ndo, Setana sɔlanin malɔɔ mò fula o kaasoo,

Dɛnnda cɔɔmuanndan 9:11

O va nda coo masaa-o va mɛlɛkanɔ soon yingilɛi kon ni, diola ndɔlan o hebrei nin aa Abadɔn, o krɛkiei nin yɛ aa Apoliɔn. Kon co dimio ni aa «Vana tɛɛmbua».