Dɛnnda cɔɔmuanndan 19:3 - BII BILA

³ Má dimi vɛlɛ o kon kɔɔli aa: «Halelu-ya! Màá kumii kobi ŋɔɛ-o va helɔɔ le fɛɛn a fɛɛn!»

Dɛnnda cɔɔmuanndan 19:3 Iomraidhean Croise

O Kandɔɔ 19:28

Mó tofa a kpengii Sodɔm a Komɔr-e, mó tofa vɛlɛ a ba tàndá va o dɛɛlaa nin-ndo, mó ca kumii bɛndu-bɛnduei helɔɔ coocoo mɛɛ kumnde fula o pollo lomɔɔ nuaa yɛ.

Condii lisai 104:35

Màá vanaa lahakia cuu o lɛŋnden coo, mì vanaa yɔŋ vɔɔnda tambu le lɔ́ɔ́-lɔ́ɔ̀! A toɲa, i yeema mì mel Mɛlɛka balika. La lisa Mɛlɛka!

Esai 34:10

O ɲumnin ipala le, o ɲumnin vɛlɛ icɔl te. Kumnde vanin cɔnɔnndo lon mì i va helɔɔ coo tukpe-tukpe. Lɛŋnde len le lonin letambɛilen le fɛɛn a fɛɛn. Le fɛɛn a fɛɛn, vana kei lɛnin lenin te.

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

Dɛnnda cɔɔmuanndan 14:11

Kumii dɛnɛ palaa ndaa i co helɔɔ lɔ́ɔ́-lɔ́ɔ̀. Pɛngi co le nda ipala le, pɛngi co vɛlɛ le nda icɔl te, nda vanaa co kan visi kon a tuula ndɔɔ, a vana-vana sɔla pondale diola ndɔlan-nda.»

Dɛnnda cɔɔmuanndan 18:18

Telen nda va kumii va cɔnɔnndo telen kobi kalaa va ŋɔw-ve tofaa-o, má va deŋio aa: «Kabi bɛɛ kobi yɔŋnun maa kobi bɛndoo ho le!»

Dɛnnda cɔɔmuanndan 18:9

Masaa kɛ́-kɛ̀ co o lɛŋnden coo, má del ndu kɔɔli o laasianndo a o ɲɛm ndɔn kɛndɔn nin caŋnin mà cɛɛŋun le ndu telen nda canin kumnde helɔɔ o ndu lomɔɔ-o.

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

Dɛnnda cɔɔmuanndan 19:4

Mí bɛndua yuuvɛiyaa bidiin a à hiɔɔlua a ɲaa yoomaa hiɔɔlua baŋ vulan, má biilu Hala, o co icali o kpɛŋɛ lemasaa ndɔɔ nin-ndo, má dimi aa: «Amiina! Halelu-ya!»