Dɛnnda cɔɔmuanndan 19:1 - BII BILA

¹ O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

Dɛnnda cɔɔmuanndan 19:1 Iomraidhean Croise

1Dɛnnda lemasalan 29:11

Le nɔm Mɛlɛka bɔɔbɔɔyɛi, kpaayaa, biiloo, masalen a naŋɔɔ fɛɛn-fɛɛndo co ni. Kani ɲɛm co o halataala-on a mun o lɛŋnden coo n co le nɔm. Nɔm nɔ masalen ɲɔɔn kpow coo ni.

Condii lisai 104:35

Màá vanaa lahakia cuu o lɛŋnden coo, mì vanaa yɔŋ vɔɔnda tambu le lɔ́ɔ́-lɔ́ɔ̀! A toɲa, i yeema mì mel Mɛlɛka balika. La lisa Mɛlɛka!

Condii lisai 106:1

La lisa Mɛlɛka! La lisa ndu, kani o naŋ, kaola ndɔɔ nɔ lamɛɛlu le!

Condii lisai 111:1

La lisa Mɛlɛka. I yeema mì biilu Mɛlɛka a kɔl nuu kpow, vanaa dendu kɔltan-nda a vannda tɛɛn.

Condii lisai 115:18

Kɛ naa, n melnin ndu balika kandɔɔ sunsun háá le fɛɛn a fɛɛn. La lisa Mɛlɛka!

Condii lisai 146:1

La lisa Mɛlɛka! Kɔl nuu sei, lisa Mɛlɛka.

Condii lisai 148:1

La lisa Mɛlɛka, la biilu ndu o halataala. La biilu ndu coocoo.

Condii lisai 149:1

La lisa Mɛlɛka! La solul ndu condii sɛnɛi-ye, la sangala ndu vanaa lo o lediom coo-a tɛɛn.

Condii lisai 150:1

La lisa Mɛlɛka. La lisa Hala o Cɛi ndɔ Diandaa nin, la lisa ndu o halataala nɛɛ kpaaya ndɔɔ cɔmnun ceen-nda.

Condii lisai 3:8

Cɔn Mɛlɛka! Ciindiaa ya, Hala nuu! Kani nɔm lɔaa yaamɔaa nia kpaŋndon ni, nɔm yimì vanaa kɔlvesɛiya ciŋndon ni.

Condii lisai 62:11

La tííndàn delɔɔ coo le, la handu kɔltan o vannda ɲɔɔn puuwvo o laba coo le. Bolofaa niaa va bɛɛ handɔnndo lecoo, la handu kɔltan lecoo le.

Yeremi 51:48

Vana tuɛinin kponyoo o halataala a o lɛŋnden coo le delɔɔ Babilɔn-ndo telen vanaa tɛɛmbuunin ndu-a vanin fulaa a ba luaŋ-ndo a kponyoo-o.» Sɔɛi fula Mɛlɛka o sondo-e co ken ni.

Yonas 2:9

Vanaa co piɔmaa fondoa sooloo-a, a nɔ dí le cindaa sɔla le.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.

Dɛnnda cɔɔmuanndan 19:6

O kon mí tuɛi diomndo maa diom sɛ́lɛ́ bɛndu, maa diom mɛmma bɛndu, vanáà tuei vɛlɛ pɛ aa diom mataŋ bɛndoo ni, mó va dimio aa: «Halelu-ya! Kani Mɛlɛka Hala naa, Vana-Kpaayaa-Kpow co masalen tosaa.