Dɛnnda cɔɔmuanndan 2:2 - BII BILA

² ‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Dɛnnda cɔɔmuanndan 2:2 Iomraidhean Croise

Condii lisai 1:6

Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.

Matie 7:23

O kon, i dimulnin nda aa: «Lepilɛ bɛɛ i sina niaa le. La faŋan ya, niaa vanaa tosaa dɛnnda vɔɔnda ha!»

Nsaŋ 6:6

Nduyɛ le Filipe kɔlɔɔ solio daama ndóò ɲuna lende ni, kani ndóò sina nin ɲɛ o va hunɔɔ tosa-o.

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Dɛnnda cɔɔmuanndan 2:5

Lelan loonun a nɛɛ n va lɔ́ɔ́ pá ma del-la, mangalan mà tosa dɛnnda n va tosaa o tasendɔ lan. Te o co kon te, i hunnin o nɔm ndo, mì faŋa ɲɛ kɛsiaa lafitina nɔmndo o fonda ndɔɔ. Fɔ dɔ́ɔ́ ma mangalan dɛ!

Dɛnnda cɔɔmuanndan 2:6

A nɔ ɲɛ pum, o naŋ-ndo: dɛnnda Nikolaia la nɛinun nɔm maa mɛɛ la nɛinun ya pila yɛ.

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Dɛnnda cɔɔmuanndan 3:15

I sínà dɛnnda nɔmndan, a ɲulul te, a tuulu kpɛikpɛi le. Te nɔm óò ɲulul pɛ te kon te mì nɔm óò tuulu kpɛikpɛi, kon ndóò va fisa.

Dɛnnda cɔɔmuanndan 3:8

I sínà dɛnnda nɔmndan. Tofa vɔ, i kumbi vakpa nɔm laci, ó vana-vana nɔla kinda loo, kani a nɔ kpaaya bɔɔ le, kɛ a kon kpow, má manda sɔɛi nii, a kɛɛ diola nilan te.