Dɛnnda cɔɔmuanndan 17:2 - BII BILA

² Masaa co o lɛŋnden coo-a a co suundaa a ndu, mɔima suunda ndɔɔ ma bii vanaa co o lɛŋnden coo-a.»

Dɛnnda cɔɔmuanndan 17:2 Iomraidhean Croise

Yeremi 51:7

Maa taala kólaa n'siani Babilɔn va Mɛlɛka o ba ni, o va ceendo kpow hɔlla hiŋndo. Vanaa-mangalaa-isɔɔa va mɔima ndɔan kolɔɔ háá mí maa hiŋ nda bolle.

Nahum 3:4

«Kon kpede tosan, le tùú Ninivea suunda taw, mí ɲɔɔ hiaw nda ba yelelanndo, má va vannda pisio o suundaa bɛngu, má va vannda vuɔɔlan a koovan-ndo,

Nsaŋ 2:10

Mó veelu vana yil lanɔɔ sɛnɛi-yo, mó dimul ndu aa: «Mɔima kɛndɛ-kɛndɛan fɔlɔn vana ke mialla ni. Vannda kol man pɛ taw, a yɔngu niko nda ma niŋ lapi le-an. Kɛ mí nɔm manda mɔima kɛndɛ-kɛndɛan man háá telenndo ho.»

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Dɛnnda cɔɔmuanndan 17:13

Yiyannda pilɛlan kpé nda nɔ ni, yiyan kon co le visio kpaaya ndaa a masale ndalen yɔngoo ni.

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.

Dɛnnda cɔɔmuanndan 17:5

Diolan lapum la va lasɛvaalan ndu o itendu, diola kɔndɔfiltan pila aa: «Babilɔn bɛndoo, kalaa vanlaandua suundɛiya a mààla co o lɛŋnden coo lan.»

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Dɛnnda cɔɔmuanndan 18:3

Kani vanaa-mangalaa-isɔɔa kpow a kol mɔima kɔltuwma dɛnɛ laasiɛi ndɔɔ. Masaa co o lɛŋnden coo-a vow balan o dɛnɛ laasiɛi ndɔɔ nin, mì yulaa co o lɛŋnden coo-a sul a kpaaya co o bolofaa dɔ́ɔ́ nin-ndo.»

Dɛnnda cɔɔmuanndan 18:9

Masaa kɛ́-kɛ̀ co o lɛŋnden coo, má del ndu kɔɔli o laasianndo a o ɲɛm ndɔn kɛndɔn nin caŋnin mà cɛɛŋun le ndu telen nda canin kumnde helɔɔ o ndu lomɔɔ-o.

Dɛnnda cɔɔmuanndan 2:22

Tofa vɔ, i co ndu ɲindɔɔ o kpele, nda vanaa suunda a ndu-a latulu o sanga bɛndu-bɛndoo nin. Fɔ dɔ́ɔ́ mà mangalan, mà mal dɛnnda ndɔlan dɛ!

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Dɛnnda cɔɔmuanndan 9:21

A mangalan mà mal vanndacieea diwvo le, a mel kueilen fulaa le, a mel laasian ndaa a vuile nda va tosaa len te.