Dɛnnda cɔɔmuanndan 2:7 - BII BILA

⁷ Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Dɛnnda cɔɔmuanndan 2:7 Iomraidhean Croise

O Kandɔɔ 2:9

Mó soli yɔmnde súúlan kpow o nakɔ kon nin, í naŋ o tofaa mi ì yeela o dioo-e. Mó soli yɔm cindaa o nakɔɔ tɛɛn déŋ, mó soli vɛlɛ yɔm tosa mì vana siná dɛnɛ kɛndɔɔ a dɛnɛ vɔɔndo-o.

Talelan 11:30

Dɛnnda vana sandaa la co maa yɔm yɔngu cindaa-o. Vana nɔ pɛ kɔlkaloo, o sɔla vannda.

Talelan 13:12

Vanndo hiw pɛ ɲɔɔ pum viovɔɔ cumndo, o tambu kɔllo. Kɛ maa yɔm cindaa yeemɛi peelun-nde co ni.

Talelan 15:4

Sɔɔn luei vannda yoomuan-ndon co maa yɔm cindàà. Kɛ diomnde vɔɔnnden nden, kɔllo le tɛɛmbuu vana ni.

Talelan 3:18

Yɔm yɔngu cindaa-o kɔlkaloo co le vanaa holnun ndu-a ni, vanaa bii ndu kpíŋ-nda co o dɛnɛ kɛndɔɔ nin.

Esekiɛl 28:13

A va icali Edɛn, o nakɔ Hala-o nin, a va o kumbaa a powta báà kàlàla súú-súù ka: sarduan, topas, diamannde, krisolite, onikse, yaspe, safir, pow siaŋa báà kalaa a emerɔd. Kelan nɔmndon va n'cɔavaa a sianion, paale n cɔwnun-nden kelan mun bɛɛndian ni.

Esekiɛl 31:8

Yɔmii sɛɛdrei o nakɔ Hala-o nin kpede ndíì siiman a ndu le, yɔmii siprɛsiei ndíì sulan a lɛvun yɔm kon te, hali yɔmii platannde ndíì ve maa lɛɛndun ndɔn te, yɔm oo yɔm ve o nakɔ Hala-o nin, o ndóò sulan naŋɔɔ a yɔm sɛɛdre bɛndu kon-ndo le.

Matie 11:15

Vana nɔ pɛ nilan, mɛɛ ndú tueí!

Matie 13:43

O telen kon, vanaa sandaa vanin tengaa maa lepala o masale Fuɲa nda len nin. Vana nɔ pɛ nilan, mɛɛ ndu tueí!»

Matie 13:9

Vana nɔ pɛ nilan, mɛɛ ndu tueí!»

Marke 4:9

O kon mó dimi aa: ‹Vana nɔ pɛ nilan le tueyɔɔ, ndu tuei.›»

Marke 7:15

Ɲɛ-ɲɛ fula mò luɛi vanacieo nin mò nɔɔliaa ndu le, kɛ ɲɛ fula vanacieo nin-ndo, ndu nɔɔliaa ndu ni.

Marke 7:16

Vana nɔ pɛ nilan le tueyɔɔ, mɛɛ ndu tuei.»

Luke 23:43

Mí Yeesu mulul ndu aa: «A toɲa, mì dimul nɔm, hau-hau, a vanin ya ikɛi o haliyɛnɛ.»

Luke 8:8

Kɛ mí n pum deli o lɛŋnde kɛndɛlen. Mɛɛ n vil, mí n soli yasalan: mí yasa oo yasa koam kullon kɛmɛ.» Mí Yeesu dimi vɛlɛ aa: «La yaŋnun ɲɛkɛndɛi, vana nɔ pɛ nilan mɛɛ ndu tuei.»

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

1Korɛntea 2:10

Kɛ naa naa, mí Hala cɔm naa kon a Kɔl-Diandaa, kani Kɔl-Diandaa kon yaasiaa isɔɔ oo isɔɔ ɲɛkɛndɛi ni, hali tuula Hala toosiaa mó vian kpíŋ-ndan.

1Nsaŋ 2:13

Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔla Vana Vɔɔndo.

Dɛnnda cɔɔmuanndan 13:9

Vana nɔ pɛ nilan, mɛɛ ndu tuei!

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Dɛnnda cɔɔmuanndan 15:2

Mí ca ɲɔɔ maa tofan, o kɔannan kɛ́-kɛ̀ maa mɛmma ihɛl. O va o muulianndo a yinnden. Vanaa nɔla visio, tuula ndɔɔ a nimolo ndɔɔ-a va isisi o tofan kon coo. Bangala Hala ndóò yɔngu nda lan la va nda o laba.

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Dɛnnda cɔɔmuanndan 22:2

Yɔm yoomaa va o falii kobio tɛɛn a o kɔngɔla tiɔnnda pee kon coo, tɔ́ a lediin yɔm kon koam ni, ipaangu oo ipaangu o kom lepilɛ. A pei yɔm kon vanaa-mangalaa-isɔɔa sɔ̀la siongɔɔ ni.