Dɛnnda cɔɔmuanndan 17:3 - BII BILA

³ O kon mó kɔa a ya o kɔllo nin o lɛŋnde veselɛilen nin. Mí ca vanalanɔɔ pum icali o visi siaŋa sɔɔtɔtɔɔ coo, kɔɔle visi kon le va le pooɲɛilen poosoo a sɔɔn tanan, ndóò nɔ bolle ndii ŋɔmmɛw a leelan tɔ́.

Dɛnnda cɔɔmuanndan 17:3 Iomraidhean Croise

1Masaa 18:12

Nduyɛ, te i faŋan pɛ dɔ́ɔ́ nɔm ikɛi, kɔl Mɛlɛka-o co nɔm koma cua, mò yɛɛ nɔm nɛɛ ya sina le-a. Akab hin pɛ mò ci nɔm te, vɛ̀ɛ̀ diyɔɔ le o diinin ya le? Nduyɛ, kabi i va vɔ felengi, mí ke Mɛlɛka bɛɛlen.

2Masaa 2:16

Má dimul ndu aa: «Tofa vɔ, n nɔ vanpiaandua dialun fulaa beleŋuɛɛnu. N co nda vomɔɔ mà kɔ nuwviaa vana nɔm bɛndoo. Bɔɔle kɔl Mɛlɛka-o cua ndu ni mó kɔ mal ndu o pembei pum coo, te kon te o bóllo pum nin.» Mó mulul nda aa: «La viam vana le!»

Condii kɛndɛ-kɛndɛi 8:5

Vanalanɔ kuɛɛ co yɛ hoo fulaa o lɛŋnde veselɛilen nin, mò va hunɔɔ vanapɔnɔ o kaola-o o sɛɛŋanndo? O yɔm pomiee bɛngu ya tindi nɔm ni, nɛɛ kala nɔm cua foli nɔmndo-a. Lon o cua foli nɔmndo ni, lon o velu nɔm ni.

Esekiɛl 11:24

Mí kɔl Mɛlɛka-o cua ya, mó yaa ya o vanaa co o biyɔɔ nin-nda lo. Mí vundule ya va len cɔu len le faŋan ya, mí le lo ya o hɔl.

Esekiɛl 3:12

O kon mí kɔl Mɛlɛka-o cua ya coocoo, mí tuɛinun vɔkɔ-vɔkɔ bɛndoo ya kɔɔli aa: «Duaa co le biilu Mɛlɛka-o o fonda calta ndɔlan la co-o nin!»

Esekiɛl 8:3

Mí ɲɛ kon siɛndi ɲɔɔ maa ba vanaciee, mó bii ya yiinde o lebol. Mí kɔl Hala-o faŋa ya o lɛŋnden coo, mí va lɛŋnden a halataalaa tɛɛn. Mó kɔa a ya Yerusalɛm o vunduma yilɛnndan nin, mó kɔa a ya háá o dio luɛyaa co lenin-ndo ikɛi, a kpengii ba luaŋ-ndo, nɛɛ piɔm paŋalaa va-a, o kpeeŋiaa paŋala Mɛlɛka-o-o pɛɛn.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 7:20

Mí ɲuna ndu vɛlɛ le ya tɛɛsiallo a sɔɛi leela tɔ́la visi kon ndóò nɔ o lebol tan o kɔɔ. O kon kɔɔli, a sɔɛi lee pɔmbɔ fula kon, mí leela bɛndulan tan yáá la suingin-ndo. Lee kon ndóò nɔ hɔltan a sondo va sɔɔn yongan dimio-o. O va vɛlɛ lee kaamaa hiovɔɔ leela taselan coo.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 7:8

Tuma ya va leela ndɔlan mɛɛndianndo-o, mí lee celen fula o lan tɛɛn, o pɔmbɔ-pɔmbɔ o va ni. Mí leelan tan yáá la suingin o leela taselan tɛɛn, mí la mel lee mɛɛlaa kon fondaa. Hɔltan la va o lee kon maa hɔlta vanaciee, ndóò nɔ vɛlɛ sondo, sondo va sɔɔn yongan dimio-o.»

Matie 27:28

Má soli ndu volɔɔlan lekɔɔ, má vow ndu doma siaŋaa pum.

Dɛnnda kiilaa 8:39

Ndáà fulaa o peelo, mí Kɔl-Hala-o cua Filipe o lepilɔɔ kpé, langbanɔɔ ci lɛ ndu le. Kɛ mó hiaw laci, mó va kɔlan a kɔlkɛndɔɔ.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

Dɛnnda cɔɔmuanndan 1:10

Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,

Dɛnnda cɔɔmuanndan 12:14

Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

Dɛnnda cɔɔmuanndan 12:3

O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Dɛnnda cɔɔmuanndan 17:18

Vanalanɔ n ce-o, ndu co kobi bɛndu co masalen tosaa masaa co o lɛŋnden coo-a coo ni.»

Dɛnnda cɔɔmuanndan 17:4

Kola keese siaŋa sɔɔtɔtɔɔ va vanalanɔ kon lekɔɔ, mó kɛɛmian a sianion, powta báà kàlàlan a yɔɔva báà kalaa. Taala kólaa n'siani va ndu o ba-o va o piaa cá a mààlan, la o sɔla o suundaa lan.

Dɛnnda cɔɔmuanndan 18:12

sianion, volin latámán, powta báà kàlàlan, yɔɔvala báà kalalan, kolala keesela fɛtufɛtulan, kolala keesela siaŋala sɔɔtɔtɔlan, kolala nda toosiaa a pamboei lan, kolala siaŋala vólotótolan, yɔmii kendu saalɔnnde, ɲɛla kɛ́-kɛ̀ nda toosiaa a ciŋun kamaa, la kɛ́-kɛ̀ nda toosiaa a yɔmii báà kalɛi, la nda toosiaa a daɲan-ndan, la nda toosiaa a cilinndon-ndan a la nda toosiaa a powta ŋɛlɛngi-ŋɛlɛngilan-ndan,

Dɛnnda cɔɔmuanndan 18:16

A diminin aa: «Kpòkóó! Má cè dɛnɛ palaa le kobi bɛndoo ho! Kobi va hoo o cuɛinanndo a kola keese fɛtufɛtoo, kola siaŋa vólotótoo, a kolala siaŋala sɔɔtɔtɔɔlan-ndo, o va hoo o kɛɛmiaa a sianion, a powta báà kàlàlan a á yɔɔva kɛndɛ-kɛndɔɔ-o kɛí dɛ!

Dɛnnda cɔɔmuanndan 21:10

Mó kɔa a ya o kɔllo nin o pembii bɛndui vilɛi-vilɛiye pum coo. Mó cɔm ya Kobi diandaa, Yerusalɛm pɛɛn, o va fulaa coocoo o Hala lo.

Dɛnnda cɔɔmuanndan 4:2

Fɔ́ɔ́fɔ̀, mí Kɔl-Diandaa cua ya. Kpɛŋɛ lemasaa va o halataala, vanndo va icali o kpɛŋɛ kalaa nin.