Dɛnnda cɔɔmuanndan 2:16 - BII BILA

¹⁶ Lelan mangalan, te o co kon te, i co lakɔ o nɔm ndo sunsun, mì kɔ cɔlɔba nda a mɔɛi cɔvii co ya fulaa o sondo-e.

Dɛnnda cɔɔmuanndan 2:16 Iomraidhean Croise

Esai 11:4

Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.

Esai 49:2

Mó siinguu sondo nuu maa mɔɛi luɛyaa, mó siinguu ya maa kɔɛi siɛɛmbiɛi, mó kumbu ya a vunduma ba ndɔɔ, mó vian ya o bɔlɔ n'kɔɔ ndɔɔ nin.

Efɛsea 6:17

La vownun cindaa maa mɔsil kálà-kálà vana kanda bollen-ndo, mì la cua sɔɛi Hala-e maa mɔɛi cɔvii Hala Kɔl-Diandaa yɔngu vana-e.

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Dɛnnda cɔɔmuanndan 1:16

Loeon va ndu o ba kɛndɔɔ mún ŋɔmmɛw, mɔɛi sondola tiɔɔŋii cɛɛŋɛi va ndu fulaa o sondo, hɔlaa ndɔa va volio maa paale kala ŋama-ŋama.

Dɛnnda cɔɔmuanndan 16:9

Mí vanndacieea ŋɔa a hangul vɔɔn-vɔɔndo. Má dimi sɔɔn tanan a diola Hala nɔ baa o dɛnnda palaala lan coo-o, a cɛl le mangalanndo mà biilu ndu le.

Dɛnnda cɔɔmuanndan 19:15

Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.

Dɛnnda cɔɔmuanndan 19:21

Mí vanaa cɔvaa ndaa tɔ̀a kpow a sɔla piɔ́mndo o mɔɛi cɔvii va fulaa vana va o sow coo-o o sondo-e bɛngu, mí yowva kpow a cuungian o visin ndan coo.

Dɛnnda cɔɔmuanndan 2:12

«Sɛval mɛlɛkanɔɔ vanaa laalannda Pɛrkam aa: ‹Ɲɛ vana nɔ mɔɛi cɔvii sondola tiɔɔŋii cɛɛŋɛi o ba-o dimi-o co hoo ni aa:

Dɛnnda cɔɔmuanndan 2:5

Lelan loonun a nɛɛ n va lɔ́ɔ́ pá ma del-la, mangalan mà tosa dɛnnda n va tosaa o tasendɔ lan. Te o co kon te, i hunnin o nɔm ndo, mì faŋa ɲɛ kɛsiaa lafitina nɔmndo o fonda ndɔɔ. Fɔ dɔ́ɔ́ ma mangalan dɛ!

Dɛnnda cɔɔmuanndan 22:20

Vana cɔm maa toɲaa sɔɔn mun co ni-o dimi aa: «A toɲa, i co hunɔɔ sunsun!» Amiina! Hun, Maalii Yeesu!

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.