Dɛnnda cɔɔmuanndan 18:3 - BII BILA

³ Kani vanaa-mangalaa-isɔɔa kpow a kol mɔima kɔltuwma dɛnɛ laasiɛi ndɔɔ. Masaa co o lɛŋnden coo-a vow balan o dɛnɛ laasiɛi ndɔɔ nin, mì yulaa co o lɛŋnden coo-a sul a kpaaya co o bolofaa dɔ́ɔ́ nin-ndo.»

Dɛnnda cɔɔmuanndan 18:3 Iomraidhean Croise

Esai 47:15

Lende dɛnɛ vanaa niaa va haa sangaa le nda sɔɔnguuo ikɛi, le nda isɔɔ ɲuna-a vanin ni. Vanaa niaa va kan yulalen tosaa latulu, kabi o felengiyɛi niɛi nin-nda, a sɛŋinnin mì vana-vana kɔɛ kpengii ndɔ. Vana-vana venin le niaa mala le.

Yeremi 51:34

Nebukanɛsar, masaa Babilɔn cii ya sɔɔsiaa, mó mial, mó mal-la fondo maa hɛngɛi fondo. Mó mial-la maa ɲina, mó pei demboo ca a ɲɛm nin hiow naŋɔɔ-on, o kon kɔɔli, mó mal-la.

Yeremi 51:7

Maa taala kólaa n'siani Babilɔn va Mɛlɛka o ba ni, o va ceendo kpow hɔlla hiŋndo. Vanaa-mangalaa-isɔɔa va mɔima ndɔan kolɔɔ háá mí maa hiŋ nda bolle.

Cɛɛŋɔnnda Yeremi lan 4:5

Vanaa va ɲɛdiaa sɔvɛɔ dioo-a co delio a yɔkpɛiya o nɛilan coo. Vanaa ndáà manda o yelela bɛndoo nin-nda muungu sáltan yaasiaa a laba.

Nahum 3:4

«Kon kpede tosan, le tùú Ninivea suunda taw, mí ɲɔɔ hiaw nda ba yelelanndo, má va vannda pisio o suundaa bɛngu, má va vannda vuɔɔlan a koovan-ndo,

Luke 7:25

Kɛ yɛɛ kpeekpei niaa kɔɛ yɛ tofaa? Mò va maa langbanɔ vownun volɔɔla cuɛinannda sɔvɛlan-ndo ni? O cɛila masaa nin vanaa vownun volɔɔla sɔvɛlan, ma va o dɛnɛ kɛndɔɔ nin-nda co ni.

1Timote 5:11

Kɛ cɛ̀l le vanlaandua felengia piaandaa ndaa vi-a diolan sɛvaa le, kani taa yiyan pɛ le calle piaandua celen o ba o nɔu, a mulul Krista kɔɔ.

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Dɛnnda cɔɔmuanndan 17:2

Masaa co o lɛŋnden coo-a a co suundaa a ndu, mɔima suunda ndɔɔ ma bii vanaa co o lɛŋnden coo-a.»

Dɛnnda cɔɔmuanndan 18:19

Má va loolio dɔwnɔnndo o lebol, má va caŋndo a mɔnɛi biyɔɔ a deŋio aa: «Kpòkóó! Dɛnɛ palaa co hoo ni dɛ! Kobi bɛndu ke hoo vanaa ladɛ̀ndɛ̀a va baalaa o mɛmma ihɛllan coo-a kpow tɔnɔɔ a bolofaa ndɔɔ-o cuu itambu o telen bingi-bingio bɛngu!»

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›

Dɛnnda cɔɔmuanndan 18:9

Masaa kɛ́-kɛ̀ co o lɛŋnden coo, má del ndu kɔɔli o laasianndo a o ɲɛm ndɔn kɛndɔn nin caŋnin mà cɛɛŋun le ndu telen nda canin kumnde helɔɔ o ndu lomɔɔ-o.