Dɛnnda cɔɔmuanndan 16:9 - BII BILA

⁹ Mí vanndacieea ŋɔa a hangul vɔɔn-vɔɔndo. Má dimi sɔɔn tanan a diola Hala nɔ baa o dɛnnda palaala lan coo-o, a cɛl le mangalanndo mà biilu ndu le.

Dɛnnda cɔɔmuanndan 16:9 Iomraidhean Croise

2Masaa 6:33

O va vɔ nda sɔɛi ken dimullo, mí kiilanɔɔ tiiya o ndu lo, mó dimul ndu aa: «Mɛlɛka tuisi dɛnnda palaalan ndan kpow naa coo ni. Vɛ̀ɛ̀ ya nɔla yɛ vɛlɛ mì tiindan ndu Mɛlɛka?»

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Esai 8:21

A vanin a laasiannda o lɛŋnden nin, sanga bɛndoo a yiaan ma toalnin nda coo, nduyɛ te yiaan ma nɛi pɛ nda, a tuulu kɔl. A diminin sɔɔn vɔɔnndon a masa ndaa a á Hala ndaa, a heelunin hɔlla o halataala.

Yeremi 13:6

Palɛi bɔɔ-bɔɔ o kon kɔɔli, mí Mɛlɛka dimul-la aa: «Cɔn ma muungu o peo Efrate, mà kɔ cua yáwle yáà dimul nɔm le vionɔɔ lon-nden.»

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Luke 13:3

Ɛ-ɛ. Mì dimul niaa, te la mel yɔŋ vɔɔndo mì la mangalan te, lende koni niaa bɛɛ sɔlanin piɔ́mndo ni.

Luke 13:5

Kɛì-kɛì bɛɛ! Mì dimul niaa, te la mel yɔŋ vɔɔndo mì la mangalan te, lende niaa bɛɛ sɔlanin piɔ́mndo ni.»

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Dɛnnda cɔɔmuanndan 16:21

Mí loeon bɛndu-bɛndon can o halataala, mí n deli vanndacieea coo. Mí vannda va sɔɔn tanan dimio a Hala le kpundɛ loeon deliaa kon, kani sangaa pila nda sɔla o dɛnɛ kon nin ni.

Dɛnnda cɔɔmuanndan 2:21

I ke ndu telenndo le mangalanndo, kɛ o yeema mò mangalan, mò faŋan laasian ndɔ kon te.

Dɛnnda cɔɔmuanndan 9:20

Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.