Dɛnnda cɔɔmuanndan 19:4 - BII BILA

⁴ Mí bɛndua yuuvɛiyaa bidiin a à hiɔɔlua a ɲaa yoomaa hiɔɔlua baŋ vulan, má biilu Hala, o co icali o kpɛŋɛ lemasaa ndɔɔ nin-ndo, má dimi aa: «Amiina! Halelu-ya!»

Dɛnnda cɔɔmuanndan 19:4 Iomraidhean Croise

1Dɛnnda lemasalan 16:36

Biiloo co le Mɛlɛka Hala Israɛlla, le fɛɛn a fɛɛn! Mí vannda kpow cɛl o lepilɔɔ aa: «Amiina! Biiloo co le ndu.»

Nehemi 5:13

O kon kɔɔli, mí koaŋ bɔɔle doma ni bɛndoo, mí dimi aa: ‹Màá Hala koŋ vanaa lonin o diomnde ndalen coo le-a, mò faŋa nda o cɛila ndalan nin a o bolofaa ndaa coo, maa mɛɛ ya tosa a domaa nuu nuaa yɛ. Màá vanaa kan a lo fondo!› Mí vannda kpow a cɛl aa: ‹Amiina!› Má mel Mɛlɛka balika. Mí vannda lo o diomnde ndalen coo.

Nehemi 8:6

Mí Ɛsdras mel Mɛlɛka, ó co Hala bɛndoo-o balika, o kon mí vannda kpow a va cɛlɔɔ a balan heeloo aa: «Amiina!Amiina!» O kon má tundun má baŋ vulan Mɛlɛka o hɔl le ndu biiloo.

Condii lisai 104:35

Màá vanaa lahakia cuu o lɛŋnden coo, mì vanaa yɔŋ vɔɔnda tambu le lɔ́ɔ́-lɔ́ɔ̀! A toɲa, i yeema mì mel Mɛlɛka balika. La lisa Mɛlɛka!

Condii lisai 106:48

Màá la va Mɛlɛka Hala Israɛlla balikaa mello lɔ́ɔ́-lɔ́ɔ̀! Mí vannda kpow muli aa: «Màá i tosan lende.» La lisa Mɛlɛka!

Condii lisai 41:13

Nɔm, a tosanin i venin vana tɛɛmbua isɔɔ le, A mandanin ya nɔm ikɛi lɔ́ɔ́-lɔ́ɔ̀.

Condii lisai 72:19

Biiloo co le diola ndɔla biilaalan le fɛɛn a fɛɛn! Màá lɛŋnden kpow le piɔ a biilu ndɔɔ! Amiina! Amiina!

Condii lisai 89:52

Éé Mɛlɛka! Yaamɔaa nɔmnda tɛɛmbuu vana n pɔla-o bɛ̀ɛ̀lan, má sui ndu diɔmnde o nɛilan kpow coo.

Yeremi 28:6

«Amiina! Màá Mɛlɛka tosa mɛɛ n dimi nuaa yɛ, mò cua ɲɛm-laandun co le Cɛi-Hala-on ndo, mò mingi mun nanu a vanaa nda kɔɛ o biyɔɔ nin-nda.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

1Korɛntea 14:16

Dɔw bɛɛ duaa o diola Kɔl-Diandaa, vɛ̀ɛ̀ vana co icali vannda tɛɛn-ndo muli yɛnin aa: «Amiina» te o bii ɲɛ n dimi-o bila le?

Dɛnnda cɔɔmuanndan 15:7

Mí o pilɛ o ɲaa yoomaa hiɔɔlua tɛɛn yɔngu mɛlɛkaa ŋɔmmɛvaa kan taalala kólaala n'sianilan laŋɔmmɛw, la va lapiaalan cá-cá a kɔltuw Hala co yoomu le fɛɛn a fɛɛn-ndo.

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

Dɛnnda cɔɔmuanndan 19:3

Má dimi vɛlɛ o kon kɔɔli aa: «Halelu-ya! Màá kumii kobi ŋɔɛ-o va helɔɔ le fɛɛn a fɛɛn!»

Dɛnnda cɔɔmuanndan 19:6

O kon mí tuɛi diomndo maa diom sɛ́lɛ́ bɛndu, maa diom mɛmma bɛndu, vanáà tuei vɛlɛ pɛ aa diom mataŋ bɛndoo ni, mó va dimio aa: «Halelu-ya! Kani Mɛlɛka Hala naa, Vana-Kpaayaa-Kpow co masalen tosaa.

Dɛnnda cɔɔmuanndan 5:14

Mí ɲaa yooma hiɔɔlua va cɛlɔɔ aa: «Amiina!» Mí bɛndua yuuvɛiya va vulan baŋɔɔ, má va ndu biiloo.